រាជធានីភ្នំពេញ ៖ ក្រសួងសុខាភិបាល នៅព្រឹកថ្ងៃទី០៣ ខែធ្នូ ឆ្នាំ២០២០នេះ សូមប្រកាសដល់អ្នកពាក់ព័ន្ធផ្ទាល់ និងប្រយោលជាមួយព្រឹត្តិការណ៍សហគមន៍ ២៨ វិច្ឆិកា អាចទៅធ្វើតេសលើកទី២ នៅទីតាំង២កន្លែងមាន ១៖ នៅក្នុងក្រសួងមហាផ្ទៃ និងទី២ នៅស្តាតអូឡាំពិក ។
លោកជំទាវ យក់ សម្បត្តិ បានថ្លែងបញ្ជាក់ឲ្យដឹងថា «សម្តេច ទ្រង់ ឯកឧត្តម អស់លោក លោកស្រី ដែលជាប់ពាក់ព័ន្ធផ្ទាល់ និងប្រយោល សូមអញ្ជើញទៅធ្វើតេស្តលើកទី២ នៅថ្ងៃទី៨ ខែធ្នូ ឆ្នាំ២០២០ និងលើកទី៣ នៅថ្ងៃទី១២ ខែធ្នូ ឆ្នាំ២០២០ តាមទីតាំងដែលបានកំណត់សម្រាប់រាជធានីភ្នំពេញនៅក្រសួងមហាផ្ទៃ និងទីលានស្តាតអូឡាំពិក ។
នៅរសៀលថ្ងៃទី០៣ ខែធ្នូនេះ ក្រសួងសុខាភិបាល និងសាលារាជធានីភ្នំពេញនឹងអញ្ជឹងចុះទៅពិនិត្យមើលទីតាំងស្តាតអូឡាំពិក ដើម្បីរៀបចំត្រៀមធ្វើតេស្តដល់បងប្អូនប្រជាពលរដ្ឋនៅថ្ងៃដែលបានកំណត់ និងសូមអំពាវនាវដល់អ្នកពាក់ព័ន្ធទាំងអស់មេត្តាធ្វើចត្តាឡីស័កបានច្បាស់លាស់ ជៀសវាងការចម្លងណាមួយដល់ក្រុមគ្រួសារ និងអ្នកដទៃ ។
ក្រសួងសុខាភិបាល បានកំណត់ការធ្វើតេស្តលើកទី១ នៅថ្ងៃទី២៩ ខែវិច្ឆិកា ឆ្នាំ២០២០, លើកទី២ ធ្វើនៅថ្ងៃទី៨ ខែធ្នូ ឆ្នាំ២០២០ និងលើកទី៣ នៅថ្ងៃទី១២ ខែធ្នូ ឆ្នាំ២០២០ ទៅតាមទីតាំងដែលបានកំណត់ ទាំងក្នុងនៅរាជធានីភ្នំពេញ និងតាមបណ្តាខេត្ត ។
លោកជំទាវ យក់ សម្បត្តិ បានបញ្ជាក់បន្ថែមថា ប្រសិនបើអ្នកប៉ះពាល់ផ្ទាល់ ឬប្រយោល មិនបានធ្វើតេស្តនៅថ្ងៃកំណត់របស់ក្រសួង, នោះក្រសួងនឹងកំណត់ចត្តាឡីស័ក ១៤ថ្ងៃ រាប់ចាប់ពីថ្ងៃបានធ្វើតេស្ត ៕
ចែករំលែកព័តមាននេះ