Zidane ថាមិនចេញពីតំណែងឡើយទោះ Real ប្រឈមជ្រុះចេញពី UCL
អ៊ុយក្រែន ៖ អ្នកចាត់ការទូទៅក្រុម Real Madrid លោក Zinedine Zidane បាននិយាយថា លោកនឹងមិនលាលែងពីតំណែងជាដាច់ខាត…
អ៊ុយក្រែន ៖ អ្នកចាត់ការទូទៅក្រុម Real Madrid លោក Zinedine Zidane បាននិយាយថា លោកនឹងមិនលាលែងពីតំណែងជាដាច់ខាត បើទោះជាចាញ់ក្រុម Shakhtar Donetsk កាលពីយប់មិញ និងបង្អាក់ក្តីសង្ឃឹមរបស់ពួកគេឈានទៅវគ្គ ១៦ក្រុមចុងក្រោយពានរង្វាន់ Champions League។
Real Madrid បានចាញ់ម្ចាស់ផ្ទះ Shakhtar Donetsk ដោយលទ្ធផល ២-០ ដែលរកបានដោយកីឡាករ Dentinho និង Solomon។ លទ្ធផលយប់មិញ គឺជាការបរាជ័យលើកទី២ ក្រោមថ្វីជើងក្រុមម្ចាស់ជើងលីគកំពូលអ៊ុយក្រែន ក្នុងឆ្នាំ ២០២០ នេះ។
សូមបញ្ជាក់ថា ម្ចាស់ជើងឯក Champions League ១៣ សម័យកាលមួយនេះ កំពុងឈរនៅលេខ ៣ ក្នុងពូល B ដោយក្រុមទាំង ៤ ក្នុងពូល នៅតែមានឱកាសប្រជែងយកកៅអីវគ្គ ១៦ក្រុមចុងក្រោយ នៅការប្រកួតចុងក្រោយក្នុងវគ្គសន្សំពិន្ទុ ដែលនឹងធ្វើឡើងសប្តាហ៍ក្រោយ។
លោក Zinedine Zidane បាននិយាយថា «ខ្ញុំនឹងមិនលាលែងពីតំណែងទេ។ យើងតែងតែជួបពេលវេលាដ៏លំបាក ប៉ុន្តែយើងត្រូវតែបន្តទៅមុខទៀត។ ខ្ញុំត្រូវការកម្លាំងមួយ ដើម្បីបង្វែរស្ថានភាពនេះ ហើយនោះគឺជាកីឡាករ»៕ (ដកស្រង់ចេញពី BBC)
ចែករំលែកព័តមាននេះ