រាជធានីភ្នំពេញ ៖ នារីម្នាក់ត្រូវបានជនសង្ស័យធ្វើសកម្មភាពឆក់ទូរស័ព្ទដៃស៊េរីទំនើបមួយគ្រឿងយកទៅបាត់ដោយសុវត្ថិភាព បន្ទាប់ពីនារីរងគ្រោះជិះម៉ូតូមួយគ្រឿងជាមួយប្អូនប្រុសចេញពីកន្លែងធ្វើការ កាលពីវេលាម៉ោង៩យប់ថ្ងៃទី៧ ខែធ្នូ ឆ្នាំ២០២០ ត្រង់ចំណុចក្បែរស្ពានអាកាសស្ទឹងមានជ័យ តាមបណ្ដោយផ្លូវព្រះមុន្នីរ៉េត ស្ថិតក្នុងសង្កាត់បឹងសាឡាង…
រាជធានីភ្នំពេញ ៖ នារីម្នាក់ត្រូវបានជនសង្ស័យធ្វើសកម្មភាពឆក់ទូរស័ព្ទដៃស៊េរីទំនើបមួយគ្រឿងយកទៅបាត់ដោយសុវត្ថិភាព បន្ទាប់ពីនារីរងគ្រោះជិះម៉ូតូមួយគ្រឿងជាមួយប្អូនប្រុសចេញពីកន្លែងធ្វើការ កាលពីវេលាម៉ោង៩យប់ថ្ងៃទី៧ ខែធ្នូ ឆ្នាំ២០២០ ត្រង់ចំណុចក្បែរស្ពានអាកាសស្ទឹងមានជ័យ តាមបណ្ដោយផ្លូវព្រះមុន្នីរ៉េត ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ ។
តាមប្រភពពីនារីរងគ្រោះដែលសុំមិនបញ្ចេញឈ្មោះបានរៀបរាប់ប្រាប់ឲ្យដឹងថា នៅមុនពេលកើតហេតុ រូបនាងនិងប្អូនប្រុសបានជិះម៉ូតូមួយគ្រឿងម៉ាក TODAY ពណ៌ស ពាក់ស្លាកលេខ បាត់ដំបង 1P-4950 ជិះចេញមកពីកន្លែងធ្វើការនៅផ្សារទំនើបអូឡាំព្យាក្នុងគោលបំណងជិះត្រឡប់ទៅផ្ទះនៅសង្កាត់ចោមចៅ ខណ្ឌពោធិ៍សែនជ័យ ដោយប្អូនប្រុសរបស់នាងជាអ្នកបើកម៉ូតូ ចំណែកនាងអង្គុយខាងក្រោយ បានធ្វើដំណើរតាមបណ្ដោយផ្លូវព្រះមុន្នីរ៉េត ក្នុងទិសដៅពីជើងទៅត្បូង ។
តាមប្រភពដដែលបានបន្តថា ខណៈពេលកំពុងធ្វើដំណើរតាមផ្លូវនោះ នាងក៏បានយកទូរស័ព្ទដៃស៊េរីទំនើបមួយគ្រឿងមកចុចឆ្លើយឆ្លងតាមឆាតជាមួយមិត្តភក្តិរបស់នាង
បណ្តើរ លុះមកដល់ចំណុចកើតហេតុ ស្រាប់តែលេចមុខជនសង្ស័យម្នាក់ជិះម៉ូតូមួយគ្រឿងម៉ាកហុងដាឃ្លីក ពណ៌ខ្មៅ មិនចាំស្លាកលេខ បានជិះតាមមកពីក្រោយ និងបានធ្វើសកម្មភាពឆក់យកទូរស័ព្ទដៃរបស់នាងដែលកំពុងតែកាន់ចុចបានសម្រេចតែម្តង។ ភ្លាមៗនោះនាងក៏បានស្រែកចោរៗ និងជិះដេញតាមពីក្រោយជនសង្ស័យដែរ ប៉ុន្តែជនសង្ស័យបានបន្ថែមល្បឿនជិះម៉ូតូរត់គេចខ្លួនបាត់ស្រមោលដោយសុវត្ថិភាព។
ក្រោយពេលកើតហេតុ សមត្ថកិច្ចមូលដ្ឋានក៏បានចុះមកធ្វើការអន្តរាគមន៍ និងនាំជនរងគ្រោះទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលបឹងសាឡាងដើម្បីសមត្ថកិច្ចធ្វើការស្រាវជ្រាវតាមចាប់ជនសង្ស័យយកមកផ្តន្ទាទោសទៅតាមផ្លូវច្បាប់ជាបន្តទៀត៕ (កែសម្រួលដោយ ៖ ធីតា)
ចែករំលែកព័តមាននេះ