រាជធានីភ្នំពេញ ៖ លោក ហ៊ុន គឹមជាតិ ដែលជាក្មួយប្រុស សម្តេចតេជោ បានមានប្រតិកម្ម យ៉ាងខ្លាំងទៅនឹងស្អែកស្លាប់ស្អែកស្លាប់ ដែលបានប្រើប្រាស់ឈ្មោះ ត្រកូលហ៊ុន គំរាមទារប្រាក់គេ ។ ទន្ទឹមនោះ លោកក៏បានបង្ហោះសារនៅក្នុងបណ្តាញសង្គមហ្វេសប៊ុក កាលពីរសៀល ថ្ងៃទី០៥ ខែធ្នូ ឆ្នាំ២០២០ អោយនរណាក៏បានយកម្នាក់នេះមកជួបលោក ។
លោក ប៉ូ ចាន់នី អាយុ៤១ឆ្នាំ រហស្សនាម (ហៅស្អែកស្លាប់ ស្អែកស្លាប់) ជាអ្នកសារព័ត៌មានសាន ព្រំ (SANPRUM-NEWS) ហើយបានប្រើប្រាស់គណនេយ្យហ្វេសប៊ុក« ស្អែកស្លាប់ស្អែកស្លាប់ ការពារត្រកូលហ៊ុនលុះក្ស័យ ។
តាមគណៈនេយ្យហ្វេសប៊ុក «Kimcheat Hun » ដែលគេស្គាល់ថាឈ្មោះ ហ៊ុន គឹមជាតិ ដែលជាក្មួយប្រុសរបស់សម្តេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក៏បានបង្ហោះនៅរសៀល ថ្ងៃទី០៥ ខែធ្នូ ឆ្នាំ២០២០ ដែលមានខ្លឹមសារថា «នណាក៏បានយកម្នាក់នេះមកជួបខ្ញុំ ប្រើប្រាស់ឈ្មោះត្រកូលហ៊ុនគំរាមទារប្រាក់គេ» ។ នៅក្នុងការបង្ហោះ លោក ហ៊ុន គឹមជាតិ ក៏ភ្ជាប់រូបប្រូហ្វាល់របស់ស្អែកស្លាប់ស្អែកស្លាប់ផងដែរ ។ ការបង្ហោះសារនេះ បន្ទាប់ពីមហាជននៅក្នុងបណ្តាញសង្គមបានធ្វើការរិះគន់យ៉ាងខ្លាំងនូវបុគ្គលរូបនោះ ដែលគេស្គាល់ថា ជាកូនចៅលោក ព្រំ សានទីប្រឹក្សាក្រសួងព័ត៌មាន ។
តាមព័ត៌មានអោយដឹងថា ស្អែកស្លាប់ស្អែកស្លាប់ ធ្លាប់មានរឿងអាស្រូវជាច្រើនដែលបានជជេរប្រមាថអាជ្ញាធរ និងសមត្ថកិច្ច និងធ្លាប់បានសុំទោសជាសាធារណៈនៅលើបណ្តាញសង្គមផងដែរ ។ លោកធ្លាប់ត្រូវបានតុលាការសាលាដំបូងខេត្តកណ្តាលចេញដីការបង្គាប់អោយចាប់ខ្លួនហើយ ត្រូវបាននគរបាលស្រុកពញ្ញាឭខេត្តកណ្តាល ឃាត់ខ្លួន កាលពីថ្ងៃទី២៥ ខែតុលា ឆ្នាំ២០២០ នៅចំណុចភូមិតាជ័យ ឃុំជ្រៃលាស់ ស្រុកពញាឮ ខេត្តកណ្តាល ពីបទ«គំរាមកំហែង,បរិហាកេរ្តិ៍ជាសាធារណៈ ,ជេរប្រមាថជាសាធារណៈ, ញុះញង់អោយប្រព្រឹត្តបទឧក្រិដ្ឋជាអាទិ៍ និងប្រើប្រាស់ដោយខុសច្បាប់នូវសំលៀកបំពាក់ជាអាទិ៍ សម្រាប់អាជ្ញាធរសាធារណៈ» ។
ការឃាត់ខ្លួននេះត្រូវគេដឹងថា ពីលោកស្អែកស្លាប់ បានគេប្រមាថលោក ផែង វណ្ណៈ តាមហ្វេសប៊ុកឡើងកក្រើក ។ ក្រោយមកក៏បានធ្វើការសុំទោសវិញ ។ ទោះបីជាយ៉ាងណា បន្ទាប់ពីឃាត់ខ្លួននឹងបញ្ចូនទៅកាន់សាលាដំបូងខេត្តកណ្តាល នៅថ្ងៃទី២៦ ខែតុលា ឆ្នាំ ២០២០ មិនបានប៉ុន្មានផង ស្រាប់តែត្រូវបានដោះលែងអោយមានសេរីភាពឡើងវិញនៅវេលាយប់នោះ បន្ទាប់ពីលោក ផែង វណ្ណៈ បានដកពាក្យពាក្យបណ្តឹងវិញ ។
ទោះបីយ៉ាងណាគេពុំទាន់ដឹងថា ស្អែកស្លាប់នោះត្រូវបានគេនាំទៅជួបលោក ហ៊ុនគឹមជាតិហើយ ឬនៅនោះទេ ហើយការជួយនេះមិនដឹងថា លោកហ៊ុន គឹមជាតិ មានវិធានការណ៍យ៉ាងណា ?ចំពោះបុគ្គលម្នាក់នោះ ដែលកំពុងតែធ្វើអោយប៉ះពាល់ដល់កិត្តិយសរបស់ត្រកូលហ៊ុនព្រមទាំង កិត្តយសនិងសេចក្តី ថ្ងៃថ្លូររបស់សារព័ត៌មានផងដែរ ៕
ចែករំលែកព័តមាននេះ