ស្តេចប្រដាល់ ប៉ាក់គីអៅ ជាប់ឆ្នោតជាប្រធានគណបក្សថ្មីរបស់លោករ៉ូទ្រីហ្គោ ឌូដឺតេ
ហ្វីលីពីន ៖ យោងតាមប្រភពពី Rappler របស់ហ្វីលីពីនបានឱ្យដឹងថា ស្តេចប្រដាល់ ម៉ានី ប៉ាក់គីអៅ (Manny Pacquiao)…
ហ្វីលីពីន ៖ យោងតាមប្រភពពី Rappler របស់ហ្វីលីពីនបានឱ្យដឹងថា ស្តេចប្រដាល់ ម៉ានី ប៉ាក់គីអៅ (Manny Pacquiao) ដែលជាសមាជិកព្រឹទ្ធសភាហ្វីលីពីនមួយរូបនោះ បានជាប់ឆ្នោតជាប្រធានគណបក្ស PDP-Lanban ដែលគណបក្សនយោបាយរបស់ប្រធានាធិបតីបច្ចុប្បន្ន រ៉ូទ្រីហ្គោ ឌូដឺតេ (Rodrigo Duterte) ខណៈដែលស្តេចប្រដាល់រូបនេះ ត្រូវបានគេរំពឹងថា នឹងទទួលបានប្រជាប្រិយភាពខ្លាំងសម្រាប់តំណែងជាប្រធានាធិបតី នៅក្នុងការបោះឆ្នោតនាឆ្នាំ ២០២២ ខាងមុខ។
លោកប៉ាក់គីអៅ បានស្បថចូលកាន់តំណែងថ្មីរបស់ខ្លួន កាលពីយប់ថ្ងៃទី ២ ធ្នូ កន្លងទៅ ដើម្បីជំនួសតំណែងអតីតប្រធានគណបក្សចាស់ និងជាសមាជិកព្រឹទ្ធសភាគឺលោក Koko Pimentel ដែលសព្វថ្ងៃជាអនុប្រធានប្រតិបត្តិរបស់គណបក្ស PDP-Laban ។
សូមបញ្ជាក់ថា កិច្ចពិភាក្សារបស់ ប៉ាក់គីអាវ ដែលឈរឈ្មោះជាបេក្ខជនកំពូលរបស់ប្រទេសហ្វីលីពីន មានភាពរឹងមាំ នឹងទទួលបានការចាប់អារម្មណ៍យ៉ាងខ្លាំងពីសំណាក់ប្រជាជនហ្វីលីពីន ចាប់តាំងពីមុនឆ្នាំ ២០១៦ នៅពេលដែលគាត់បានឈរឈ្មោះជាសមាជិកព្រឹទ្ធសភា ប៉ុន្តែគាត់មិនទាន់បានបង្ហាញពីផែនការនយោបាយណាមួយ សម្រាប់ការបោះឆ្នោតនៅឆ្នាំ ២០២២ នៅឡើយទេ។ ស្របពេលដែលកន្លងមកលោក រ៉ូទ្រីហ្គោ ឌូដឺតេ បានទទូចម្តងហើយម្តងទៀត ទៅកាន់ ប៉ាក់គីអាវ ជាសាធារណៈ ដើម្បីឱ្យគាត់ឈរឈ្មោះសម្រាប់ការបោះឆ្នោតប្រធានាធិបតី៕
ចែករំលែកព័តមាននេះ