រាជធានីភ្នំពេញ ៖ ក្រសួងសុខាភិបាលបានបញ្ជាក់ នៅថ្ងៃទី១ ខែធ្នូ ឆ្នាំ2020 ឲ្យដឹងថា បានរកឃើញអ្នកឆ្លងជំងឺកូវីដ១៩ ពីព្រឹត្តិការណ៍សហគមន៍ចំនួន៣នាក់បន្ថែមទៀត ខណៈបានព្យាបាលជាសះស្បើយចំនួន៣នាក់ ។
យោងតាមសេចក្តីប្រកាសព័ត៌មានរបស់ក្រសួងសុខាភិបាលចេញផ្សាយនៅថ្ងៃទី១ ធ្នូ ឆ្នាំ២០២០ បានបញ្ជាក់ថា ករណីវិជ្ជមានវីរុសកូវីដ-១៩ ចំនួន ០៣នាក់មាន ៖
១. ស្ត្រីជនជាតិខ្មែរ អាយុ៦៤ឆ្នាំ មានអាសយដ្ឋាននៅស្នាក់នៅសង្កាត់ទួលទំពូង១ ខណ្ឌចំការមន រាជធានី ភ្នំពេញ ត្រូវជាម្តាយអ្នកជំងឺស្ត្រីអាយុ៣៦ឆ្នាំដែលមានស្វាមីជាអនុប្រធាននាយកដ្ឋាន ពន្ធនាគា រនៃក្រសួងមហាផ្ទៃ ។ លទ្ធផលធ្វើការវិភាគវត្ថុសំណាករបស់ស្ត្រីខាងលើ ដែលផ្តល់ដោយវិទ្យា ស្ថានប៉ាស្ទ័រកម្ពុជា រាជធានីភ្នំពេញ គឺវិជ្ជមានវីរុសកូវីដ-១៩ ហើយបច្ចុប្បន្នអ្នកជំងឺត្រូវបាន ដាក់ឲ្យសម្រាក ព្យាបាលនៅមន្ទីរពេទ្យមិត្តភាពខ្មែរ-សូវៀត។
២. ស្ត្រីជនជាតិខ្មែរអាយុ ២៥ឆ្នាំ និងទារកប្រុស (ជនជាតិខ្មែរ) អាយុ ៧ខែ មានអាសយដ្ឋាននៅស្នាក់ សង្កាត់និរោធ ខណ្ឌច្បារ អំពៅ រាជធានីភ្នំពេញ។ លទ្ធផលធ្វើការវិភាគវត្ថុសំណាករបស់បុគ្គលទាំងពីរខាងលើ ដែលផ្តល់ដោយវិទ្យាស្ថានប៉ាស្ទ័រកម្ពុជា រាជធានីភ្នំពេញ គឺវិជ្ជមានវីរុសកូវីដ-១៩ ហើយបច្ចុប្បន្នអ្នកជំងឺត្រូវ បានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ។
ចំណែកអ្នកដែលព្យាបាលជាសះស្បើយ ចំនួន០៣នាក់ គឺ១. បុរសជនជាតិខ្មែរអាយុ ៥១ឆ្នាំ មានអាសយដ្ឋានស្នាក់នៅខណ្ឌទួលគោក រាជធានីភ្នំពេញ ជាមន្ត្រី ផ្នែកប្រតិបត្តិកា ររបស់អង្គការសហប្រជាជាតិប្រចាំបេសកកម្មនៅ ប្រទេសស៊ូដង់ខាងត្បូង (UNMISS) បន្ត ជើង ហោះហើរនៅប្រទេសគុយបា មកបន្តជើងហោះហើរនៅប្រទេសអេត្យូពី (Ethiopia, រួចបា នបន្តជើង ហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី២៨ ខែតុលា ឆ្នាំ២០២០ ត្រូវបានព្យាបាល ។ សះស្បើយ ដោយទទួលបានលទ្ធផលតេស្តអវិជ្ជមានវីរុសកូវីដ-១៩ ចំនួន០២ដង និងត្រូវបាន អនុញ្ញាតឲ្យចេញពីមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ។
២.បុរសជនជាតិហុងគ្រីអាយុ ៦៨ឆ្នាំ ជាឯកអគ្គរដ្ឋទូតហុងគ្រីប្រចាំកម្ពុជា និងវៀត ណាម ក្នុង ព្រឹត្តិការណ៍ ៣វិច្ឆិកា មានអាសយដ្ឋានស្នាក់នៅសណ្ឋាគារមួយក្នុងរាជធានីភ្នំពេញ ត្រូវបានព្យាបាលជា សះស្បើយ ដោយទទួលបានលទ្ធផលតេស្តអវិជ្ជមានវីរុសកូវីដ-១៩ ចំនួន ០២ដង និងត្រូវបាន អនុញ្ញាតឲ្យចេញពីមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ។
៣. បុរសជនជាតិខ្មែរអាយុ ២៧ឆ្នាំ មានអាស័យដ្ឋាននៅស្រុកកំពង់ត្របែក ខេត្តព្រៃវែង បានធ្វើ ដំណើរមកពីប្រទេសជប៉ុន បន្តជើងហោះហើរនៅប្រទេសកូរ៉េខាងត្បូង មកដល់កម្ពុជា នៅថ្ងៃទី ២៦ ខែ តុលា ឆ្នាំ២០២០ ត្រូវបានព្យាបាល ជាសះស្បើយ ដោយ ទទួលបាន លទ្ធផលតេស្តអវិជ្ជមានវីរុសកូវីដ ១៩ ចំនួន ០២ដង នឹងត្រូវបានអនុញ្ញាតឲ្យចេញពីមណ្ឌលសុ ខភាពចាក់អង្រែ រាជធានីភ្នំពេញ។
ជាមួយគ្នានោះដែរក្រសួងក៏បានឲ្យថា លទ្ធផលធ្វើតេស្តអ្នកប៉ះពាល់ក្នុង ព្រឹត្តិការណ៍ស ហគមន៍ ២៨វិច្ឆិកាឆ្នាំ២០២០បានធ្វើតេស្តអ្នកប៉ះពាល់សរុបបានចំនួន ២,៦២១នាក់ (ក្នុងចំ នួននេះមានរាជ ធានីភ្នំពេញ ២,១៣១នាក់) នៅថ្ងៃទី៣០ ខែវិច្ឆិកា ឆ្នាំ២០២០។ ដូច្នេះ ចំនួន សរុបដែលបានធ្វើតេស្តនៅថ្ងៃ ទី២៩-៣០ ខែវិច្ឆិកា ឆ្នាំ២០២០ មានចំនួន ៤,៨៦៩នាក់ ដែល នៅក្នុងចំនួននេះ លទ្ធផលតេស្តបានបង្ហាញ ថាមានអ្នក វិជ្ជមានវីរុសកូវីដ-១៩ ថ្មី សរុបចំនួន ១៧នាក់ ក្នុងចំនួននេះ មានទាំងករណ៏វិជ្ជមានវីរុសកូវីដ ១៩ ថ្មី ចំនួន ០៣នាក់ខាងលើនេះដែរ) ដែលពាក់ព័ន្ធនឹង “ព្រឹត្តិការណ៍សហគមន៍ ២៨វិច្ឆិកា” ។ រីឯ ចំនួន នៅសល់ ៤.៨៥២នាក់ គឺមានលទ្ធផល អវិជ្ជមានវីរុសកូវីដ-១៩ ទាំងអស់។
ជាមួយគ្នានោះដែរក្រសួងក៏បានលើកឡើងថា ស្ថានភាពជំងឺកូវីដ-១៩ នៅទូទាំងប្រទេស គិតត្រឹមម៉ោង ០៧:០០ព្រឹកថ្ងៃទី០១ ខែធ្នូ ឆ្នាំ២០២០ ស្ថានភាពជំងឺកូវីដ-១៩ នៅកម្ពុជាមានចំនួនអ្នកព្យាបាលជាសះស្បើយសរុបទូទាំងប្រទេស មានចំនួន ៣០៤នាក់ (ស្មើនឹង ៩៣.២៥ % ធៀប នឹងចំនួនអ្នកមានវីរុស កូវីដ-១៩ទាំងអស់) នៅក្នុងចំនួននេះមានស្រី ៦១នាក់ និងបុរស ២៤៣នាក់។ អ្នកមានវីរុសកូវីដ-១៩ មានចំនួនសរុប ៣២៦នាក់ (ស្ត្រី ៧៣នាក់ និងបុរស ២៥៣នាក់) ។
អ្នកសម្រាកព្យាបាល នៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ចំនួន ២០នាក់ (ស្រី ១០នាក់ និងបុរស ១០នាក់)។ អ្នកសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ ចំនួន ២នាក់ ស្ត្រី ០២នាក់ ៕
ចែករំលែកព័តមាននេះ