ព័ត៌មានប្លែកៗនៅលើពិភពលោក
១-បង្ហាញសុដន់ប្រឆាំងនឹងរដ្ឋាភិបាល
ក្រុមស្ត្រីជាច្រើននាក់បានបង្ហាញសុដន់ និងបំបៅដោះកូននៅទីសាធារណៈតវ៉ានៅក្រុងប៊ុយណូស៊ែរ ប្រទេសអាហ្សង់ទីន ដោយចោទប្រកាន់អាជ្ញាធរប្រើ
១-បង្ហាញសុដន់ប្រឆាំងនឹងរដ្ឋាភិបាល
ក្រុមស្ត្រីជាច្រើននាក់បានបង្ហាញសុដន់ និងបំបៅដោះកូននៅទីសាធារណៈតវ៉ានៅក្រុងប៊ុយណូស៊ែរ ប្រទេសអាហ្សង់ទីន ដោយចោទប្រកាន់អាជ្ញាធរប្រើច្បាប់កំណត់ការងាររបស់ពួកគេ រួមទាំងមានបញ្ហាដល់សុខភាពរបស់ម្តាយនិងកុមារ ។
២-មនុស្សយន្តស្នាដៃនិស្សិត
សិស្ស-និស្សិតតែងតែបង្ហាញមនុស្សយន្តរបស់ខ្លួននៅក្នុងកម្មវិធីប្រកួតមនុស្សយន្តស៊ូម៉ូ ជុំចុងក្រោយនៅក្រុងប៊ុយការ៉េស ប្រទេសរ៉ូម៉ានី ដោយការប្រកួតនេះមានមនុស្សយន្តកើតចេញពីការច្នៃប្រឌិតរបស់និសិត្សបរទេសជាង២០ប្រទេសចូលរួមប្រកួត ។
៣-ផ្លូវដើរសម្រាប់ទា
ផ្លូវទាំងឡាយមិនមែនមានសម្រាប់តែមនុស្សទេ សូម្បីតែទាក៏មានផ្លូវដែរ ។ អង្គការសប្បុរសធម៌មួយនៅអង់គ្លេសបានបង្កើតផ្លូវសម្រាប់មាន់ ទា និងបក្សីដើរដោយផ្លូវនោះបានកាត់ខណ្ឌចែកចេញពីផ្លូវដើរសម្រាប់មនុស្សនៅមាត់ទន្លេក្នុងក្រុងឡុងដ៍ និងក្រុងមេនឆេស្ទ័រ ។
៤-ត្រីព្រះចន្ទ
អ្នកជីវវិទ្យាក្នុងមជ្ឈមណ្ឌលនេសាទ របស់អាមេរិកបង្ហាញត្រីឈាមក្តៅ ឬត្រីព្រះចន្ទដែលជានិច្ចកាលត្រីប្រភេទនេះរស់នៅក្នុងសមុទ្រជ្រៅ។
៥-ប្រារព្ធពិធីសាទរប្រទេសគ្មានមេរោគ អេបូឡា
ក្រុមអ្នកចូលរួមបានបង្ហាញក្តីត្រេកអររបស់ខ្លួននៅក្នុងពិធីអបអរសាទរមួយនៅប្រទេសលីបេរី ដែលគ្មានមេរោគអេបូឡា ខណៈពេលមុននេះមានការរាតត្បាតនៅតាមប្រទេសក្នុងអាហ្វ្រិកខាងលិច បង្កភាពភ័យខ្លាចដល់ពលររដ្ឋ ។
៦-វិជ្ជាគុនការពារខ្លួន
បុរសវៀតណាមអាយុ២៨ឆ្នាំ បានយកលោហៈរឹបលើក្បាល ក្នុងពេលបង្ហាញក្បាច់គុន កុងហ្វ៊ូ ធៀន មុនដាវអាន ជាវិជ្ជាគុនការពារខ្លួនបែបបុរាណរបស់វៀតណាម ។ វិជ្ជាគុននេះ ក្រៅពីធ្វើឱ្យរាងកាយមាំមួនល្អនោះ ក៏ជួយការពារពីការវាយប្រហាររបស់សត្រូវ ។
៧-ដេកក្បែរមឈូសសពប្រពន្ធ៦ខែ
បុរសម្នាក់នៅខេត្តស៊ីឈួន ប្រទេសចិន បានធ្វើតាមការសន្យារបស់ខ្លួនដែលថា នឹងមិនឃ្លាតឆ្ងាយពីប្រពន្ធ ដោយរក្សាទុកសពប្រពន្ធនៅក្នុងមឈូសក្លាស្សេទុកក្នុងបន្ទប់ដេកអស់រយៈពេល៦ខែ ។ បុរសនោះបានប្រតិបត្តិតាមបណ្តាំ ដោយរក្សាទុកសពប្រពន្ធកាលពីខែធ្នូ ២០១៤ ទោះបីខុសច្បាប់ដែលគេតម្រូវឱ្យរក្សាទុកសពត្រឹមតែ៥ថ្ងៃក៏ដោយ ។
៨-ខ្លាឃ្មុំផេនដា ចំនួន១.៦០០ក្បាល
មិនមែនជាផេនដាពិតទេ តែជារូបចម្លាក់ខ្លាឃ្មុំផេនដា១.៦០០ក្បាល ដាក់តាំងបង្ហាញនៅក្រុងសេអ៊ូល ប្រទេសកូរ៉េខាងត្បូង គឺជាតួលេខប៉ាន់ស្មានចំនួនខ្លាឃ្មុំផេនដាស្ថិតនៅក្នុងព្រៃ និងទាមទារឱ្យជួយអភិរក្ស ៕
ចែករំលែកព័តមាននេះ