រាជធានីភ្នំពេញ ៖ ក្រសួងសុខាភិបាលបានបញ្ជាក់ឲ្យដឹងថា បានរកឃើញអ្នកឆ្លងជំងឺកូវីដ១៩ថ្មី ចំនួន២នាក់ បន្ថែមពីព្រឹត្តិការណ៍សហគមន៍២៨វិច្ឆិកា ដោយម្នាក់ជាបុគ្គលិកធនាគារ ជាមួយគ្នានោះដែរនៅថ្ងៃទី៣ វិច្ឆិកា មិនមានករណីជាសះស្បើយទេ…
រាជធានីភ្នំពេញ ៖ ក្រសួងសុខាភិបាលបានបញ្ជាក់ឲ្យដឹងថា បានរកឃើញអ្នកឆ្លងជំងឺកូវីដ១៩ថ្មី ចំនួន២នាក់ បន្ថែមពីព្រឹត្តិការណ៍សហគមន៍២៨វិច្ឆិកា ដោយម្នាក់ជាបុគ្គលិកធនាគារ ជាមួយគ្នានោះដែរនៅថ្ងៃទី៣ វិច្ឆិកា មិនមានករណីជាសះស្បើយទេ ។
យោងតាមសេចក្តីប្រកាសព័ត៌មានរបស់ក្រសួងសុខាភិបាល នៅថ្ងៃទី៣ វិច្ឆិកា ឆ្នាំ២០២០បានឲ្យដឹងថា ករណីវិជ្ជមានវីរុសកូវីដ១៩ចំនួន ០២នាក់ ដែលជាអ្នកពាក់ព័ន្ធទៅនឹង ព្រឹត្តិការណ៍សហគមន៍ ២៨ វិច្ឆិកា បុរសជនជាតិខ្មែរ អាយុ២៣ឆ្នាំ ជាបុគ្កលិកធនាគារចិន នៅកាណាឌីយ៉ា មានអាសយដ្ឋានស្នាក់នៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ។
និងម្នាក់ទៀតជា ស្ត្រីជនជាតិខ្មែរ អាយុ២១ឆ្នាំ មានអាសយដ្ឋានស្នាក់នៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ (ត្រូវជាប្អូនស្រីបង្កើតខាងលើ) ជាបុគ្គលិកធនាគារកាឆយូណាយធីត រាជធានីភ្នំពេញ ។ ដោយលទ្ធផលធ្វើតេស្តវត្ថុសំណាករបស់ស្ត្រីនេះ ផ្តល់ដោយវិទ្យាស្ថានប៉ាស្ទ័រកម្ពុជា រាជធានីភ្នំពេញ គឺ វិជ្ជមានវីរុសកូវីដ-១៩ ហើយបច្ចុប្បន្នអ្នកជំងឺ ត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ។
ក្រសួងបន្តថា សូមកត់សម្គាល់ថា ៖ ដោយទទួលបានការអនុញ្ញាតដ៏ខ្ពង់ខ្ពស់ពីសម្តេចតេ ជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងដោយសារនាគារកោឆេយូណាយធីត (នៅផ្លូវសម្តេចប៉ាន រាជធានីភ្នំពេញ) មានបុគ្គលិកជាច្រើនដែលកំពុងបម្រើការនៅទីនោះ ធនាគារកាឆេនេះ ត្រូវផ្អាកដំណើរការជាបណ្តោះអាសន្នសិនក្នុងរយៈពេល ១៤ថ្ងៃ ដោយគិតចាប់ពីថ្ងៃទី០៣ ខែធ្នូ ឆ្នាំ២០២០ នេះតទៅ ដើម្បីក្រុមការងារក្រសួងសុខាភិបាលចុះយកវត្ថុសំណាកបុគ្គលិកទាំងអស់នេះ និងតម្រូវឲ្យបុគ្គលិកទាំងអស់នេះធ្វើចត្តាឡីស័កចំនួន ១៤ថ្ងៃផងដែរ។
ក្រសួងគូសបញ្ជាក់ថា គិតពីថ្ងៃទី២៩ ខែវិច្ឆិកា ដល់ថ្ងៃទី០២ ខែធ្នូ ឆ្នាំ២០២០ ក្រសួងសុខាភិបាល បានធ្វើតេស្តអ្នកប៉ះពាល់សរុបទាំងអស់បានចំនួន ៨,៧៦៦នាក់ ដែលនៅក្នុងចំនួននេះ មានអ្នកវិជ្ជមានវីរុសកូវីដ-១៩ ថ្មី សរុបចំនួន ១៩នាក់ ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ ៕
ចែករំលែកព័តមាននេះ