ខេត្តសៀមរាប ៖ ប្រជាពលរដ្ឋបានរិះគន់អាជ្ញាធរជាតិអប្សរាថា ពលរដ្ឋសុំធ្វើផ្ទះមិនបាន សូម្បីតែសុំច្បាប់ប្តូរដំបូលក៏រាប់ខែដែរ ប៉ុន្តែចំពោះអ្នកមានលុយ មានអំណាចនៅក្នុងតំបន់«១»ដូចគ្នា ហើយជាអ្នកចម្ងាយទៀត បែរជាអាចធ្វើផ្ទះនិងរបងធំៗរឹងមាំបានយ៉ាងរលូន ។…
ខេត្តសៀមរាប ៖ ប្រជាពលរដ្ឋបានរិះគន់អាជ្ញាធរជាតិអប្សរាថា ពលរដ្ឋសុំធ្វើផ្ទះមិន
បាន សូម្បីតែសុំច្បាប់ប្តូរដំបូលក៏រាប់ខែដែរ ប៉ុន្តែចំពោះអ្នកមានលុយ មានអំណាចនៅក្នុងតំបន់«១»ដូចគ្នា ហើយជាអ្នកចម្ងាយទៀត បែរជាអាចធ្វើផ្ទះនិងរបងធំៗរឹងមាំបានយ៉ាងរលូន ។
ពលរដ្ឋម្នាក់ដែលជាតំណាងពលរដ្ឋរាប់រយគ្រួសាររស់នៅភូមិត្រពាំងសេះ សង្កាត់គោក
ចក ក្រុងសៀមរាប ស្ថិតនៅក្នុងតំបន់«១»មុខអង្គរវត្ត ជិតលំនៅឋានឯកឧត្តមអភិបាលខេត្ត និងម្តុំផ្ទះលោកឧត្តមសេនីយ៍ ជា ម៉ន បានរៀបរាប់ទាំងទឹកភ្នែកកាលពីព្រឹកថ្ងៃទី៣ ខែធ្នូ ឆ្នាំ២០២០ថា ពួកគាត់រស់នៅរាប់សិបឆ្នាំហើយនៅតែផ្ទះស្លឹកដដែល សុំច្បាប់រាប់ឆ្នាំហើយមិនបាន ហើយប្រាប់វិញថា មិនអនុញ្ញាតច្បាប់ឱ្យទេព្រោះនៅក្នុងតំបន់«១» ដែលហាមឃាត់ ។
ចំណែកផ្ទះនិងរបងរបស់អ្នកមានលុយនិងមានអំណាច សឹងមិនបាច់សុំច្បាប់ធ្វើផ្ទះឬរបងក៏បានដែរ ឱ្យតែប្រាប់គេបន្តិចឱ្យធ្វើហើយ ។គាត់និយាយទៀតថា កាលពីអំឡុងឆ្នាំ២០១៨ផ្ទះរបស់ពួកគាត់គ្រាន់តែរុះជញ្ជាំងស័ង្កសីចេញហើយរៀបឥដ្ឋជំនួស ខាងមន្ត្រីសន្តិសុខរបស់អាជ្ញាធរជាតិអប្សរាមកសុំលុយ ហើយជិះម៉ូតូចេញបាត់ ។
បន្ទាប់មក មិនទាន់បាន១០នាទីផង ក៏ឃើញមានម៉ូតូ២គ្រឿងមកទៀតថា ធ្វើហ្នឹងមានច្បាប់អត់? បើអត់ច្បាប់ទេឱ្យលុយពួកគេមក គេនឹងឱ្យធ្វើ តែហាមនិយាយ ប្រយ័ត្នអ្នកផ្សេងមករុះរើ ។ និយាយមិនទាន់ផុតពីមាត់ផង ស្រាប់តែមានម៉ូតូ២ទៅ៣គ្រឿង និងរថយន្តមករុះរើ ផ្ទះគាត់អស់រលីង ។
ទោះជាយ៉ាងណា ករណីនេះគ្រាន់តែជាព័ត៌មានដែលទទួលបានពីពលរដ្ឋតែប៉ុណ្ណោះ ។
ចំណែកផ្ទះយោធាភូមិភាគ៤ម្នាក់នៅជិតផ្ទះអ្នកធំដែលសុំមិនបញ្ចេញឈ្មោះ ក៏បានលួចខ្សឹបប្រាប់កាលពីល្ងាចថ្ងៃទី២ ខែធ្នូ ឆ្នាំ២០២០ថា ផ្ទះអ្នកមាននៅជិតផ្ទះរបស់គាត់កំពុងធ្វើរបង និងផ្ទះប៉ុនណាប៉ុនណី ហើយមិនឃើញមានមុខមន្ត្រីសន្តិសុខរបស់អាជ្ញាធរជាតិអប្សរា មកធ្វើការហាមឃាត់ឬរឹបអូសដូចផ្ទះពលរដ្ឋអ្នកតូចតាចឡើយ ។
ជុំវិញករណីសាងសង់របងរឹង និងផ្ទះខាងលើនេះ លោក ឡុង កុសល អ្នកនាំពាក្យនិងជាប្រធានសន្តិសុខនៃអាជ្ញាធរជាតិអប្សរា បានប្រាប់តាមទូរស័ព្ទយ៉ាងខ្លីថា របងដែលកំពុងសាងសង់នៅជិតផ្ទះឯកឧត្តមអភិបាលខេត្តនោះ គឺគាត់បានសុំច្បាប់ទៅសហគមន៍ហើយ បើខាងព័ត៌មានចង់ចុះផ្សាយក៏សូមវាយឱ្យខ្លាំងៗហើយចំៗផង ៕
ចែករំលែកព័តមាននេះ