រាជធានីភ្នំពេញ ៖ ករណីវិជ្ជមានពីព្រឹត្តិការណ៍សហគមន៍២៨វិច្ឆិកា គិតត្រឹមព្រឹកថ្ងៃទី ១ ខែធ្នូនេះ គឺរកឃើញសរុប ១៧នាក់ តែអ្វីដែលគួរឲ្យកត់សម្គាល់នោះ គឺការឆ្លងចូលសហគមន៍លើកដំបូងនៅកម្ពុជាលើកនេះកំពុងតែបង្កើនការព្រួយបារម្ភមួយកំរិតបន្ថែមទៀតចំពោះកុមារតូចៗ…
រាជធានីភ្នំពេញ ៖ ករណីវិជ្ជមានពីព្រឹត្តិការណ៍សហគមន៍២៨វិច្ឆិកា គិតត្រឹមព្រឹកថ្ងៃទី ១ ខែធ្នូនេះ គឺរកឃើញសរុប ១៧នាក់ តែអ្វីដែលគួរឲ្យកត់សម្គាល់នោះ គឺការឆ្លងចូលសហគមន៍លើកដំបូងនៅកម្ពុជាលើកនេះកំពុងតែបង្កើនការព្រួយបារម្ភមួយកំរិតបន្ថែមទៀតចំពោះកុមារតូចៗ ។
យោងតាមប្រកាសព័ត៌មានរបស់ក្រសួងសុខាភិបាលដែលបានចេញជាបន្តបន្ទាប់រយៈពេល ៣ ថ្ងៃជាប់ៗគ្នា នៃព្រឹត្តិការណ៍សហគមន៍២៨វិច្ឆិកា គឺបង្ហាញនូវសញ្ញាមិនល្អ ឬសញ្ញាគ្រោះថ្នាក់ខ្ពស់ចំពោះកុមារតូចៗ ព្រោះត្រឹមរយៈពេល ៣ ថ្ងៃសោះ ក្រសួងសុខាភិបាលបានរកឃើញកុមារនិងទារកដល់ទៅ ៣ រូបបានកើតជំងឺកូវីដ ១៩ ពីការឆ្លងចូលសហគមន៍ ក្នុងនោះគឺមានកុមារ៉ា អាយុ ១២ ឆ្នាំ, កុមារ៉ាជនជាតិខ្មែរ អាយុ ៧ ឆ្នាំនិងទារកអាយុត្រឹមតែ ៧ ខែ ។
ការណ៍រកឃើញកុមារនិងទារកឆ្លងពីកូវីដ ១៩ គឺជាសារដ៏សំខាន់មួយដែលទាមទារឲ្យឪពុកម្តាយ និងអាណាព្យាបាលគួរបង្កើនការប្រុងប្រយ័ត្នខ្ពស់ក្នុងការថែរក្សាកុមារតូចៗ និងគួរតែរក្សាពួកគេឲ្យនៅក្នុងផ្ទះនិងថែរក្សាសុខភាពពួកគេដោយយកចិត្តទុកដាក់បំផុត ជាពិសេសបើសិនជាមនុស្សធំមានបញ្ហាសុខភាព ពុំគួរណានៅជិតក្មេងតូចឡើយ ដោយសារតែកុមារគឺងាយឆ្លងជំងឺជាងមនុស្សធំ ។
សូមបញ្ជាក់ថា «ព្រឹត្តិការណ៍សហគមន៍ ២៨ វិច្ឆិកា» បានរកឃើញអ្នកឆ្លងកូវីដ ១៩ សរុប ១៧ នាក់គិតត្រឹមព្រឹកថ្ងៃទី ១ខែធ្នូ ឆ្នាំ២០២០ នៃអ្នកមានកូវីដ ១៩ សរុប ៣២៦ នាក់ទូទាំងប្រទេស ។ ជាមួយគ្នានោះគិតចាប់ពីថ្ងៃទី២៩ ដល់ថ្ងៃទី៣០ ខែវិច្ឆិកា អ្នកពាក់ព័ន្ធ «ព្រឹត្តិការណ៍សហគមន៍២៨វិច្ឆិកា» ចំនួន៤៨៦៩នាក់ បានធ្វើតេស្ត ដែលក្នុងនោះចំនួន ៤៨៥២ នាក់គឺមានលទ្ធផល អវិជ្ជមានកូវីដ១៩ ទាំងអស់៕
ចែករំលែកព័តមាននេះ