នៅក្នុងសុត្តន្តបិដក ឧទ្ទកនិកាយ ភាគ៧៦ មហាឧបាសកឈ្មោះអនាថបិណ្ជិកសេដ្ឋីបន្ទាប់ពីបានស្តាប់ព្រះសម្មាសម្ពុទ្ធសម្តែងព្រះធម៌ទេសនាដ៏ពីរោះ គឺពីរោះទាំងបីដំណាក់កាល ពីរោះបទខាងដើម ពីរោះបទកណ្តាល និងពីរោះបទខាងចុងរួចមក ធ្វើឱ្យគាត់ឆ្អែតចិត្ត ស្ងប់អារម្មណ៍ ហើយបានបន្លឺនូវមធុវាចាយ៉ាងនេះថា៖
ភ្នែករបស់ខ្ញុំមិនធ្លាប់ឆ្អែតដោយការមើលនូវព្រះអង្គ ត្រចៀករបស់ខ្ញុំមិនធ្លាប់ឆ្អែតដោយសុភាសិតរបស់ព្រះអង្គ ចិត្តរបស់ខ្ញុំតែមួយប៉ុណ្ណោះដែលដល់នូវសេចក្តីឆ្អែតដោយរសនៃព្រះធម៌ដ៏ពេញលេញដោយន័យរាប់មិនបាន ប្រមាណមិនត្រូវ ។
ព្រះធម៌របស់ព្រះអង្គរមែងចាក់ធ្លុះដល់បេះដូង ត្រជាក់ដូចទឹកអម្រឹត បុគ្គលណាប្រតិបត្តិតាម បុគ្គលនោះនឹងដល់នូវសេចក្តីសុខ ស្ងប់កាយ ស្ងប់ចិត្តនាំជីវិតស្ថិតក្នុងផ្លូវដ៏ត្រជាក់ត្រជុំ ៕ សាន សារិន
ចែករំលែកព័តមាននេះ