សហរដ្ឋអាមេរិក ៖ យោងតាមទូរទស្សន៍ CNN ថា ក្រោយឆ្លងកាត់ផុតសង្គ្រាមលោកលើក
ទី២ ជំងឺមហារីក ជំងឺគ្រុនផ្ដាសាយអេស្ប៉ាញលោកយាយ ANGELINA FRIEDMNA
អាយុ១០២ឆ្នាំ ទើបឆ្លងផុត២លើកពីការឆ្លងវីរុសCOVID-19 ។
កើតឆ្នាំ១៩១៨លើនាវាមួយគ្រឿងដែលដឹកពួកជនអន្តោប្រវេសន៍អ៊ីតាលី មកកាន់សហរដ្ឋ
អាមេរិក លោកយាយ ANGELINA FRIEDMNA បានឆ្លងកាត់ផុតការឆ្លងរាលដាលនៃជំងឺសាហាវហៅជំងឹគ្រុនផ្ដាសាយអេស្ប៉ាញសង្គ្រាមលោកលើកទី២ និងជំងឺមហារីក ទន្ទឹមគ្នានឹងស្វាមីគាត់ ។ លោកយាយក៏ឆ្លងផុតដែរដល់២លើកជំងឺឆ្លងថ្មី ដែលកំពុងរាតត្បាតពាសពេញពិភពលោកសព្វថៃ្ង ដែលសម្លា.ប់មនុស្សដល់ជាង១,៤លាននាក់ហើយគឺជំងឺ COVID-19 ។
ជាអ្នករស់នៅក្នុងផ្ទះសម្រាប់មនុស្សចាស់មួយនៅភាគខាងជើងក្រុងញូវយ៉កលោកយាយរូបនោះបានឆ្លងជំងឺ COVID-19 លើកដំបូងកាលពីខែមីនា ។ វីរុសនោះបណ្ដាលឲ្យគាត់ក្ដៅខ្លួនច្រើនសប្ដាហ៍មុនពេលបាត់ទៅវិញ ។ ៧ខែក្រោយមកគឺក្នុងខែតុលា លោកយាយបានឆ្លងវីរុសនោះ
ជាថ្មីទៀតដោយមានរោគសញ្ញាជាច្រើន ដូចជាក្អកស្ងួត និងគ្រុនក្ដៅ រហូតដល់វីរុសនោះបាត់ពី
ក្នុងខ្លួនគាត់ជាថ្មីម្ដងទៀត ។ នោះជាការរៀបរាប់របស់កូនស្រីគាត់ម្នាក់ លោកស្រី JOANNE MEROLA ចំពោះទូរទស្សន៍ CNN ។ លោកស្រីបន្តថា ម្ដាយដ៏ពូកែរបស់ខ្ញុំ ធ្វើតេស្តឃើញលទ្ធផលអវិជ្ជមាននាថ្ងៃទី១៧ វិច្ឆិកា ។
ព័ត៌មាននេះជាភស្ដុតាងថ្មីដែលនាំឲ្យបណ្ដាមនុស្សចាស់ចាប់ផ្ដើមរីករាយ ព្រោះមនុស្សចាស់គេតែងនិយាយថា ជាអ្នកងាយរងគ្រោះបំផុតដោយសារវីរុស COVID-19 ។ លោកយាយANGELINA FRIEDMNA ពុំមែនជាមនុស្សចាស់តែម្នាក់គត់ដែលបានរួចរស់រានមានជីវិតពីការឆ្លងវីរុសនោះឡើយ ។
កាលពីខែមេសា លោកតា BILL LAPSCHIES ជាអតីតយុទ្ធជននៃសង្គ្រាមលោកលើកទី២ អាយុ១០៣ឆ្នាំ ក្រោយការឆ្លងវីរុសនោះ ក៏បានព្យាបាលជាសះស្បើយ មុនពេលគាត់មានអាយុគម្រប់១០៤ឆ្នាំ ។ ប៉ុន្តែសម្រាប់លោកយាយ ANGELINA FRIEDMNA ជាករណីពិសេស ព្រោះគាត់អាចឆ្លងផុតពីជំងឹនោះបានដល់ទៅ២លើក ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ