ខេត្តកណ្តាល៖ បន្ទាប់ពីទទួលបានព័ត៌មានពីមហាជន និងមានការផ្សព្វផ្សាយព័ត៌មាន ហាងផឹកស៊ីមួយចំនួនមានបន្ទប់បិទជិតនៅក្រុងតាខ្មៅ ខេត្តកណ្តាល បន្តលួចបើកជាធម្មតា ដោយលេងល្បិចឆ្ពិនភ្នែកបិទភ្លើងពីមុខហាង និងបិទភ្លើងនៅកន្លែងផ្ញើឡានម៉ូតូ តែខាងក្នុងហាងបើកជាធម្មតា ដោយមិនខ្លាចជំងឺកូវីដ-១៩…
ខេត្តកណ្តាល៖ បន្ទាប់ពីទទួលបានព័ត៌មានពីមហាជន និងមានការផ្សព្វផ្សាយព័ត៌មាន ហាងផឹកស៊ីមួយចំនួនមានបន្ទប់បិទជិតនៅក្រុងតាខ្មៅ ខេត្តកណ្តាល បន្តលួចបើកជាធម្មតា ដោយលេងល្បិចឆ្ពិនភ្នែកបិទភ្លើងពីមុខហាង និងបិទភ្លើងនៅកន្លែងផ្ញើឡានម៉ូតូ តែខាងក្នុងហាងបើកជាធម្មតា ដោយមិនខ្លាចជំងឺកូវីដ-១៩ ទាល់តែសោះ ។
ជាក់ស្តែង កាលពីយប់ថ្ងៃទី០៤ ធ្នូ ឆ្នាំ២០២០ លោកវរសេនីយ៌ យី វណ្ណដា អធិការនគរបាលក្រុងតាខ្មៅបានដឹកនាំកម្លាំងចុះធ្វើការបង្ក្រាបតែម្តង ។
លោកអធិការក៌បានបញ្ជាក់ប្រាប់តាមទូរសព្ឌ័ថា ហាងផឹកស៊ីពីកន្លែងលោកបានអោយបិទបណ្តោះអាសន្នហើយ ទី១-ហាងឡូហ្ស៊ិក ទី២-ហាងគោលដៅចាស់ ។
លោកបន្តរទៀតថា ហាងផ្សេងទៀតនៅបន្តបើកដដែល ដោយហាងទាំងនោះគ្មានបន្ទប់ គឺភ្ញៀវចូលផឹកស៊ីលក្ខណៈជាខ្យូសអង្គុយមានគម្លាតពីគ្នា ពិនិត្យកម្តៅ វាស់អាល់ កុល ត្រឹមត្រូវ។
គួររំលឹកថា កាលពីថ្ងៃទី១ ខែធ្នូ ឆ្នាំ២០២០ ថ្មីៗនេះ លោកឧត្តមសេនីយ៍ត្រី ឱ ផាន់ណា ស្នងការរងនគរបាលខេត្តកណ្តាល បានដឹកនាំកម្លាំងអន្តរាគមន៍ ចុះណែនាំអប់រំនិងធ្វើកិច្ចសន្យាអោយផ្អាកបណ្តោះអាសន្នតាមការណែនាំរបស់ក្រសួងសុខាភិបាល ដើម្បីរួមចំណែកបង្ការទប់ស្កាតជំងឺកូវិដ-១៩ តាមបណ្តាក្លិបហាត់ប្រាណ ក្លិបកំសាន្ត KTV ភោជនីយដ្ឋាន អាហារដ្ឋានដែលមានបន្ទប់បិទជិត ឬ ផឹកស៊ីមានមនុស្សច្រើន នៅក្នុងក្រុងតាខ្មៅ ។
បញ្ហានេះ សង្ឃឹមថា លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នឹងមានវិធានការ បង្ក្រាបផង ព្រោះពេលនេះកម្ពុជាកំពុងមានបញ្ហារឿងជំងឺកូវីដ-១៩ បានឆ្លងចូលក្នុងសហគមន៍ ។
គិតត្រឹមយប់ថ្ងៃទី៤ ធ្នូ ឆ្នាំ២០២០ នេះ មនុស្សសរុបចំនួន២៩នាក់ ហើយបានឆ្លងជំងឺកូវីដ-១៩ ក្នុងព្រឹត្តិការណ៍សហគមន៍២៨ វិច្ឆិកា ។
ចែករំលែកព័តមាននេះ