ADផ្ទាំងផ្សព្វផ្សាយពាណិជ្ជកម្ម

Picture

ឡាន​ទ្រុងក្រឡាប់ខ្ទេចកាប៊ីន ក្រោយ​​​​វ៉ាក់អើ​ឡាន​ដឹក​ចំណី​សត្វ​បើក​ឆ្លងផ្លូវ (វីដេអូ)

3 ឆ្នាំ មុន
  • កណ្តាល

ខេត្តកណ្ដាល​ ៖ ​រថយន្ត​ទ្រុង​មួយ​​គ្រឿង​ដឹក​អីវ៉ាន់​រោងចក្រ​ ខណៈ​បើកបរ​ក្នុង​ល្បឿន​លឿន ស្រាប់តែ​មាន​រថយន្ត​ធុន​ធំ​១​គ្រឿង​ទៀត​ដឹក​ចំណី​សត្វ​បើក​ចេញពី​ផ្លូវ​បេតុង​ក្នុងភូមិ​មួយ​កន្លែង​ក្នុង​ល្បឿន​លឿន​ឆ្លងផ្លូវ​មិន​បាន​​មើល​ឆ្វេង​ ​មើល​ស្ដាំ​កាត់​ពីមុខ​ទាំង​កម្រោល​ ពេល​នោះ​ជា​ហេតុ​ធ្វើ​ឲ្យ​រថយន្ត​ទ្រុង​នេះ​វាក់​មិន​អាច​គេច​ចេញ​បាន​ ព្រោះ​ខ្លាច​បុក​មនុស្ស​និង​ម៉ូតូ​នៅ​ចិញ្ចើម​ផ្លូវ ទើប​ជ្រុល​ទៅ​បុក​ចំ​ចំហៀង​ខាងក្រោយ​រថយន្ត​ដឹក​ចំណី​សត្វ​នោះ បណ្ដាល​ឲ្យរថយន្តទ្រុង​​ខ្ទេច​កាប៊ី​ន​ទាំងស្រុង​…

ខេត្តកណ្ដាល​ ៖ ​រថយន្ត​ទ្រុង​មួយ​​គ្រឿង​ដឹក​អីវ៉ាន់​រោងចក្រ​ ខណៈ​បើកបរ​ក្នុង​ល្បឿន​លឿន ស្រាប់តែ​មាន​រថយន្ត​ធុន​ធំ​១​គ្រឿង​ទៀត​ដឹក​ចំណី​សត្វ​បើក​ចេញពី​ផ្លូវ​បេតុង​ក្នុងភូមិ​មួយ​កន្លែង​ក្នុង​ល្បឿន​លឿន​ឆ្លងផ្លូវ​មិន​បាន​​មើល​ឆ្វេង​ ​មើល​ស្ដាំ​កាត់​ពីមុខ​ទាំង​កម្រោល​ ពេល​នោះ​ជា​ហេតុ​ធ្វើ​ឲ្យ​រថយន្ត​ទ្រុង​នេះ​វាក់​មិន​អាច​គេច​ចេញ​បាន​ ព្រោះ​ខ្លាច​បុក​មនុស្ស​និង​ម៉ូតូ​នៅ​ចិញ្ចើម​ផ្លូវ ទើប​ជ្រុល​ទៅ​បុក​ចំ​ចំហៀង​ខាងក្រោយ​រថយន្ត​ដឹក​ចំណី​សត្វ​នោះ បណ្ដាល​ឲ្យរថយន្តទ្រុង​​ខ្ទេច​កាប៊ី​ន​ទាំងស្រុង​ និង​ក្រឡាប់​ទទឹង​ផ្លូវ​តែ​ម្ដង​ ប៉ុន្តែ​ពុំ​បណ្ដាល​ឲ្យ​អ្នកបើកបរ​និង​ព្រូ​ ព្រមទាំង​អ្នក​ជិះ​ក្នុង​​រថយន្តទ្រុង​នោះ​រង​របួស​ធ្ងន់ធ្ងរ​អ្វី​ឡើយ ហើយ​រថយន្ត​បង្ក​មិន​បាន​រង​ការ​ខូចខាត​ទេ​ រួច​បាន​បើក​រត់គេច​ខ្លួន​បាត់​។

ឧប្បត្តិ​ហេតុខាងលើ​នេះ​បាន​កើតឡើង​កាលពី​វេលា​ម៉ោង​៥​និង​៥៥​នាទី​ព្រឹក​ថ្ងៃ​ទី​៣ ខែធ្នូ ឆ្នាំ​២០២០ នៅ​លើ​កំណាត់​ផ្លូវជាតិ​លេខ​៤ ត្រង់​ចំណុច​មុខ​មន្ទីរពេទ្យ​បង្អែក ស្រុក​អង្គស្នួល ស្ថិត​នៅ​ក្នុងភូមិ​ត្រពាំង​ក្រសាំង ឃុំ​បែក​ចាន ស្រុក​អង្គស្នួល ខេត្តកណ្ដាល​។

រថយន្ត​ដែល​ក្រឡាប់​និង​រង​ការ​ខូចខាត​ខ្ទេច​កាប៊ី​ន​ទាំងស្រុង​ខាងលើ​នោះ​ម៉ាក​ហ៊ី​​យ៉ា​ន់​ដាយ​ព​ណ៍​ស លាយ​ត្រួយ​ចេក ពាក់​ស្លាក​លេខ​ ព្រះ​សីហ​នុ ​3A-2946 ជា​ប្រភេទ​រថយន្ត​ទ្រុង​ដឹក​អីវ៉ាន់​រោងចក្រ បើកបរ​ដោយ​បុរស​មិន​ស្គាល់ឈ្មោះ​ម្នាក់ ចំណែក​រថយន្ត​បង្កហេតុ​ធុន​ធំ​មិន​ស្គាល់​ម៉ាក គ្រាន់តែ​ដឹង​ថា​ជា​រថយន្ត​ដឹក​ចំណី​សត្វ​ អ្នកបើកបរក៏មិនស្គាល់អត្ត​សញ្ញាណដែរ​។

បុរស​អ្នកបើកបរ​រថយន្ត​ទ្រុង​ពុំ​បាន​ប្រាប់​ពី​អត្តសញ្ញាណ​របស់​ខ្លួន​ទេ តែ​គាត់​បាន​និយាយ​ថា នៅ​មុន​ពេល​កើតហេតុ ​គាត់​បាន​បើកបរ​រថយន្ត​ធ្វើ​ដំណើរ​ក្នុង​ទិស​ដៅ​ពី​លិចទៅ​កើត​ក្នុង​ល្បឿន​លឿន​គួរសម​ដែរ លុះ​ពេល​ទៅ​ដល់​ត្រង់​ចំណុច​កើតហេតុ​ខាងលើ​ ស្រាប់តែ​មាន​​រថយន្ត​ធុ​នធំ​ដឹក​ចំណី​សត្វ​បាន​បើកបរ​ចេញពី​ផ្លូវ​បេតុង​ក្នុង​​ភូមិ​ត្រពាំង​ក្រសាំង​ឆ្លងផ្លូវ​កាត់មុខ​។​ខណៈនោះ​រថយន្ត​ដឹក​ចំណី​សត្វ​មិន​បាន​ឈប់​រង់ចាំ​ឲ្យ​រថយន្ត​គាត់​ទៅ​ផុត​សិន​ទេ​បាន​ឆ្លង​ទាំង​ទទឹងទិស ដែល​ជា​ហេតុ​ធ្វើ​ឲ្យ​វាក់​ជាន់​ហ្វ្រាំង​ឈប់​អត់​ទាន់ ហើយ​ក៏​អត់​ហ៊ាន​គេច​ចេញ​ទៅ​ចិញ្ចើម​ផ្លូវ​ខ្លាំង​ឡើយ ​ព្រោះ​មាន​សុទ្ធតែ​ម៉ូតូ​និង​មនុស្ស​ ដោយ​ខ្លាច​បុក​ឬ​កិន​មនុស្ស​ស្លា.ប់ ទើប​ជ្រុល​ទៅ​បុក​ចំ​ចំហៀង​ខាងក្រោយ​រថយន្ត​ដឹក​ចំណី​សត្វ​នោះ​ពេញទំហឹង​ ​បណ្តាល​ឱ្យ​រថយន្តទ្រុង​​ក្រឡាប់​តែ​ម្ដង​។

តាម​ប្រភព​ដដែល​បាន​បន្ត​ថា ពេល​នោះ​សំណាង​ណាស់​ដែល​គាត់​រួម​ជាមួយ​ព្រូ​និង​អ្នក​ជិះ​ជាមួយ​ពាក់​ខ្សែក្រវាត់​ត្រឹមត្រូវ ទើប​គ្រាន់តែ​រង​របួសស្រាល ប៉ុន្តែ​រថយន្ត​បាន​ខូចខាត​កាប៊ី​ន​ទាំងស្រុង ចំណែកឯ​រថយន្ត​បង្ក​បាន​បើក​គេចខ្លួន​ហើយ​គាត់​បាន​ឲ្យ​ព្រូ​ជិះ​ម៉ូតូ​កង់​បី​ដេញ​តាម​ដែរ ហើយ​ឮ​ថា​ចាប់​បាន​ហើយ​តែ​គាត់​អត់​ទាន់​ដឹង​ថា​ចាប់​បាន​នៅ​កន្លែង​ណា​ទេ​។

ក្រោយ​ពេល​កើតហេតុ​ នគរបាល​ស្រុក​អង្គស្នួល​បាន​ចុះ​ទៅ​កាន់​កន្លែង​កើតហេតុ​សម្រួល​ចរាចរ​និង​ឲ្យ​ម្ចាស់​ជួល​រថយន្ត​ស្ទូច​ទៅ​ស្ទូច​លើកយក​រថយន្ត​នោះ​ចេញពី​ផ្លូវ​និង​ស្រាវជ្រាវ​តាម​រក​ឃាត់​រថយន្ត​ដឹក​ចំណី​សត្វ​នោះ​ដើម្បី​នាំ​យក​ទៅ​ធ្វើការ​ដោះស្រាយ​តាម​ច្បាប់ ប៉ុន្តែ​ពុំ​ដឹង​ថា​អាច​រក​ឃើញ​ឬ​ពុំ​ឃើញ​នៅឡើយ​៕​ (កែសម្រួលដោយ ៖ ធីតា​)

អត្ថបទសរសេរ ដោយ

កែសម្រួលដោយ