រាជធានីភ្នំពេញ ៖ អាជ្ញាធរមូលដ្ឋានក្នុងសង្កាត់ចោមចៅទី៣ ដឹកនាំដោយលោកចៅសង្កាត់ និងចៅសង្កាត់រង បានបញ្ជាកម្លាំងចុះណែ នាំនិងបិទហាងខារ៉ាអូខេ ហាងស្រាក្រឡុក ព្រមទាំងហាងម៉ាស្សា ដោយឱ្យផ្អាកមួយរយៈពេលព្រោះតែជំងឺកូវីដ១៩…
រាជធានីភ្នំពេញ ៖ អាជ្ញាធរមូលដ្ឋានក្នុងសង្កាត់ចោមចៅទី៣ ដឹកនាំដោយលោកចៅសង្កាត់ និងចៅសង្កាត់រង បានបញ្ជាកម្លាំងចុះណែ នាំនិងបិទហាងខារ៉ាអូខេ ហាងស្រាក្រឡុក ព្រមទាំងហាងម៉ាស្សា ដោយឱ្យផ្អាកមួយរយៈពេលព្រោះតែជំងឺកូវីដ១៩ ដើម្បីទប់ស្កាត់ការរីករាលដាលសារជាថ្មីនៅក្នុងសហគមន៍ ហេតុការណ៍នេះបង្កឱ្យមានការភ្ញាក់ផ្អើលកាលពីយប់ថ្ងៃទី៣០ ខែវិច្ឆិកា ឆ្នាំ២០២០។
ដោយយោងតាមអានុសាសន៍ដឹកនាំដ៏ខ្ពង់ខ្ពស់របស់សម្ដេចអគ្គមហាសេនាតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសចាប់ពីថ្ងៃទី៣០ ខែវិច្ឆិកា ឆ្នាំ២០២០នេះតទៅ ដោយបញ្ជាឱ្យកម្លាំងក្នុងមូលដ្ឋានខណ្ឌពោធិ៍សែនជ័យ និងនៅក្នុងខណ្ឌ នានាក្នុងរាជធានីភ្នំពេញ ចុះបិទកន្លែងម៉ាស្សា ព្រមទាំងហាងលក់ស្រាក្រឡុក និងណែនាំប្រជាពលរដ្ឋឱ្យចេះអនាម័យខ្លួនប្រាណ ចេះការពារដោយឱ្យប្រើប្រាស់ទឹកអាកុល និងសាប៊ូលាងដៃ ព្រមទាំងពាក់ម៉ាស និងអង្គុយឱ្យមានគម្លាតឆ្ងាយពីគ្នាចាប់ពី១.៥ម៉ែត្រឡើងទៅ ។
ខណៈពេលភ្លាមៗនោះដែរ លោកចៅសង្កាត់ចោមចៅទី៣ លោក វ៉ា សាវឿន បានដឹកនាំកម្លាំងចុះអន្តរាគមន៍ភ្លាមៗតាមបញ្ជាផ្ទាល់ ដោយបានបញ្ជាកម្លាំងចុះណែនាំប្រជាពលរដ្ឋ និងបិទកន្លែងម៉ាស្សា ហាងលក់ស្រាក្រឡុក ព្រមទាំងហាងខារ៉ាអូខេ និងអាជីករលក់នានាឱ្យចេះអនាម័យដល់ភ្ញៀវដែលចូលហូបចុកក្នុងហាង ហើយមុននឹងចូលត្រូវពិនិត្យកំដៅ បាញ់ទឹកអាល់កុលជាមុនសិន ទើបឱ្យចូលអង្គុយក្នុងហាង។
ក្នុងនោះផងដែរ លោកចៅសង្កាត់ចោមចៅទី៣ ក៏បានបញ្ជាក់ទៀតថា មិនមែនបិទតែហាងម៉ាស្សាខ្មែរទេ សូម្បីតែហាងម៉ាស្សាចិនក៏ឱ្យបិទជាបណ្តោះអាសន្នសិន ដើម្បីការពារសុវត្ថិភាពទាំងអស់គ្នា ។
ក្រោយពេលណែនាំដល់ប្រជាពលរដ្ឋរួចរាល់ហើយ ក៏ដឹកនាំកម្លាំងត្រឡប់មកកន្លែងមូលដ្ឋានវិញ រួចក៏បានរំសាយកម្លាំងត្រឡប់ទៅគោលដៅរៀងៗខ្លួនផងដែរ ៕
ចែករំលែកព័តមាននេះ