រាជធានីភ្នំពេញ ៖ ក្រសួងសុខាភិបាលបានអះអាងថា រកឃើញអ្នកឆ្លងជំងឺកូវីដ១៩ ចំនួន៤នាក់បន្ថែមពីព្រឹត្តិការណ៍សហគមន៍ ២៩ វិច្ឆិកា សរុបអ្នកឆ្លងចំនួន២៣នាក់ហើយ ។យោងតាមសេចក្តីប្រកាសរបស់ក្រសួងសុខាភិបាលចេញផ្សាយនៅថ្ងៃទី៤ វិច្ឆិកា…
រាជធានីភ្នំពេញ ៖ ក្រសួងសុខាភិបាលបានអះអាងថា រកឃើញអ្នកឆ្លងជំងឺកូវីដ១៩ ចំនួន៤នាក់បន្ថែមពីព្រឹត្តិការណ៍សហគមន៍ ២៩ វិច្ឆិកា សរុបអ្នកឆ្លងចំនួន២៣នាក់ហើយ ។
យោងតាមសេចក្តីប្រកាសរបស់ក្រសួងសុខាភិបាលចេញផ្សាយនៅថ្ងៃទី៤ វិច្ឆិកា ឆ្នាំ២០២០ បានឲ្យដឹងថា ករណីវិជ្ជមានវីរុសកូវីដ-១៩ ចំនួន ០៤នាក់ ដែលជាអ្នកពាក់ព័ន្ធទៅនឹងព្រឹត្តិការណ៍សហគមន៍ ២៨ វិច្ឆិកាមាន ៖
១-បុរសជនជាតិខ្មែរ អាយុ៣៩ឆ្នាំ មានអាសយដ្ឋានស្នាក់នៅបូរីលឹមឈាងហាក់ សង្កាត់វាលស្បូវខណ្ឌ ច្បារអំពៅ រាជធានីភ្នំពេញ ជាបុគ្គលិកនៅហាងលក់កុំព្យូទ័រឈ្មោះ ឌីមកំព្យូទ័រ ផ្លូវព្រះសីហនុ រាជធានីភ្នំពេញ ដែលត្រូវជាបងថ្លៃជីដូនមួយរបស់បុរសអាយុ២៣ឆ្នាំ ដែលបានរកឃើញមានវីរុសកូវីដ-១៩ នៅថ្ងៃទី០២ ខែធ្នូ ឆ្នាំ២០២០ កំពុងតែសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ។
២- ស្ត្រីជនជាតិខ្មែរ អាយុ៣២ឆ្នាំ ជាភរិយាបុរសអាយុ៣៩ឆ្នាំខាងលើ មានអាសយដ្ឋាន ស្នាក់នៅបូរី លឹម ឈាងហាក់ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ដែលត្រូវជាបងប្អូនជីដូនមួយបុរសអាយុ ២៣ឆ្នាំ ដែលបានរកឃើញវីរុសកូវីដ-១៩ នៅថ្ងៃទី០២ ខែធ្នូ ឆ្នាំ២០២០ ។
៣ -កុមារាជនជាតិខ្មែរ អាយុ២៣ឆ្នាំ ត្រូវជាកូនប្រុស បុរសអាយុ៣៩ឆ្នាំ និងស្ត្រីអាយុ៣២ឆ្នាំខាងលើ មានអាសយដ្ឋានស្នាក់នៅបូរី លឹម ឈាងហាក់ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ដែលត្រូវជាក្មួយប្រុសបុរសអាយុ២៣ឆ្នាំ ដែលបានរកឃើញវីរុសកូវីដ-១៩ នៅថ្ងៃទី០២ ខែធ្នូ ឆ្នាំ ២០២០ ។
៤ – បុរសជនជាតិខ្មែរ អាយុ២២ឆ្នាំ មានអាសយដ្ឋាននៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ជាបុគ្គលិកហាង Pedro ផ្លូវព្រះសីហនុ ជាអ្នកប៉ះបាល់ជាមួយអ្នកជំងឺជាសស្ត្រីអាយុ២១ឆ្នាំ ដែលបានចូលទៅហាងនោះដែរ ។ លទ្ធផលធ្វើតេស្តវត្ថុសំណាករបស់បុគ្គលទាំង ៤នាក់ខាងលើនេះ ផ្តល់ដោយវិទ្យាស្ថានប៉ាស្ទ័រ កម្ពុជា រាជធានីភ្នំពេញ គឺវិជ្ជមានវីរុសកូវីដ-១៩ ហើយបច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ។
ក្រសួងបានលើកឡើងថា សូមកុំភ្លេចវីរុសកូវីដ-១៩ ព្រោះវីរុសកូវីដ-១៩ មិនទាន់ទៅណាឆ្ងាយពីយើងនៅ ឡើយទេ ហើយវីរុសដ៏កាចសាហាវនេះក៏មិនភ្លេចយើងដែរ បើយើងធ្វេសប្រហែសវីរុសនេះនឹងវ៉ៃលុកសរីរាង្គកាយយើងហើយ ។ ដូច្នេះ មានតែវិធីការពារខ្លួនឲ្យបានខ្ជាប់ខ្លួនតាមការណែនាំខាងលើនេះទេ ដែល អាចជួយទប់ស្កាត់បានជាអតិបរិមានូវការចម្លងពីបុគ្គលទៅបុគ្គល ពីបុគ្គលទៅក្រុមគ្រួសារខ្លួន និងពីបុគ្គល ចម្លងរាតត្បាតក្នុងសហគមន៍ទ្រង់ទ្រាយធំ ។
សូមជម្រាបថា គិតត្រឹមម៉ោង០៧៖០០ព្រឹកថ្ងៃទី០៤ ខែធ្នូ ឆ្នាំ២០២០ នៅកម្ពុជារកឃើញអ្នកឆ្លងកូវីដ១៩ សរុប៣៣៥នាក់ (ស្ត្រី ៧៦នាក់ និងបុរស ២៥៩នាក់) ក្នុងនោះចំនួនអ្នកព្យាបាលជាសះស្បើយសរុបទូទាំងប្រទេស មានចំនួន ៣០៤នាក់ និងអ្នកសម្រាកព្យាបាលនៅមន្ទីរពេទ្យចំនួន ៣១នាក់ ៕
ចែករំលែកព័តមាននេះ