ក្រុងហុងកុង ៖ មហាសេដ្ឋីក្រុងហុងកុងលោក JIMMY LAI ជាមនុស្សសកម្មម្នាក់ក្នុងការប្រយុទ្ធស្និទ្ធប្រជាធិបតេយ្យ កាលពីថ្ងៃទី៣ធ្នូ ត្រូវជាប់ឃុំឃាំងបណ្ដោះអាសន្ន ក្នុងក្របខណ្ឌនៃការស៊ើបអង្កេតមួយពីបទក្លែងបន្លំ ខណៈកំពុងមានការបង្កើនការតាមដាន និងការកាត់ទោស ពួកប្រឆាំងនិងពួកអ្នករិះគន់ក្រុងប៉េកាំងនៅហុងកុង។
លោកJIMMY LAIអាយុ៧៣ឆ្នាំំ ជាថៅកែកាសែតAPPLE DAILY ដែលល្បីឈ្មោះដោយសារការចូលរួមរបស់លោកជាមួយ ក្រុមស្និទ្ធប្រជាធិបតេយ្យ និងការរិះគន់មិនសំចៃ របស់លោកចំពោះរដ្ឋាភិបាលហុងកុងដែលស្និទ្ធក្រុងប៉េកាំង។
កាលពីថ្ងៃទី៣ធ្នូបុរសវ័យចំណាសរូបនោះនិងមនុស្សសំខាន់២នាក់ទៀតរបស់លោក បានមកបង្ហាញខ្លួននៅមុខតុលាការ ពីបទចោទប្រកាន់ក្លែងបន្លំ។ រឿងនោះផ្ដោតលើទីស្នាក់ការកាសែតនោះថាប្រើប្រាស់ ក្នុងគោលដៅនានាមិនស្របតាមកុងត្រាជួលអគារ។ ប៉ូលិសច្រើនរយនាក់ធ្លាប់បានលុកចូលឆែកឆេរក្នុងអគារនោះ ពិសេសក្នុងការិយាល៍យនិពន្ទ របស់កាសែតAPPLE DAILY។ អ្នកទទួលខុសត្រូវច្រើននាក់របស់កាសែតនោះ រួមទាំងលោកJIMMY LAIផងធ្លាប់ត្រូវចាប់ខ្លួន ពីបទសង្ស័យឃុបឃិតជាមួយកងកម្លាំងបរទេស ក្នុងក្របខណ្ឌនៃច្បាប់ថ្មីស្ដីពីសន្តិ សុខជាតិ។
លើកនេះលោកLAIនិងមនុស្សសំខាន់ទាំង២នាក់របស់លោក មិនអាចបង់ប្រាក់ធានានៅក្រៅឃុំឡើយ ហើយសវនាការលើបទចោទប្រកាន់ពួកគេ ត្រូវធ្វើរហូតដល់ខែមេសាខាងមុខ មានន័យថា ពួកគេត្រូវជាប់ឃុំច្រើនខែទម្រាប់ដល់ពេលបើកសវនាការ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ