ប្រទេសចិន-កូរ៉េខាងជើង ៖ អ្នកវិភាគអាមេរិកម្នាក់ ដែលដកស្រង់ប្រភពមិនបញ្ចេញឈ្មោះនានា ក្នុងផ្ទៃភ្នាក់ងារស៊ើបការណ៍ថ្លែងនាថ្ងៃទី១ធ្នូថា ចិនបានផ្ដល់ដល់មេដឹកនាំកូរ៉េខាងជើងលោកគីមជុងអ៊ុននិងគ្រួសារនូវវ៉ាក់សាំងពិសោធន៍ចិនមួយប្រឆាំងវីរុស COVID-19 ។
លោក HARRY KAZIANIS អ្នកជំនាញការខាងកូរ៉េខាងជើង ជាសមាជិកក្រុមការពារ ផល
ប្រយោជន៍ជាតិ ជាក្រុមត្រិះរិះពិចារណា មានមូលដ្ឋាននៅទីក្រុងវ៉ាស៊ិនតោននិយាយថា ជនលេខមួយកូរ៉េខាងជើង និងតំណាងជាន់ខ្ពស់ច្រើនរូបរបស់ប្រទេសនោះបានចាក់វ៉ាក់សាំងរួចហើយក្នុងអំឡុងខែវិច្ឆិកា។
ក្នុងអត្ថបទមួយចេញផ្សាយតាមវេបសាយ19FORTYFIRE អ្នកវិភាគរូបនោះបន្តថា លោកមិនអាចដឹងថា តើមន្ទីរពិសោធន៍ចិនណាដែលជាអ្នកផ្ដល់វ៉ាក់សាំងនេះនិងក៏មិនដឹងថាតើវាមានប្រសិទ្ធភាពបែបណាដែរ ។
កូរ៉េខាងជើងមកទល់ពេលនេះនៅមិនទាន់មានការអះអាងពីអ្នកឆ្លងវីរុសណាម្នាក់នៅឡើយ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ