រាជធានីភ្នំពេញ ៖ មួយរយៈចុងក្រោយនេះក្រុមហ៊ុនផ្សារមូលបត្រកម្ពុជាទទួលបានក្រុមហ៊ុន ចុះបញ្ជីលក់ភាគហ៊ុន និងសញ្ញាបណ្ណសាជីវកម្មជាបន្តបន្ទាប់ ហើយការជួញដូរនៅលើទីផ្សារក៏ មានភាពសកម្មគួរឱ្យកត់សម្គាល់ ហើយនៅគ្រាបន្ទាប់អ្នកជំនាញមើលឃើញថា ការជួញដូរភា គហ៊ុន ឬវិស័យមូលបត្រនឹងរីកចម្រើនថែមមួយកម្រិតទៀតបើសិនជាមូលបត្ររដ្ឋបានចុះបញ្ជី ឬអនុញ្ញាតឱ្យ ការជួញដូរនៅលើទីផ្សារ ។
យោងតាមសេចក្តីប្រកាសព័ត៌មានស្តីពីលទ្ធផលសម័យប្រជុំរដ្ឋសភាលើកទី ៥ នីតិកា លទី ៦ កាលពីថ្ងៃទី ២៥ខែវិច្ឆិកា ឆ្នាំ ២០២០មកនេះបានពិភាក្សា និងអនុម័តសេចក្តីព្រាងច្បា ប់ស្តីពីមូលបត្ររដ្ឋ ហើយច្បាប់នេះបានឆ្លងរដ្ឋសភារួចហើយដោយអ្នកជំនាញជឿជាក់ថា នៅ ពេលដាក់ឱ្យមានការជួញដូរនឹងទទួលបានការគាំំទ្រច្រើនពីប្រជាពលរដ្ឋ ។
ឯកឧត្តម ស៊ូ សុជាតិ អគ្គនាយកគណៈកម្មការមូលបត្រកម្ពុជា ឬហៅកាត់ថា (គ.ម.ក) មានប្រសាសន៍ថា សេចក្តីព្រាងច្បាប់ស្តីពីមូលបត្ររដ្ឋនេះបានឆ្លងរដ្ឋសភារួចហើយ ។ មូល បត្ររដ្ឋដែលជាឧបករណ៍ថ្មីមួយនេះ ខ្ញុំសង្ឃឹម និងជឿជាក់ថា រាជរដ្ឋាភិបាលនឹងយកឧបករ ណ៍នេះមកចុះបញ្ជីនៅលើទីផ្សារដែលអនុញ្ញាតឱ្យផ្សារមូលបត្រកម្ពុជាមានឧបករណ៍បំពេញ បន្ថែមមួយទៀតសម្រាប់ការជួញដូរ ខណៈប្រទេសជិតខាងដូចជាប្រទេសវៀតណាមមានការ ជួញដូរមូលបត្ររដ្ឋនេះយ៉ាងសកម្ម ។
បើតាមថ្នាក់ដឹកនាំកំពូលនៃ គ.ម.ក ឱ្យដឹងថា នៅប្រទេសវៀតណាមមានផ្សារជួញដូរ ភាគហ៊ុនពីរ គឺនៅទីក្រុងហាណូយ និងមួយផ្សេងទៀតនៅហូរជីមិញ ។ ហាណូយ បានក្លាយ ជាទីក្រុងមួយមានការជួញដូរមូលបត្រយ៉ាងសកម្មរបស់រដ្ឋ ។ ឯកឧត្តម សង្កត់ធ្ងន់ថា «ដូច្នេះ យើងសង្ឃឹមថា នៅពេលមានការចាប់ផ្តើមបោះផ្សាយនូវមូលបត្ររដ្ឋ រាជរដ្ឋាភិបាលនឹង សម្រេចយកមកចុះផ្សារនៅក្រោមផ្សារមូលបត្រកម្ពុជា ដែលអនុញ្ញាតឱ្យវិនិយោគិនធ្វើការ ជួញដូរ ដល់ពេលនោះវិស័យមូលបត្រនឹងបោះជំហានទៅមុខថែមមួយកម្រិតទៀត» ។
ពាក់ព័ន្ធនិងមូលបត្ររដ្ឋនេះបើតាមអ្នកស្រាវជ្រាវផ្នែកសេដ្ឋកិច្ចមើលឃើញថា ប្រជា ពលរដ្ឋនឹងគាំំទ្រច្រើនពីប្រជាពលរដ្ឋ ដោយសារមានទំនុកចិត្ត និងគ្មានហានិភ័យ ។ លោក បណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាមានប្រសាសន៍ថា មូលបត្ររដ្ឋអាចនឹងទទួលបានការគាំំទ្រច្រើនដោយសាររដ្ឋផ្តល់នូវទំនុកចិត្ត អ៊ីចឹងអ្នកដែល ទិញមូលបត្ររដ្ឋមិនចាំបាច់បារម្ភពីការខាតបង់ទេ ។ មានន័យថា ទទួលបានការប្រាក់ពីរាជ រដ្ឋាភិបាលរហូត ។
លោកបណ្ឌិតបញ្ជាក់ថា «ដូច្នេះខ្ញុំជឿថា ប្រសិនមូលបត្ររដ្ឋនេះបង្កើតនិយ័តកម្មឱ្យ បានត្រឹមត្រូវ បញ្ញាត្តិច្បាប់ឱ្យបានត្រឹមត្រូវនោះមូលបត្ររដ្ឋនេះនឹងមានដំណើរការល្អ ពីព្រោះ ពលរដ្ឋវិនិយោគគ្មានហានិភ័យ» ។
ទន្ទឹមនិងទស្សនៈមើលឃើញថា មូលបត្ររដ្ឋចូលរួមធ្វើឱ្យវិស័យមូលបត្រ ឬការជួញដូរ ភាគហ៊ុននាពេលខាងមុខបោះជំហានរីកចម្រើនថែមមួយកម្រិតទៀតនេះ បើគេក្រឡេកមើល ការជួញដូរភាគហ៊ុនកន្លងទៅថ្មីៗនេះបន្ទាប់ពីធនាគារអេស៊ីលីដាបានបោះផ្សាយលក់ភាគហ៊ុនបានមួយរយៈ បានជះឥទ្ធិពលដល់ការជួញដូរហ៊ុនរបស់កំពង់ផែទាំងពីរ ។
កញ្ញា ចាង លីហ្សា មន្ត្រីប្រតិបត្តិនៃនាយកដ្ឋានប្រតិបត្តិការទីផ្សារមូលបត្រធ្លាប់បានលើក ឡើងថា ភាគហ៊ុនរបស់ អេស៊ីលីដា ចូលមកមានការជួញដូរសកម្មវាអាស្រ័យទៅលើតម្រូវការ និងការដឹកមុខរបស់ទីផ្សារ ។ មានន័យថា ក្នុងនាមពួកខ្ញុំជាផ្សារមូលបត្រយើងអត់មានសិទ្ធ លូកដៃផ្តល់យោបល់ទៅឱ្យវិនិយោគិនថា គាត់គួរតែវិនិយោគទៅលើក្រុមហ៊ុនមួយណាទេ ហើយក៏គ្មានសិទ្ធធ្វើការផ្សព្វផ្សាយឱ្យក្រុមហ៊ុនមួយជាងក្រុមហ៊ុនមួយផ្សេងទៀតដែរ ។
កញ្ញាបញ្ជាក់ថា សរុបជារួមវាអាស្រ័យទៅលើតម្រូវការ និងការផ្គត់ផ្គង់នៅលើទីផ្សារ ។ អាចនិយាយបានថា នៅពេលក្រុមហ៊ុន អេស៊ីលីដា គាត់ចូលមកវាមានតម្រូវការខ្ពស់ ។ វិនិ យោគត្រូវការទិញភាគហ៊ុនចូល អ៊ីចឹងវាធ្វើឱ្យភាគហ៊ុនរបស់ក្រុមហ៊ុនផ្សេងទៀតវាស្ងប់ស្ងាត់ ។ កន្លែងនេះយើងអត់មាននិយាយថា យើងមានវិធានការណាមួយជំរុញតែក្រុមហ៊ុនតែមួយទេ ។ ប៉ុន្តែអ្វីដែលអាចធ្វើបាន គឺក្រុមហ៊ុនខ្លួនឯងអាចបញ្ចេញនូវព័ត៌មាន ឬជារបាយការណ៍ណា ធ្វើឱ្យវិនិយោគិនយល់ថា ភាគហ៊ុនគាត់មានតម្លៃ ដល់ពេលនោះវិនិយោគិនអាចនឹងបែរមក ចាប់អារម្មណ៍ភាគហ៊ុនគាត់វិញហើយ ៕
ចែករំលែកព័តមាននេះ