ប្រទេសឥណ្ឌូណេស៊ី ៖ ប្រទេសបារាំង និងឥណ្ឌូណេស៊ី ត្រៀមបង្ហើយកិច្ចព្រមព្រៀងមួយស្ដីពីការទិញយន្តហោះប្រយុទ្ធធុន RAFALE ដល់ទៅ៤៨គ្រឿង ។ នេះជាសេចក្ដីរាយការណ៍កាល
ពីថ្ងៃទី៣ ធ្នូ របស់កាសែតបារាំង LA TRIBUNE ។
ដោយដកស្រង់ប្រភពច្បាស់ការណ៍នានាកាសែតនោះសរសេរថា ឥណ្ឌូណេស៊ីចង់បង្ហើយដោយឆាប់រហ័ស កិច្ចព្រមព្រៀងមួយស្ដីពីការទិញយន្តហោះប្រយុទ្ធធុន RAFALE របស់ក្រុមហ៊ុនDASSAULT AVIATION ចំនួន៤៨គ្រឿង ។ បារាំងនិងឥណ្ឌណេស៊ីក៏មានបំណងផងដែរ ចុះហត្ថលេខាលើកិច្ចព្រមព្រៀងសហប្រតិបត្តិការមួយខាងកិច្ចការពារ ។
កាសែត LA TRIBUNE បន្តថាឥណ្ឌូណេស៊ីចង់ជម្រុញឲ្យរហ័សបំផុតនិងចង់បានកិច្ចព្រមព្រៀងមួយឲ្យបានមុនដំណាច់ឆ្នាំនេះតែពួកអ្នកចរចាបារាំងចង់បានពេលវេលាបន្តិចទៀត សម្រាប់ពិនិត្យដោយលម្អិតកិច្ចព្រៀងនោះមុនពេលចុះហត្ថលេខា ។
សំណុំរឿងនោះត្រូវបានលើកកាលពីដំណាច់ ខែតុលាក្នុងឱកាសនៃទស្សនកិច្ចមួយនៅបារាំង
របស់រដ្ឋមន្ត្រីការពារប្រទេសឥណ្ឌូណេស៊ី លោកPRABOWO SUBIANTO នៅក្រុងប៉ារីស ។
យន្តហោះធុន RAFALE ជាយន្តហោះចម្បាំងដែលមានតម្លៃខ្ពស់ដល់ប្រមាណជា១៥៥លានអឹរ៉ូក្នុង១គ្រឿង ៕ ដកស្រង់ចេញពីវេបសាយ ៖ sputniknews
ចែករំលែកព័តមាននេះ