ខេត្តកំពង់ចាម ៖ មានករណីផ្ទុះកំប៉ុងហ្គាស នៅកន្លែងលក់លតឆា ក្នុងផ្សារផ្អាវ បណ្តាលឲ្យរងរបួសធ្ងន់ស្រាល ស្ត្រី០៣នាក់ ករណីបែបននេះកើតមានច្រើនលើកមកហើយ សូមបងប្អូនប្រជាពលរដ្ឋ មានការប្រុងប្រយ័ត្នអោយបានខ្ពស់បំផុត ។
បើតាមរបាយការណ៍របស់សមត្ថកិច្ចបានឲ្យដឹងថា ករណីផ្ទុះកំប៉ុងហ្គាសនេះ បានកើតឡើងនៅវេលាម៉ោង៨ព្រឹក ថ្ងៃទី១៨ ខែធ្នូ ឆ្នាំ២០២០ នៅចំណុចក្នុងផ្សារផ្អាវ ភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ។ ផ្ទុះកំប៉ុងហ្គាសនៅលើគ្រែ កន្លែងលក់លតឆារបស់ឈ្មោះ សុខ គឹមសយ ភេទប្រុស អាយុ៥៥ឆ្នាំ មានទីលំនៅភូមិឃុំខាងលើ ។
ជនរងគ្រោះទាំង៣នាក់ រួមមាន ៖ ទី១-ឈ្មោះ ណន ស្រនី ភេទស្រី អាយុ២១ឆ្នាំ នៅភូមិផ្អាវ ត្រូវជាកូនប្រសារ(សុខ គឹមសយ) របួសស្រាល ។ ទី២-ឈ្មោះ ឈុំ មករា ភេទស្រី អាយុ២០ឆ្នាំ នៅភូមិផ្អាវ ត្រូវជាក្មួយ(សុខ គឹមសយ) របួសធ្ងន់ និងទី៣-ឈ្មោះទេព សំអាន ភេទស្រី អាយុ៦៣ឆ្នាំ នៅភូមិផ្អាវ ជាអ្នកលក់បបរក្បែរគ្នា របួសធ្ងន់ ។
អ្នករងរបួសទាំង៣ ត្រូវបានក្រុមគ្រួសារបងប្អូន ដឹកយកបញ្ជូនទៅសង្គ្រោះព្យាបាល នៅមន្ទីរពេទ្យបង្អែកស្រុក ។
សមត្ថកិច្ចបានសំណូមអោយបងប្អូនអាជីករលក់ដូរ ដែលភាគច្រើនតម្រូវការប្រើប្រាស់កំប៉ុងហ្គាសនោះ សូមឲ្យបង្កើនការប្រុងប្រយ័តខ្ពស់បំផុត ព្រោះថា ការដាក់កំប៉ុងហ្គាសរបស់ខ្លួន នៅហាលក្តៅ ឫជិតកន្លែងមានកំដៅ បណ្តាលឲ្យឧស្ម័ននៅក្នុងកំប៉ុង រីកមាឌ បង្កឲ្យផ្ទុះគ្រប់ពេលវេលា និងហាមដាក់កំប៉ុងហ្គាសរបស់ខ្លួន នៅក្បែរសារធាតុឆេះផ្សេងៗ ដូចជាដបសាំង, សារធាតុប្រតិកម្មចំហេះផ្សេងៗ ហើយត្រូវប្រើប្រាស់តែកំប៉ុងហ្គាសថ្មីបំផុត ជៀសវាងប្រើប្រាស់កំប៉ុងហ្គាសណា ដែលចាស់ ប្រើនិងបញ្ចូលច្រើនសារ ៕
ចែករំលែកព័តមាននេះ