Neymar បង្ហើបគោលបំណងដ៏ធំបំផុតរបស់ខ្លួននៅឆ្នាំក្រោយ
អង់គ្លេស ៖ កីឡាករថ្លៃបំផុតលើលោក Neymar បានបង្ហើបថា អ្វីដែលគេចង់បានបំផុតគឺអាចលេងជាមួយអតីតមិត្តរួមក្រុមចាស់ Lionel Messi ម្តងទៀត។ បន្ទាប់ពីរកបាន២គ្រាប់ជួយ…
អង់គ្លេស ៖ កីឡាករថ្លៃបំផុតលើលោក Neymar បានបង្ហើបថា អ្វីដែលគេចង់បានបំផុតគឺអាចលេងជាមួយអតីតមិត្តរួមក្រុមចាស់ Lionel Messi ម្តងទៀត។ បន្ទាប់ពីរកបាន២គ្រាប់ជួយ…
អង់គ្លេស ៖ កីឡាករថ្លៃបំផុតលើលោក Neymar បានបង្ហើបថា អ្វីដែលគេចង់បានបំផុតគឺអាចលេងជាមួយអតីតមិត្តរួមក្រុមចាស់ Lionel Messi ម្តងទៀត។
បន្ទាប់ពីរកបាន២គ្រាប់ជួយ Paris Saint-Germain យកឈ្នះក្នុងលទ្ធផល ៣-១ លើម្ចាស់ផ្ទះ Manchester United នៅការប្រកួតសន្សំពិន្ទុក្នុងពូល H កាលពីយប់ម្សិលមិញ ខ្សែប្រយុទ្ធប្រេស៊ីលវ័យ២៨ឆ្នាំរូបនេះ បានប្រាប់គេហទំព័រ ESPN យ៉ាងដូច្នេះថា «ខ្ញុំចង់លេងជាមួយ Messi ម្តងទៀត។ វាជាអ្វីដែលខ្ញុំចង់បានបំផុត។ ខ្ញុំចង់រីករាយនៅលើទីលានជាមួយគេម្តងទៀត។ ប្រាកដណាស់នៅឆ្នាំក្រោយយើងត្រូវតែធ្វើវា»។
ការលើកឡើងបែបនេះ បានធ្វើឱ្យអ្នកគាំទ្រជាច្រើនអន្ទះសាចង់ឱ្យ PSG ត្រៀមចាយលុយមហាសាល ដើម្បីយក Lionel Messi ពីក្លិប Barcelona មកកាន់ទឹកដី Parc des Princes នៅរដូវកាលក្រោយ។
សូមរំលឹកថា Neymar បានផ្លាស់ពីក្លិប Santos នៅប្រេស៊ីលមកចូលរួមជាមួយ Barcelona កាលពីឆ្នាំ ២០១៣ អំឡុងពេលជាដៃគូជាមួយប្រធានក្រុម Messi គេបានឈ្នះពានរង្វាន់សរុបចំនួន ៨ ក្នុងនោះរួមមានទាំង La Liga, FIFA Club World Cup និង Champions League ផងដែរ។ មុនពេលសម្រេចផ្លាស់មកចូលរួមជាមួយ PSG នៅក្នុងតម្លៃកំណត់ត្រាពិភពលោក ២២២លានអឺរ៉ូ កាលពីឆ្នាំ ២០១៧៕
ចែករំលែកព័តមាននេះ