រាជធានីភ្នំពេញ ៖ កូនប្រុសមួយរូបរបស់លោកតា បណ្ឌិត កុល ផេង អតីតរដ្ឋមន្ត្រីក្រសួងអប់រំ យុវជន និងកីឡា ត្រូវបានព្រះមហាក្សត្រចេញព្រះរាជក្រឹត្យតែងតាំងជាអនុរដ្ឋលេខាធិការនៃក្រសួងដែលលោកឪពុកធ្លាប់ធ្វើជារដ្ឋមន្ត្រី ។
បើយោងតាមព្រះរាជក្រឹត្យ ចុះថ្ងៃទី២៦ វិច្ឆិកា ព្រះមហាក្សត្រព្រះករុណា ព្រះបាទសម្តេចព្រះបរមនាថ នរោត្តម សីហមុនី បានត្រាស់បង្គាប់តែងតាំងមុខតំណែងឯកឧត្តម កុលផេង វឌ្ឍនា ជាអនុរដ្ឋលេខាធិការនៃក្រសួងអប់រំ យុវជន និងកីឡា ។
សូមបញ្ជាក់ថា លោក កុលផេង វឌ្ឍនា គឺជាសាកលវិទ្យាធិការរងនៃសាកលវិទ្យាល័យបញ្ញាសាស្ត្រកម្ពុជា និងជាអ្នកនិពន្ធសៀវភៅ Discover Your Greatness និងជាកូនប្រុសរបស់ តាបណ្ឌិត កុល ផេង បិតាស្ថាបនិក និងជាសាកលវិទ្យាធិការនៃសាកលវិទ្យាល័យបញ្ញាសាស្ត្រកម្ពុជា ៕
ចែករំលែកព័តមាននេះ