ខេត្តសៀមរាប ៖ ដើមឈើ មានហានិភ័យខ្ពស់ ចំនួន១៦ដើម ស្ថិតនៅបរិវេណប្រាសាទក្រាលរមាស លើភ្នំគូលែន ត្រូវបានក្រុមអ្នកជំនាញផ្នែកព្រៃឈើរបស់អាជ្ញាធរជាតិអប្សរា កំពុងកាត់ដកហូត ក្នុងបំណង…
ខេត្តសៀមរាប ៖ ដើមឈើ មានហានិភ័យខ្ពស់ ចំនួន១៦ដើម ស្ថិតនៅបរិវេណប្រាសាទក្រាលរមាស លើភ្នំគូលែន ត្រូវបានក្រុមអ្នកជំនាញផ្នែកព្រៃឈើរបស់អាជ្ញាធរជាតិអប្សរា កំពុងកាត់ដកហូត ក្នុងបំណង ដើម្បីបង្ការហានិភ័យជាយថាហេតុ។
ការងារនេះធ្វើឡើង ក្រោយពីក្រុមអង្កេតដើមឈើមានហានិភ័យរបស់នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន នៃអាជ្ញាធរជាតិអប្សរា បានសហការជាមួយផ្នែកពាក់ព័ន្ធ ចុះពិនិត្យមើលស្ថានភាពជាក់ស្ដែង នៃដើមឈើទាំងនោះ និងបានរកឃើញមានដើមឈើ ហានិភ័យខ្ពស់ចំនួន១៦ដើម រួមមាន ដើមសំបួរចំនួន១៤ដើម និងដើមតាសែង ចំនួន២ដើម ដែលកំពុងដុះទ្រេតខ្លាំង មកលើតួប្រាសាទ និងដុះជាប់ថ្មប្រាសាទ ។
ក្រុមការងារបាន និងកំពុងដំណើរការងារកាត់ដកហូតដើមឈើខាងលើ ចាប់តាំងពីថ្ងៃទី១៤ ខែធ្នូ ឆ្នាំ២០២០មក ដើម្បីធានាដល់សុវត្ថិភាពភ្ញៀវទេសចរ ដែលចូលមកទស្សនាប្រាសាទនេះ ជៀសវាងមានគ្រោះថ្នាក់ប៉ះពាល់ដល់អាយុជីវិត និងរចនាសម្ព័ន្ធប្រាសាទ ព្រមទាំងធ្វើឲ្យមានសោភ័ណភាពស្រស់ស្អាតផង ៕
ចែករំលែកព័តមាននេះ