លោកយាយអាយុ92ឆ្នាំមានម៉ាំមីទារក50ឆ្នាំក្នុងផ្ទៃ
AFP ផ្សាយថា គ្រូពេទ្យប្រទេសស៊ីលី បានប្រទះឃើញម៉ាំមីទារកនៅក្នុងផ្ទៃលោកយាយអាយុ៩២ឆ្នាំ ដោយសន្និដ្ឋានថា ម៉ាំមីនោះមានអាយុយ៉ាងតិច៥០ឆ្នាំ ។
AFP ផ្សាយថា គ្រូពេទ្យប្រទេសស៊ីលី បានប្រទះឃើញម៉ាំមីទារកនៅក្នុងផ្ទៃលោកយាយអាយុ៩២ឆ្នាំ ដោយសន្និដ្ឋានថា ម៉ាំមីនោះមានអាយុយ៉ាងតិច៥០ឆ្នាំ ។
សពទារកដែលមានទម្ងន់ជិត២គីឡូក្រាម ពិនិត្យឃើញដោយគ្រូពេទ្យក្រោយពីលោកយាយរូបនោះត្រូវបញ្ជូនទៅមន្ទីរពេទ្យដោយសារដើរដួល ។ គ្រូពេទ្យជំនាញបានថតអេក្សរ៉េ (X-Ray) ត្រង់ត្រគាករបស់លោកយាយនោះ ហើយប្រទះឃើញសពទារកស្ថិតក្នុងផ្ទៃរបស់គាត់ តែកន្លងមកមិនបង្កឱ្យគាត់ឈឺចាប់ទេ ។ គ្រូពេទ្យសន្និដ្ឋានថាទារកនោះស្លាប់នៅមុនពេលសម្រាល និងមានកាល់ស្យូមរុំព័ទ្ធ ដោយបង្កប់នៅខាងក្រៅស្បូន ។
តាមប្រវត្តិវេជ្ជសាស្ត្រ បានប្រទះឃើញករណីបែបនេះតិចតួចបំផុត ។
ក្រោយពីពិនិត្យរួចរាល់ ស្ត្រីចំណាស់រូបនោះបានធ្វើដំណើរទៅផ្ទះវិញ ដោយមិនឱ្យគ្រូពេទ្យវះកាត់យកម៉ាំមីទារកនោះចេញពីផ្ទៃរបស់ខ្លួនឡើយ ៕
ចែករំលែកព័តមាននេះ