រាជធានីភ្នំពេញ ៖ អស់រយៈពេលជិតពេញមួយឆ្នាំនេះ សម្រាប់វិស័យឯកជនដែលប្រកបមុខរបរពាក់ព័ន្ធ និងវិស័យទេសចរណ៍បានទទួលរងផលប៉ះពាល់ជាបន្តបន្ទាប់ពីជំងឺកូវីដ-១៩ ហើយក្នុងដំណាក់កាលដំបូងៗម្ចាស់អាជីវកម្មអាចទ្រំទ្រ ឬទប់អាជីវកម្មមិនឱ្យបិទទ្វារបាន ។ ប៉ុន្តែចូលដល់ចុងខែវិច្ឆិកានេះវិស័យឯកជនដែលរកស៊ីក្នុងវិស័យមួយនេះអាជីវកម្មរបស់គេបានឈានដល់ដំណាក់កាលដង្ហើមចង្រិត ពោលប្រាក់ចំណេញដែលសន្សំទុកកាលពីមុនៗយក មកប្រើប្រាស់អស់ ខណៈបញ្ហាជំងឺកូវីដ-១៩ នៅតែធ្វើឱ្យប្រជាពលរដ្ឋភ័យព្រួយជាប់ជាប្រចាំ ។
រូបតំណាងបើតាមអ្នកជំនាញ និងជាប្រធានសមាគមទីភ្នាក់ងារទេសចរណ៍កម្ពុជាបានឱ្យដឹងថា វិស័យឯកជនរកស៊ីក្នុងវិស័យទេសចរណ៍មុនមិនទាន់កើតមានជំងឺកូវីដ-១៩ ពួកគេរកទទួល ទានមានការរីកចម្រើន ប៉ុន្តែនៅពេលវិបត្តិកូវីដ-១៩ មកដល់ វាបានបក់បោកយ៉ាងខ្លាំងធ្វើឱ្យ ប៉ះពាល់ដល់អ្នករកទទួលទាននៅក្នុងវិស័យទេសចរណ៍ខ្លាំងក្លាជាងគេ រហូតដល់អ្នកខ្លះផ្អាក ដំណើរការនូវសកម្មភាពផ្សេងៗរបស់ខ្លួន ។
រូបតំណាងលោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជាមានប្រសាសន៍ បញ្ជាក់ថា ជារួមអស់រយៈពេលជិតមួយឆ្នាំនេះយើងបានផ្អាកដំណើរការ ។ កាលដំបូងៗមិន សូវជាមាត់ករអ្វីនោះទេ (ត្អូញត្អែ) យើងនៅរួបរួមគ្នាក្នុងការជួយដល់ជីវភាពរបស់បុគ្គលិកទេស ចរណ៍ដើម្បីកុំឱ្យពួកគាត់ចេញទៅណា ។ អ៊ីចឹងការចំណាយយើងនៅតែចំណាយដោយគ្មាន ចំណូលជិតមួយឆ្នាំហើយ ។ ដូចនេះទុនសម្រាប់បម្រុង ឬប្រាក់ដែលបានចំណេញ រក្សាទុក បានប៉ុន្មានឆ្នាំមុនៗមកនេះ គឺយើងបានយកមកប្រើប្រាស់អស់រលីងទៅហើយ ។
រូបតំណាងលោកស្រីបន្តថា ទោះបីពេលមុនៗធ្លាប់បានទិញ ឬប្រាក់ចំណេញដែលយើងធ្លាប់យក ទៅទិញអចលនទ្រព្យយើងបានលក់ចេញទៅវិញដើម្បីយកទុនទាំងនេះមកប្រើប្រាស់ដើម្បីទប់អាជីវកម្ម និងរក្សាបុគ្គលិកទុក ព្រោះតែរំពឹងថា បើស្ថានការអាចនឹងប្រសើរឡើវិញនាពេល ខាងមុខដ៏ខ្លី ។ តែផ្ទុយទៅវិញស្ថានការណ៍នេះបានអូសបន្លាយមកដល់ពេលនេះ អ៊ីចឹងយើង បានប្រើប្រាស់ទុនបម្រុងអស់ទៅហើយ យើងគ្មានអ្វីត្រូវបន្តថែមទៅទៀតនោះទេ ។
លោកស្រីសង្កត់ធ្ងន់ដូច្នេះថា «អាជីវកម្មទីភ្នាក់ងារទេសចរណ៍បានប្រើប្រាស់ទុនអស់ គ្មានអ្វីត្រូវយកមកបន្តដង្ហើមទៀតទេ ហេតុដូចនេះហើយយើងចង់បានការយកចិត្តទុកដាក់ អំពីអ្នកពាក់ព័ន្ធ ក៏ដូចជារាជរដ្ឋាភិបាលទាំងមូល សូមឱ្យជួយដល់វិស័យឯកជនមួយនេះផង ដែលកំពុងតែដង្ហើមចង្រិត» ។
ទាក់ទងនិងវិស័យឯកជនរកស៊ីនៅក្នុងវិស័យទេសចរណ៍បើតាមអ្នកជំនាញរូបនេះថា បច្ចុប្បន្ននៅទូទាំងប្រទេសកម្ពុជាសម្រាប់ទីភ្នាក់ងារទេសចរណ៍មានជិត ៧០០ក្រុមហ៊ុន ហើយ នៅក្នុងមានជិត ៣០០ក្រុមហ៊ុនបានយកឯកសារផ្លូវការសុំបិទ និងផ្អាកដំណើរការអាជីវកម្ម របស់ខ្លួន ។
ក្រៅពីនេះនៅមានក្រុមហ៊ុនជាច្រើនផ្សេងទៀតបានបិទរំសាយបុគ្គលិកអស់ដោយ មិនបានទៅសុំច្បាប់ តែអ្នកខ្លះទៀតនៅតែបន្តដោយគិតថា បើស្ថានការណ៍ប្រសើរឡើងវិញ ភ្លាមៗ ពួកគេនឹងធ្វើប្រតិបត្តិការឡើងវិញ ។ ជារួម ៩៥% មិនទ្រទ្រង់ ឬបន្តអាជីវកម្មរបស់ខ្លួន បានទៅទៀតនោះទេ ៕
ចែករំលែកព័តមាននេះ