រាជធានីភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈបានបញ្ជាក់កម្មករនិយោជិតឈប់សម្រាក២១ថ្ងៃ ដោយទទួលបានប្រាក់ឈ្នួលធម្មតា ។ យោងតាមសេចក្តីជូនប្រកាសរបស់ក្រសួងការងារបានឲ្យដឹងថា ឆ្នាំ២០២១ប្រការ ១. ត្រូវបានអនុញ្ញាតឱ្យកម្មករនិយោជិតនៃរោងចក្រ…
រាជធានីភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈបានបញ្ជាក់កម្មករនិយោជិតឈប់សម្រាក២១ថ្ងៃ ដោយទទួលបានប្រាក់ឈ្នួលធម្មតា ។
យោងតាមសេចក្តីជូនប្រកាសរបស់ក្រសួងការងារបានឲ្យដឹងថា ឆ្នាំ២០២១ប្រការ ១. ត្រូវបានអនុញ្ញាតឱ្យកម្មករនិយោជិតនៃរោងចក្រ សហគ្រាស ទាំងអស់ ដែលមានចែងក្នុងមាត្រា១ នៃច្បាប់ស្តីពីការងារបានឈប់សម្រាកពីការងារដោយមានប្រាក់ឈ្នួល តាមប្រតិទិនដូចខាងក្រោម ៖
ថ្ងៃទី១ មករា ទិវាចូលឆ្នាំសកល សម្រាក០១ថ្ងៃ ។ ថ្ងៃទី៧ មករា ទិវាជ័យជម្នះលើរបបប្រល័យពូជសាសន៍សម្រាក១ថ្ងៃ ។ ថ្ងៃទី៨ មិនា ទិវាអន្តរជាតិនារីសម្រាក១ថ្ងៃ ។ ថ្ងៃទី១៤-១៥-១៦ មេសាពិធីបុណ្យចូលឆ្នាំប្រពៃណីជាតិសម្រាក៣ថ្ងៃ ។ ថ្ងៃទី២៦ មេសា ពិធីបុណ្យវិសាខបូជាសម្រាក១ថ្ងៃ ។ ថ្ងៃទី៣០មេសា ព្រះរាជពិធីច្រត់ព្រះខង្គ័លសម្រាក១ថ្ងៃ ។ ថ្ងៃទី១ ឧសភា ទិវាពលកម្មអន្តរជាតិសម្រាក១ថ្ងៃ ។ ថ្ងៃទី១៤ ឧសភា ព្រះរាជធានីបុណ្យចម្រើនព្រះជន្មព្រះករុណាព្រះបាទសម្តេច ព្រះបរមនាថ សីហមុនី ព្រះមាហាក្សត្រនៃព្រះរាជាណាចក្រកម្ពុជាសម្រាក១ថ្ងៃ ។ ថ្ងៃទី១៨ មិថុនា ព្រះរាជពិធីបុណ្យចម្រើនព្រះជន្ម សម្តេចមហាក្សត្រីនរោត្តម មុនិនាថ សីហនុ ព្រះមរមនាថមាតាជាតិខ្មែរ សម្រាក១ថ្ងៃ ។
ថ្ងៃទី២៤កញ្ញា ទិវាប្រកាសរដ្ឋធម្មនុញ្ញសម្រាក១ថ្ងៃ ។ ថ្ងៃទី៥-៦-៧ ពិធីបុណ្យភ្ជុំប៊ិណ្ឌ សម្រាក៣ថ្ងៃ និងថ្ងៃទី១៥ តុលា ទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទ សម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋសម្រាក០១ថ្ងៃ ។ ថ្ងៃ២៩ តុលា ព្រះរាជពិធីគ្រងព្រះបរមរាជសម្បត្តិរបស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនីព្រះមហាក្សត្រ នៃព្រះរាជាណាចក្រកម្ពុជា ។ ថ្ងៃ៩ វិច្ឆិកា ពិធីបុណ្យឯករាជ្យជាតិសម្រាក១ថ្ងៃ ។ ថ្ងៃ១៨.១៩.២០ វិច្ឆិកា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ ។
ប្រការ២បានលើកឡើងថា ចំពោះរោងចក្រ សហគ្រាស ទាំងឡាយណាដែលកម្មវត្ថុអាជីវកម្មមានចរិតលក្ខណៈសកលត្រូវប្រព្រឹត្តទៅជាប្រចាំ និងមិនអាចបញ្ឈប់សកម្មភាពបាន ហើយការឈប់សម្រាកបុណ្យនៃកម្មករនិយោជិតទាំងអស់ព្រម គ្នាក្នុងពេលតែមួយនាំឱ្យខូចប្រយោជន៍ដល់សាធារណជន ឬក៏ធ្វើឱ្យខូចដំណើរការរបស់រោងចក្រ សហគ្រាសនោះ ម្ចាស់ ឬនាយករោងចក្រសហគ្រាស ត្រូវរៀបចំបែងចែកឱ្យកម្មករនិយោជិតបានឈប់សម្រាកទៅតាមថ្ងៃ បុណ្យនីមួយៗដោយផ្លាស់ប្តូរគ្នា ។
ក្នុងករណីមានការព្រមព្រៀងគ្នារវាងកម្មករនិយោជិតសាមី និងនិយោជក ឬមានចែងនៅក្នុងបទបញ្ជា ផ្ទៃក្នុងរបស់រោងចក្រ សហគ្រាស ឬអនុសញ្ញារួម ការឈប់សម្រាករបស់កម្មករនិយោជិតអាចអនុវត្តនៅពេលណាមួយផ្សេងទៀត ដែលខុសពីថ្ងៃឈប់សម្រាកបុណ្យដូចមានកំណត់ក្នុងប្រកាសនេះ ។ ម្ចាស់ ឬនាយករោងចក្រ សហគ្រាស ត្រូវរៀបចំបញ្ជីឈ្មោះកម្មករនិយោជិតដែលត្រូវផ្លាស់ប្តូរគ្នាឈប់ សម្រាកនៅថ្ងៃបុណ្យនីមួយៗ ហើយរក្សាទុកជាប្រចាំសម្រាប់ការត្រួតពិនិត្យរបស់អធិការការងារ ។
ក្នុងអំឡុងពេលនៃការឈប់សម្រាកដោយផ្លាស់ប្តូរគ្នានេះ ម្ចាស់ ឬនាយករោងចក្រ សហគ្រាស អាចប្រើប្រាស់ កម្មករនិយោជិតផ្សេងជាបណ្តោះអាសន្នមកជំនួសកម្មករនិយោជិតដែលបានឈប់សម្រាក ៕
ចែករំលែកព័តមាននេះ