១-ស្វាគមន៍រដូវកាន់សីលបង្អត់អាហាររបស់មូស្ល៊ីម
យុវជនឥណ្ឌូណេស៊ីនាំគ្នាសម្អាតដំបូលវិហាររាងមូលមួយនៅក្រុងហ្សាការតា ដើម្បីត្រៀមអបអរពិធីបុណ្យ «រ៉ាម៉ាដន» នាពេលដ៏ខ្លីខាងមុខ ។
២-ដណ្តើមគ្នាទិញអាហារពេលហាងបញ្ចុះថ្លៃ
ដណ្តើមទិញអាហារដែលបញ្ចុះថ្លៃនៅក្នុងផ្សារទំនើប Tesco ក្រុងន័រថេមតុន ចក្រភពអង់គ្លេស ខណៈពេលបុគ្គលិកនៅក្នុងផ្សារបង្ហាញក្តីបារម្ភដល់អតិថិជន ។
៣-ភីហ្សារូបមុខដេវីដ បេកខាំ
លោកណេថាន វាយប៊េន វិចិត្រករជនជាតិអង់គ្លេសបានច្នៃប្រឌិតភីហ្សាជារូបមុខដេវីដ បេកខាំ អតីតកីឡាករបាល់ទាត់ដ៏ល្បីរបស់អង់គ្លេស ដាក់លក់ក្នុងទិវាឪពុករបស់អង់គ្លេស ។
៤-រដូវព្យុះនៅឥណ្ឌា
ជនជាតិឥណ្ឌានាំគ្នាដើរគេចទឹករលកដ៏ធំដែលបោកបក់ខ្ទប់ច្រាំងសមុទ្រ អារ៉ាបៀន ជាសញ្ញាមួយបញ្ជាក់ថា ព្យុះនៅក្រុងបុមបៃ បានមកដល់រៀងរាល់ឆ្នាំក្នុងអំឡុងពីខែមិថុនា ដល់ខែកញ្ញា ។
៥-ក្តាន់តូចបំផុតនៅក្នុងលោក
កូនក្តាន់តូចមួយក្បាលនៅទ្វីបអាមេរិកខាងត្បូង ជាពូជក្តាន់តូចបំផុតនៅលើពិភពលោក ដែលទើបកើតក្នុងឧទ្យានសត្វគ្វីន ក្រុងផ្លាចឈីង រដ្ឋញូវយ៉ក កាលពីថ្ងៃទី១២ ឧសភា ២០១៥ មានកម្ពស់៦អុីញ ទម្ងន់០,៩គីឡូក្រាម។
៦-ក្តាមក្រហមធូណា
អ្នកនេសាទបង្ហាញហ្វូងក្តាមក្រហមធូណា ជាច្រើនពាន់ក្បាល ត្រូវរលកបោកបកក់ទើរលើឆ្នេរ «អូរ៉េន ពានទី» សហរដ្ឋអាមេរិក ដោយមិនដឹងពីមូលហេតុ ។
៧-ស្វាគមន៍លោក«បប់»
បុគ្គលិកបានជួយគ្នាបង្ហាញផ្លូវដល់លោក បប់ តួសម្តែងក្នុងខ្សែភាពយន្តរឿង «មីននៀន ចេញពីរថភ្លើង» នៅស្ថានីយរថភ្លើងក្រុងហ្សាការតា ប្រទេសឥណ្ឌូណេស៊ី ក្នុងអំឡុងពេលឃោសនាភាពយន្ត ។
៨-បំផ្លាញដបស្រាជាវត្ថុនាំបាបដាក់ខ្លួន
អាជ្ញាធរឥណ្ឌូណេស៊ី យកដបស្រាដែលរឹបអូសនៅមុនពិធីបុណ្យ «រ៉ាម៉ាដន» បំផ្លាញចោលនៅបរិវេណខាងមុខប៉ុស្តិ៍ប៉ូលិសក្នុងក្រុងហ្សាការតា ៕
ចែករំលែកព័តមាននេះ