តាមទ្រឹស្តីព្រះពុទ្ធសាសនា ដំណើរជីវិតទៅក្នុងអតីតជាតិរបស់សត្វលោកទាំងអស់ទោះក្នុងអបាយភូមិក្តី ក្នុងមនុស្សលោកក្តី ទេវលោក្តីអាស្រ័យលើខ្លួនឯងជាអ្នកប្រព្រឹត្តធ្វើផ្ទាល់ អ្នកណាប្រព្រឹត្តប្រាសចាកសេចក្តីល្អលុះស្លាប់ទៅនឹងបានទៅកាន់អបាយភូមិ ចំណែកសត្វណាប្រតិបត្តិត្រឹមត្រូវជាផ្លូវសុចរិតនឹងដឹកនាំដំណើរជីវិតទៅកាន់សុគតិភព ។ បុគ្គលណាប្រព្រឹត្តខុសក្នុងមាតា ក្នុងបិតា ក្នុងព្រះសម្ពុទ្ធ…
តាមទ្រឹស្តីព្រះពុទ្ធសាសនា ដំណើរជីវិតទៅក្នុងអតីតជាតិរបស់សត្វលោកទាំងអស់ទោះក្នុងអបាយភូមិក្តី ក្នុងមនុស្សលោកក្តី ទេវលោក្តីអាស្រ័យលើខ្លួនឯងជាអ្នកប្រព្រឹត្តធ្វើផ្ទាល់ អ្នកណាប្រព្រឹត្តប្រាសចាកសេចក្តីល្អលុះស្លាប់ទៅនឹងបានទៅកាន់អបាយភូមិ ចំណែកសត្វណាប្រតិបត្តិត្រឹមត្រូវជាផ្លូវសុចរិតនឹងដឹកនាំដំណើរជីវិតទៅកាន់សុគតិភព ។
បុគ្គលណាប្រព្រឹត្តខុសក្នុងមាតា ក្នុងបិតា ក្នុងព្រះសម្ពុទ្ធ ក្នុងសាវករបស់ព្រះតថាគត ជននោះរមែងមានបាបធ្ងន់ ។ បណ្ឌិតទាំងឡាយរមែងតិះដៀលបុគ្គលនោះ លុះបែកកាយទម្លាយខន្ធទៅកាន់បរលោក គេរមែងទៅកាន់អបាយភូមិជាក់ជាមិនខាន ព្រោះការប្រព្រឹត្តប្រាសចាកគុណធម៌នោះឯង ។
ចំណែកបុរសស្ត្រីណាប្រតិបត្តិល្អត្រឹមត្រូវចំពោះអ្នកមានគុណខាងលើ នរជននោះរមែងបាននូវបុណ្យកុសលដ៏ច្រើន ។ បណ្ឌិតទាំងឡាយរមែងសរសើរមិនដាច់ លុះជននោះទៅកាន់លោកខាងមុខហើយ រមែងរីករាយក្នុងស្ថានទេវលោកព្រោះការប្រព្រឹត្តត្រូវតាមគន្លងធម៌ហ្នឹងឯង ៕ សាន សារិន
ចែករំលែកព័តមាននេះ