តារាស្រីខ្មែរ៣ដួង ត្រៀមបំបែកវិជ្ជាគុនជាមួយតារាថៃ
- ភ្នំពេញ
រាជធានីភ្នំពេញ ៖ តារាស្រីលេចធ្លោមួយចំនួនដែលគេដឹងថា មានឈ្មោះល្បីប្រចាំផលិតកម្មមួយ រួមមាន រ៉ាប៊ី ស៊ូ, ស៊ីរីកា និង សុវត្ថិ…
រាជធានីភ្នំពេញ ៖ តារាស្រីលេចធ្លោមួយចំនួនដែលគេដឹងថា មានឈ្មោះល្បីប្រចាំផលិតកម្មមួយ រួមមាន រ៉ាប៊ី ស៊ូ, ស៊ីរីកា និង សុវត្ថិ…
រាជធានីភ្នំពេញ ៖ តារាស្រីលេចធ្លោមួយចំនួនដែលគេដឹងថា មានឈ្មោះល្បីប្រចាំផលិតកម្មមួយ រួមមាន រ៉ាប៊ី ស៊ូ, ស៊ីរីកា និង សុវត្ថិ ឌីធារិកា កំពុងតែមានជំនឿចិត្តខ្លាំងដូចគ្នាគ្រាដែលទ្រនំរបស់ពួកគេបានបំបែកទីផ្សារឱ្យពួកគេកាន់តែហក់ឡើង។ ពួកគេទាំង៣ ព្រមទាំងសមាជិកប្រមាណជិត៣០រូបទៀត នឹងចាប់ដៃគូយ៉ាងកៀកកិតជាមួយតារាថៃ ដើម្បីឱ្យកាន់តែទាក់ទាញបន្ថែមទៀត។
ការបង្ហាញនេះ បានធ្វើឡើងកាលពីរសៀលថ្ងៃទី៣ ធ្នូ ឆ្នាំ២០២០ ក្នុងជំនួបមួយជាមួយតារាស្រីទាំង៣ ដែលបានបង្ហាញវត្តមាននៅក្នុងស្ថានីយទូរទស្សន៍ ។ តារាចម្រៀងស្រីទាំង៣ដែលយុវវ័យមានការចូលចិត្តច្រើនដូចគ្នានឹងចូលរួមសម្តែងសិល្បៈចម្រៀងជាមួយតារាថៃដែលជាតារាចម្រៀងដូចគ្នា។ តារាទាំងនោះនឹងបង្ហាញសមត្ថភាពច្រៀងឱ្យផលិតកម្មមួយល្បីល្បាញក្នុងប្រទេសថៃ។
កញ្ញា ស៊ូ ស៊ីរីកា បាននិយាយជាមួយអ្នកយកព័ត៌មានយើងថា នាងសប្បាយរីករាយដែលបានសហការនឹងតារាថៃជាមួយស្ទីលថ្មីៗដែលភាគីទាំង២មានតិចនិចល្អសម្រាប់អ្នកទស្សនា។ នេះជាបទពិសោធន៍ថ្មីដែលនាងទទួលបានសម្រាប់យកមកអភិវឌ្ឍន៍ខ្លួន ជាពិសេសនាងក៏មានបទចម្រៀងមួយបទដែលឈ្មោះថា «ជំនូន» សម្រាប់ជូនអ្នកគាំទ្រ ហើយជាស្ទីលថ្មីដែលនាងមិនដែលមានពីមុនមកនោះទេ។
កញ្ញា រ៉ាប៊ី ម្ចាស់បទ «មាន់ស្រែ» ដែលល្បីដល់ថៃដែរនោះ បានប្រាប់ថា នាងត្រៀមរួចរាល់ហើយជាមួយក្រុមចម្រៀងតារាថៃ។ មិនថា ចម្រៀងថ្មី ឬក្បាច់រាំ គឺនាងមានចំណុចប្លែកៗបង្ហាញហ្វេនៗ។ នាងរីករាយដែលបានខាងផលិតកម្មមានចំណុចអភិវឌ្ឍន៍ទៅមុខឱ្យទាន់ប្រទេសគេ។
កញ្ញាតូចច្រឡឹង តែខ្លាំងផ្នែកច្រៀងនឹងក្លាយជាតារាមានទ្រនំក្នុងផលិតកម្មប្រមាណ១ឆ្នាំហើយនោះ បានបញ្ជាក់ដែរថា នាងខ្ចីសេចក្តីជាងគេ ប៉ុន្តែក្រោយពេលរួមការងារជាមួយខាងភាគីថៃ នាងកាន់តែយល់ដឹងពីគន្លឹះថ្មីៗជាបន្តទៀតដែលនាងអាចចេះពីរបៀបធ្វើការថ្មីៗ។ បទចម្រៀងដែលនាងថតរួចរាល់ធានាថា ពិតជាប្លែក ហើយស្ទីលមើលមកគឺខុសពីចរិករបស់នាងខាងក្រៅតែម្តង។
ចំណែកតារាក្នុងផលិតកម្មនេះប្រមាណជាច្រើនដួង មិនត្រឹមតែធ្វើការថតច្រៀងសម្តែងជាមួយតារាថៃតែមួយមុខនោះទេ ពួកគេទាំង២ប្រទេសអាចមានថតភាពយន្តរួមគ្នា ដើម្បីឆក់យកការទាក់ទាញផ្លាស់ប្តូរបទពិសោធន៍ ។ ហើយតាមទិសដៅ គឺចង់ចាប់យកតារានៅអាស៊ានបន្តទៀត ដើម្បីឱ្យផុសផុល ដូចជាតារាចម្រៀងហុងកុង កូរ៉េ ជាដើម។
ចែករំលែកព័តមាននេះ