តាមការចុះផ្សាយរបស់ Kids Health ដែលត្រូវបានត្រួតពិនិត្យបន្ថែមដោយវេជ្ជបណ្ឌិត Kate M. Cronan បានឱ្យដឹងថា ការក្អួតអាចបណ្តាលមកពីរឿងជាច្រើន ដែលភាគច្រើនបណ្តាលមកពីជំងឺរលាកក្រពះពោះវៀន…
តាមការចុះផ្សាយរបស់ Kids Health ដែលត្រូវបានត្រួតពិនិត្យបន្ថែមដោយវេជ្ជបណ្ឌិត Kate M. Cronan បានឱ្យដឹងថា ការក្អួតអាចបណ្តាលមកពីរឿងជាច្រើន ដែលភាគច្រើនបណ្តាលមកពីជំងឺរលាកក្រពះពោះវៀន ។ ក្អួត អាចបណ្តាលឱ្យកុមារបាត់បង់ជាតិទឹក អំបិល និងសារធាតុរ៉ែ ។ ដូច្នេះអ្នកត្រូវតែប្រាកដថា អាចបំពេញសារធាតុបាត់បង់ទាំងនោះវិញសម្រាប់កូនរបស់អ្នក ។
ខាងក្រោមនេះ គឺជាអ្វីដែលត្រូវធ្វើពេលដែលកូនរបស់អ្នកក្អូតចង្អោរ ៖ - កុំឱ្យផឹកទឹកដោះគោ ឬ អាហាររឹង ទៅក្មេងដែលក្អួត ។
– ឱ្យផឹកទឹកក្នុងបរិមាណតិចៗ ហើយសម្រាប់ទារកគួរឱ្យទឹកអូរ៉ាលីត្រប្រហែលមួយស្លាបព្រាបាយរាល់ ១៥ ទៅ ២០នាទីម្តង ហើយបង្កើនការបៅដោះ ។ ដោយឡែកសម្រាប់កុមារវិញ គួរឱ្យទឹកអូរ៉ាលីត្រ ១ ទៅ ២ស្លាបព្រាបាយរាល់ ១៥នាទីម្តង ។
- បង្កើនបរិមាណទឹកបន្តិចម្តងៗ នៅពេលដែលលែងមានក្អួតរយៈពេលប្រហែល ៣ ទៅ ៤ម៉ោង ។
- បន្ទាប់ពីបាត់ក្អួតរយៈពេល ៨ម៉ោង សម្រាប់ទារកត្រូវបន្តការបំបៅដោះដូចធម្មតា ។ រីឯកុមារត្រូវឱ្យញ៉ាំបាយ នំប៉័ង ឬនំបាន ។
– ត្រឡប់ទៅរកការទទួលទានអាហារដូចធម្មតា ក្រោយពីបាត់ក្អួតបានរយៈពេល ២៤ម៉ោង ។ ទៅរកគ្រូពេទ្យភ្លាម ប្រសិនបើមានក្អួតម្តងទៀត ។
ប្រសិនបើមានសញ្ញាដូចខាងក្រោម ត្រូវរត់ទៅរកគ្រូពេទ្យភ្លាម ៖
-មានសញ្ញាខ្សោះជាតិទឹក ដូចជាមាត់ស្ងួត ភ្នែករូង និងថយចុះទឹកនោម ។
- ក្អួតមានពណ៌បៃតងលាយលឿង ឬ មើលទៅពណ៌ដូចកាហ្វេ ឬមានលាយឈាម ។
- ក្បាលពោះរឹង ហើមពោះ ឬឈឺចាប់ ។
- ឡេះឡះខ្លាំង ។
- ចំពោះក្មេងប្រុស មានហើមក្រហម ឬ ឈឺនៅពងស្វាស ៕ ប្រភព ៖ kidshealth
ចែករំលែកព័តមាននេះ