ប្រទេសរុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន បានស្នើកាលពីថ្ងៃទី២ធ្នូ ដល់អាជ្ញា
ធរសុខាភិបាល ចាប់ផ្ដើមពីដំណាច់សប្ដាហ៍ខាងមុខទៅចាក់វ៉ាក់សាំងប្រឆាំងវីរុស COVID-19ក្នុងទ្រង់ទ្រាយធំនៅរុស្ស៊ី ។
ក្នុងវីដេអូខេនហ្វេរេនមួយ លោកពូទីនថ្លែងទៅកាន់ឧបនាយករដ្ឋមន្ត្រី ទទួលបន្ទុកខាងសុខាភិបាល លោកស្រីតាទីយ៉ាណាហ្កោលីនកូវ៉ាថា ខ្ញុំស្នើដល់លោកស្រីឲ្យរៀបចំការងារ ដើម្បីឲ្យចាប់ពីដំណាច់សប្ដាហ៍ខាងមុខតទៅ យើងចាប់ផ្ដើមការចាក់វ៉ាក់សាំងក្នុងទ្រង់ទ្រាយធំ ។ លោកវាយតម្លៃថាឧស្សហកម្ម និងបណ្ដាហេដ្ឋារចនាសម្ព័ន្ធ ត្រូវត្រៀមឲ្យហើយជាស្រេច ។
កាលពីថៃ្ងទី២ ធ្នូនោះដែរ រដ្ឋមន្ត្រីសុខាភិបាលរុស្ស៊ី លោកមីខាអ៊ីល មូរ៉ាសកូ ថ្លែងថា មនុស្សជាង
១០០.០០០នាក់ បានចាក់វ៉ាក់សាំងប្រឆាំងវីរុសCOVID-19 រួចហើយ ។ លោកអះអាងបែបនេះខណៈដែលក្រុងមូស្គូបង្ហាញវ៉ាក់សាំង SPOUTNIK V របស់ខ្លួនតាមរយៈវីដេអូខេនហ្វេរេន ក្នុងឱកាសនៃកិច្ចប្រជុំមួយរបស់ អ.ស.ប ។
កាលពីថ្ងៃទី១១ វិច្ឆិកា រុស្ស៊ីប្រកាសថា វ៉ាក់សាំង SPOUTNIK V របស់ខ្លួនមានប្រសិទ្ធភាព
៩២% ក្នុងការប្រឆាំងវីរុសនោះអំឡុងពេលសាកល្បងគ្លីនិកដំណាក់កាលទី៣ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ