សម្តេច ហេង សំរិន អំពាវនាវឲ្យពលរដ្ឋរក្សាសន្តិភាពតាមរយៈថ្ងៃ២ធ្នូ
- ភ្នំពេញ
រាជធានីភ្នំពេញ ៖ សម្តេច ហេង សំរិន ប្រធានរដ្ឋសភាបានអំពាវនាវឲ្យប្រជាពលរដ្ឋថែរក្សាសន្តិភាពតាមរយៈថ្ងៃ២ធ្នូ ។ ការអំពាវនាវរបស់សម្តេច ហេង សំរិន…
រាជធានីភ្នំពេញ ៖ សម្តេច ហេង សំរិន ប្រធានរដ្ឋសភាបានអំពាវនាវឲ្យប្រជាពលរដ្ឋថែរក្សាសន្តិភាពតាមរយៈថ្ងៃ២ធ្នូ ។ ការអំពាវនាវរបស់សម្តេច ហេង សំរិន…
រាជធានីភ្នំពេញ ៖ សម្តេច ហេង សំរិន ប្រធានរដ្ឋសភាបានអំពាវនាវឲ្យប្រជាពលរដ្ឋថែរក្សាសន្តិភាពតាមរយៈថ្ងៃ២ធ្នូ ។ ការអំពាវនាវរបស់សម្តេច ហេង សំរិន ស្របពេលកម្ពុជាអបអរសាទរខួបលើកទី៤២ ថ្ងៃបង្កើតរណសិរ្ស២ ធ្នូ ឆ្នាំ១៩៧៨ ។
យោងតាមបណ្តាញសង្គមសម្តេច ហេង សំរិន បានសរសេរថា« ថ្ងៃទី២ ខែធ្នូ ឆ្នាំ២០២០នេះជាខួបលើកទី៤២ ទិវាកំណើត «រណសិរ្សសាមគ្គី អភិវឌ្ឍន៍មាតុភូមិកម្ពុជា» មានឈ្មោះដើមថា «រណសិរ្សសាមគ្គី សង្គ្រោះជាតិកម្ពុជា» ដែលបានបង្កើតឡើង នៅថ្ងៃទី២ ខែធ្នូ ឆ្នាំ១៩៧៨ នៅក្នុងតំបន់រំដោះនាភូមិជើងឃ្លូ ឃុំ២ធ្នូ ស្រុកស្នួល ខេត្ដក្រចេះ» ។
សម្តេចបន្តថា រណសិរ្ស២ធ្នូ ជាកម្លាំងមហាជន អ្នកស្នេហាជាតិ គ្រប់និន្នាការនយោបាយដឹកនាំបង្កើតដោយសម្តេច អគ្គមហាពញាចក្រី ហេង សំរិន សម្តេចអគ្គមហាធម្មពោធិសាលជា ស៊ីម សម្តេចអគ្គមហាសេនាបតី តេជោ ហ៊ុន សែន និងឥស្សរជនស្នេហាជាតិជាច្រើនទៀតក្នុងការរំដោះប្រទេសជាតិចេញពីរបបខ្មែរ ប៉ុលពតប្រល័យពូជសាសន៍ នៅថ្ងៃទី៧ ខែមករា ឆ្នាំ១៩៧៩ ។
សម្តេចបន្តថា រណសិរ្ស ២ធ្នូ មិនត្រឹមតែបានជួយសង្គ្រោះអាយុជីវិតប្រជាពលរដ្ឋ ឱ្យចាកផុតពីមហន្ដរាយ នៃរបបអាវខ្មៅ ប៉ុណ្ណោះទេ ប៉ុន្ដែបានជួយស្ដារកសាង និងអភិវឌ្ឍន៍មាតុភូមិកម្ពុជាមានការកែប្រែមុខមាត់ថ្មីជាបន្ដបន្ទាប់ រហូតទទួលបានសុខសន្តិភាព ឯកភាពជាតិ និងការអភិវឌ្ឍ ដូចសព្វថ្ងៃនេះ ។ សម្តេចមាន២ធ្នូ ឆ្នាំ១៩៧៨ ទើបមានថ្ងៃ៧ ខែមករា ឆ្នាំ១៩៧៩ ហើយមាន៧ ខែមករា ឆ្នាំ១៩៧៩ ទើបមាន ថ្ងៃនេះ។ ទំរាំមានថ្ងៃនេះ យើងបានធ្វើដំណើរដ៏វែងឆ្ងាយឆ្លងកាត់ការលំបាកឧបសគ្គរាប់ម៉ឺនជំពូក ។ ឥស្សរជន អតីតយុទ្ធអ្នកស្នេហាជាតិយើងរាប់មិនអស់បានពលីកម្មអាយុជីតបូជាសាច់ស្រស់ឈាមស្រស់ ក្នុងបុព្វហេតុជាតិមាតុភូមិ ដោយមិនខ្លាចនឿយហត់ និងស្តាយស្រណោះអាយុជីវិតនោះឡើយ ។
សម្តេចប្រធានរដ្ឋសភាបានគូសបញ្ជាក់ថា« ចូរយើងទាំងអស់គ្នារួមគ្នាការពារ ថែរក្សាសន្តិភាព ដែលយើងទទួលបានដោយលំបាកនេះ ឱ្យបានគង់វង្ស យូររអង្វែងតរៀងទៅ ដើម្បីប្រទេសជាតិយើងទទួលបានការអភិវឌ្ឍបន្តបន្ទាប់ឈានទៅរកភាពរុងរឿងដូចអារ្យប្រទេសក្នុងពេលខាងមុខនេះ» ៕
ចែករំលែកព័តមាននេះ