វីដេអូ ស្ត្រីម្នាក់ចចេសមិនព្រមពាក់ម៉ាស់ ពេលចូលបង់ថ្លៃអគ្គិសនី រងការរិះគន់
រាជធានីភ្នំពេញ ៖ នាព្រឹកថ្ងៃទី០១ ធ្នូ ២០២០នេះ យោងតាមហ្វេសប៊ុកឈ្មោះ អ៊ុក ឯក សង្ហា បានបង្ហោះវីដេអូឃ្លីបមួយ…
រាជធានីភ្នំពេញ ៖ នាព្រឹកថ្ងៃទី០១ ធ្នូ ២០២០នេះ យោងតាមហ្វេសប៊ុកឈ្មោះ អ៊ុក ឯក សង្ហា បានបង្ហោះវីដេអូឃ្លីបមួយ…
រាជធានីភ្នំពេញ ៖ នាព្រឹកថ្ងៃទី០១ ធ្នូ ២០២០នេះ យោងតាមហ្វេសប៊ុកឈ្មោះ អ៊ុក ឯក សង្ហា បានបង្ហោះវីដេអូឃ្លីបមួយ អមដោយសារថា «ទោះស្លាប់ក៏គាត់មិនពាក់ម៉ាស់ដែរ» បង្កឲ្យមានការរិះគន់យ៉ាងខ្លាំង នៅលើបណ្ដាញសង្គម ទៅលើស្ត្រីម្នាក់ក្នុងវីដេអូនោះ ។
ក្នុងវីដេអូឃ្លីបដែលមានរយៈពេល ០:២៦វិនាទី បង្ហាញអោយឃើញថា ស្ត្រីម្នាក់មានបំណងចូលទៅបង់ថ្លៃអគ្គិសនី នៅស្នាក់ការ ក្នុងសង្កាត់វត្តភ្នំ ខណ្ឌដូនពេញ ប៉ុន្តែត្រូវបុគ្គលិកអគ្គិសនីកម្ពុជា តម្រូវអោយពាក់ម៉ាស មុនចូលទៅក្នុង ដើម្បីបង់ថ្លៃ(អគ្គិសនី) ប៉ុន្តែស្ត្រីមិនទាន់ស្គាល់អត្តសញ្ញាណរូបនេះ នៅតែនិយាយចចេស មិនព្រមពាក់ម៉ាស់ទេ ទោះបីមានការអង្វរកយ៉ាងណាក៏ដោយ និងបដិសេធមិនព្រមទទួលម៉ាស ដែលគេជូនគាត់ ថែមទៀត ។
កន្លងមក ក្រសួងសុខាភិបាលកម្ពុជា ធ្លាប់បានអំពាវនាដល់ប្រជាពលរដ្ឋ ត្រូវបន្តប្រុងប្រយ័ត្ន ហើយអំពាវនាវឲ្យមានការពន្យារការរៀបអាពាហ៌ពិពាហ៌ ពិធីជប់លៀង ការចាក់ធុងបាសរាំ ។ល។ និងបន្តរក្សាគម្លាតពីគ្នា ពាក់ម៉ាស់នៅពេលចាំបាច់ និងឧស្សាហ៍លាងដៃ ជាមួយសាប៊ូ អាល់កុល ឬជែល ។
ជាមួយនឹង«ព្រឹត្តិការណ៍សហគមន៍២៨វិច្ឆិកា»នេះដែរ គឺករណីឆ្លងកូវីដ-១៩ ក្នុងសហគមន៍ជាលើកដំបូងនៅកម្ពុជា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានកំណត់ពេលវេលា១៥ថ្ងៃ ក្នុងការប្រយុទ្ធជាមួយកូវីដ១៩ ក្នុងព្រឹត្តិការណ៍សហគមន៍២៨វិច្ឆិកា។
សម្តេចតេជោ បានថ្លែងថា ដើម្បីឲ្យការប្រយុទ្ធបានជោគជ័យក្នុងរយៈពេល ១៥ថ្ងៃនេះ មិនអាចពឹងតែលើរាជរដ្ឋាភិបាល និងអាជ្ញាធរនោះទេ គឺត្រូវតែមានការចូលរួមពីប្រជាពលរដ្ឋ ។
ដើម្បីទប់ស្កាត់ការរីករាលដាលជំងឺកូវីដ១៩ សម្តេចតេជោ ហ៊ុន សែន បានដាក់ចេញវិធានការថ្មីមួយទៀត គឺផ្តល់សិទ្ធិឲ្យរដ្ឋមន្ត្រី និងអភិបាលរាជធានី-ខេត្ត បិទក្រសួង ឬស្ថាប័នក្រោមការគ្រប់គ្រងរបស់ក្រសួង បិទសាលា បិទអាហារដ្ឋាន ឬទីតាំងពាក់ព័ន្ធព្រឹត្តិការណ៍នេះសហគមន៍ ២៨វិច្ឆិកា។ សម្តេចតេជោ បានរំពឹងថា ប្រជាពលរដ្ឋខ្មែរទាំងអស់នឹងចូលរួមសហការគ្នា ដើម្បីប្រយុទ្ធប្រឆាំងនឹងជំងឺកូវីដ-១៩ ហើយអាចយកឈ្នះលើព្រឹត្តិការណ៍នេះផងដែរ ។
ទង្វើបែបនេះធ្វើអោយមានមតិជាច្រើន បានរិះគន់លើស្ត្រីរូបនេះ សូមទស្សនាវីដេអូ មានដូចខាងក្រោម ៖
ចែករំលែកព័តមាននេះ