រាជធានីភ្នំពេញ ៖ បុរសម្នាក់ស្រវឹងស្រាជិះម៉ូតូដួលបោកក្បាលនឹងថ្នល់សន្លប់ស្ដូកស្ដឹងនៅកន្លែងកើតហេតុផ្អើលប្រជាពលរដ្ឋ និងសមត្ថកិច្ចទាក់ទងហៅរថយន្តសង្គ្រោះ កាលពីវេលាម៉ោង៦និង១០នាទីយប់ ថ្ងៃទី៨ ខែធ្នូ ឆ្នាំ២០២០ នៅតាមបណ្ដោយផ្លូវបេតុង ភូមិចាក់ជ្រូក…
រាជធានីភ្នំពេញ ៖ បុរសម្នាក់ស្រវឹងស្រាជិះម៉ូតូដួលបោកក្បាលនឹងថ្នល់សន្លប់ស្ដូកស្ដឹងនៅកន្លែងកើតហេតុផ្អើលប្រជាពលរដ្ឋ និងសមត្ថកិច្ចទាក់ទងហៅរថយន្តសង្គ្រោះ កាលពីវេលាម៉ោង៦និង១០នាទីយប់ ថ្ងៃទី៨ ខែធ្នូ ឆ្នាំ២០២០ នៅតាមបណ្ដោយផ្លូវបេតុង ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ។
តាមប្រភពព័ត៌មានបានអោយដឹងថា មុនពេលកើតហេតុគេឃើញជនរងគ្រោះជិះម៉ូតូម៉ាក ស្មាសវី ពណ៌ខ្មៅលាយក្រហម ពាក់ស្លាកលេខភ្នំពេញ 1AZ-4012បើកបរទិសដៅពីជើងទៅត្បូងក្នុងល្បឿនមធ្យមហើយ ស្រវឹងស្រាលុះមកដល់ចំណុចកើតហេតុ ក៏ស្រាប់តែដួលម៉ូតូបោកក្បាលទៅនឹងថ្នល់បែកក្បាលសន្លប់ស្ដូកស្ដឹង ភ្លាមៗនោះដែរត្រូវបានប្រជាពលរដ្ឋនាំគ្នាជួយធ្វើចលនាបន្ទាប់មកបានដឹងខ្លួនហើយក៏សន្លប់ម្តងទៀត ។
បន្ទាប់មកប្រជាពលរដ្ឋបានទាក់ទងទៅសមត្ថកិច្ចទាក់ទងហៅរថយន្តឯកជនសម្ភពសង្គម៉ារី មកដឹកយកជនរងគ្រោះទៅសង្គ្រោះភ្លាមៗ ចំណែកម៉ូតូជនរងគ្រោះត្រូវបានកំលាំងសមត្ថកិច្ចនគរបាលប៉ុស្តិ៍សំរោងក្រោម យកទៅរក្សាទុក ។
ប្រភពព័ត៌មានបានបន្តទៀតថា ខណៈពេលជនរងគ្រោះកំពុងតែរងរបួសធ្ងន់ក៏ស្រាប់តែជនឆ្លៀតឱកាសបានបន្លំយកទូរស័ព្ទដៃរបស់គាត់គេចខ្លួនបាត់ស្រមោលពីកន្លែងកើតហេតុតែម្ដងទៅ ។
ក្រោយពេលកើតហេតុម៉ូតូជនរងគ្រោះត្រូវបានកំលាំងសមត្ថកិច្ចនគរបាលប៉ុស្តិ៍សំរោងក្រោមយកទៅរក្សាទុកអោយជនរងគ្រោះយកឯកសារគ្រប់គ្រាន់និងប្រគល់អោយទៅម្ចាស់វិញ ៕
ចែករំលែកព័តមាននេះ