វាចាបីយ៉ាងគួរជ្រើសរើសមួយណា ?
វាចាមានបីយ៉ាងគឺ វាចាលាមក១ វាចាផ្កា១ និង មធុវាចា១ ។ វាចាលាមក បានដល់ការនិយាយកុហក វាចាផ្កា បានដល់ការនិយាយពាក្យពិរោះ…
វាចាមានបីយ៉ាងគឺ វាចាលាមក១ វាចាផ្កា១ និង មធុវាចា១ ។ វាចាលាមក បានដល់ការនិយាយកុហក វាចាផ្កា បានដល់ការនិយាយពាក្យពិរោះ…
វាចាមានបីយ៉ាងគឺ វាចាលាមក១ វាចាផ្កា១ និង មធុវាចា១ ។ វាចាលាមក បានដល់ការនិយាយកុហក វាចាផ្កា បានដល់ការនិយាយពាក្យពិរោះ ហើយមានប្រយោជន៍ មធុវាចាជាផ្អែមដូចទឹកឃ្មុំ ។ វាចាទាំំងបីនេះ វាចាលាមកបុគ្គលមិនគប្បីពោលឡើយព្រោះនាំឱ្យខូចប្រយោជន៍ ។
មនុស្សនិយាយកុហកជាអ្នកខ្វះគុណធម៌ច្រើនណាស់ ជាបុថុជ្ជនថ្នាក់អន់ ជាមនុស្សប្រៀបដូចជាឈើអណ្ដែតទឹកតែលតោលគ្មានអ្នករាប់រក ជាមនុស្សគ្មានគុណធម៌ទាំងឡាយរាប់ទាំងការសង្រួមឥរិយាបថផង ។
ត្រូវដឹងថា មនុស្សយើងថ្លៃថ្នូរដោយគុណធម៌ ដោយចរិយាសម្បត្តិ ឫកពារម្យទម ស្លៀកពាក់សមរម្យ ពាក្យសម្ដីត្រឹមត្រូវមិនជ្រាយពេកមិនរឹងពេក មានអត្ថន័យខ្លឹមសារសមគួរដល់អ្នកស្ដាប់ ប្រយ័ត្នមាត់រាល់ពេលនិយាយ មានពេលត្រូវនិយាយក៏និយាយតែពាក្យពិតពាក្យមានប្រយោជន៍ ពាក្យពីរោះ និងនិយាយដោយចិត្តសប្បុរស បើស្ងៀមត្រូវស្ងៀមដោយចិត្តស្ងប់ ត្រូវវៀរដាច់ខាតនូវពាក្យកុហក ៕ សាន សារិន
ចែករំលែកព័តមាននេះ