វីដេអូបង្ហាញពីសកម្មភាព អគ្គនាយកពន្ធនាគារ មុនចូលរួមប្រជុំនៅក្រសួងមហាផ្ទៃ
រាជធានីភ្នំពេញ ៖ ហ្វេសប៊ុកផេកផ្លូវការរបស់ សម្ដេចក្រឡាហោម ស ខេង នៅម៉ោង៩យប់ថ្ងៃទី៣ ធ្នូ ២០២០នេះ បានបង្ហោះវីដេអូ…
រាជធានីភ្នំពេញ ៖ ហ្វេសប៊ុកផេកផ្លូវការរបស់ សម្ដេចក្រឡាហោម ស ខេង នៅម៉ោង៩យប់ថ្ងៃទី៣ ធ្នូ ២០២០នេះ បានបង្ហោះវីដេអូ បង្ហាញអំពីសកម្មភាពឯកឧត្តម ឆែម សាវុធ អគ្គនាយក នៃអគ្គនាយកដ្ឋានពន្ធនាគារ ក្នុងអំឡុងពេលចូលរួមកិច្ចប្រជុំអន្តរក្រសួងពិនិត្យពិភាក្សាសេចក្ដីព្រាងព្រះរាជក្រឹត្យស្ដីពីការបន្ធូរបន្ថយទោស និងលើកលែងទោស កាលពីថ្ងៃទី២៤ ខែវិច្ឆិកា ឆ្នាំ២០២០ កន្លងមក ។
តាមរយៈវីដេអូនេះ បានបង្ហាញឱ្យឃើញថា នៅទីស្តីការក្រសួងមហាផ្ទៃ បានគោរពយ៉ាងខ្ជាប់ខ្ជួននូវវិធានការណែនាំរបស់ក្រសួងសុខាភិបាល ដើម្បីការពារការឆ្លង និងចម្លងជំងឺកូវីដ-១៩ ដូចជាការឆ្លងកាត់ម៉ាស៊ីនបាញ់អាល់កុល ការលាងដៃ ដោយទឹកអាកុល និងការវាស់កម្ដៅ ដោយកាម៉េរ៉ា វាស់កម្ដៅ ដោយស្វ័យប្រវត្តិ ។
សូមជម្រាបថា កាលពីព្រឹកថ្ងៃទី២៤ ខែវិច្ឆិកា ឆ្នាំ២០២០នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំកិច្ចប្រជុំអន្តរក្រសួង ដើម្បីពិនិត្យពិភាក្សាសេចក្ដីព្រាង ព្រះរាជក្រឹត្យ ស្ដីពីការបន្ធូរបន្ថយលើកលែងទោស នៅទីស្ដីការក្រសួងមហាផ្ទៃដោយមានការអញ្ជើញចូលរួមពីឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌, ឯកឧត្តមរដ្ឋលេខាធិការ អនុរដ្ឋលេខាធិការ អគ្គនាយកអន្តរក្រសួង, ឯកឧត្តមអគ្គស្នងការ, ឯកឧត្តម ឆែម សាវុធ អគ្គនាយក នៃអគ្គនាយកដ្ឋានពន្ធនាគារ និងមន្ត្រីជាន់ខ្ពស់ជាច្រើនរូបទៀត៕
សូមទស្សនា វីដេអូទាំងស្រុងពីសកម្មភាព ឯកឧត្តម ឆែម សាវុធ មានដូចខាងក្រោម៖
ចែករំលែកព័តមាននេះ