ក្អក គឺជារបៀបដែលរាងកាយរបស់កូនអ្នកឆ្លើយតបទៅនឹងអ្វីមួយដែលរំខានដល់បំ ពង់ក ឬផ្លូវដង្ហើម ។ វាមានរឿងជាច្រើនអាចបណ្តាលឱ្យក្អក ។ កូនរបស់អ្នកអាចក្អកដោយសារជំងឺផ្តាសាយ រលាកទងសួត ឬហឺតជាដើម…
ក្អក គឺជារបៀបដែលរាងកាយរបស់កូនអ្នកឆ្លើយតបទៅនឹងអ្វីមួយដែលរំខានដល់បំ ពង់ក ឬផ្លូវដង្ហើម ។ វាមានរឿងជាច្រើនអាចបណ្តាលឱ្យក្អក ។ កូនរបស់អ្នកអាចក្អកដោយសារជំងឺផ្តាសាយ រលាកទងសួត ឬហឺតជាដើម ។ ផ្សែងបារី ជំងឺអាឡែកស៊ីច្រមុះ និងអាស៊ីដក្រពះដែលច្រាលចូលបំពង់ក ក៏អាចបណ្តាលឱ្យក្អកផងដែរ ។
ការក្អក គឺជារោគសញ្ញា និងមិនមែនជាជំងឺទេ ។ ការក្អកភាគច្រើនឈប់នៅពេលដែលមូលហេតុដូចជាផ្តាសាយបាត់ទៅ ។ អ្នកអាចអនុវត្ត ២-៣ ជំហាននៅផ្ទះ ដើម្បីជួយឱ្យកូនអ្នកក្អកតិច និងមានអារម្មណ៍ធូរស្បើយ ។ តាមការចុះផ្សាយរបស់គេហទំព័រអាមេរិក My Health Alberta ដែលត្រូវបានពិនិត្យដោយវេជ្ជបណ្ឌិតឯកទេសវេជ្ជសាស្ត្រគ្រួសារ Adam Husney និង វេជ្ជបណ្ឌិតឯកទេសកុមារ John Pope ដូចខាងក្រោម ៖
-ឱ្យកូនផឹកទឹកឱ្យបានច្រើន ។ នេះអាចជួយធ្វើឱ្យបំពង់កដែលកំពុងរមាស់ និងស្ងួត បានធូរស្បើយ ។ ទឹកឃ្មុំ ឬទឹកក្រូចឆ្មា ដាក់ក្នុងទឹកក្តៅអាចជួយឱ្យដល់ការក្អកស្ងួត ។ កុំអោយទឹកឃ្មុំដល់ក្មេងអាយុក្រោម ១ឆ្នាំ ព្រោះវាអាចមានផ្ទុកបាក់តេរីដែលបង្កគ្រោះថ្នាក់ដល់ទារក ។ ទឹកដែលឱ្យដល់កូនរបស់អ្នកគួរតែជាទឹកពិសាគុណភាពខ្ពស់ ដែលជាទឹកបរិសុទ្ធស្អាតល្អ ។
-ប្រយ័ត្នជាមួយក្អក និងថ្នាំផ្តាសាយ ។ កុំផ្តល់ឱ្យកូនដែលមានអាយុតិចជាង ៦ឆ្នាំ ព្រោះថ្នាំទាំងនេះមិនជួយដល់កូនក្មេងជាង ៦ខែទេ ហើយអាចបង្កជាគ្រោះថ្នាក់ថែមទៀតផង ។ សម្រាប់ក្មេងអាយុ ៦ឆ្នាំឡើងទៅ តែងតែធ្វើតាមការណែនាំទាំងអស់របស់ថ្នាំដោយយកចិត្តទុកដាក់ ។ ត្រូវប្រាកដថា អ្នកដឹងថា តើត្រូវផ្តល់ថ្នាំចំនួនប៉ុន្មាន និងរយៈពេលប៉ុន្មាន ដែលត្រូវប្រើ ។
-ទុកឱ្យកូនអ្នកនៅឆ្ងាយពីផ្សែង ។ កុំជក់បារី ឬកុំអោយអ្នកណាម្នាក់ជក់បារីជុំវិញកូនអ្នក ឬនៅក្នុងផ្ទះរបស់អ្នក ។
ត្រូវយកកូនរបស់អ្នកទៅពេទ្យភ្លាមៗ ប្រសិនបើកូនអ្នកពិបាកដកដង្ហើម ដែលស្តែងជាប្រើសាច់ដុំពោះដើម្បីដកដង្ហើម (ផតត្រង់ឆ្អឹងជំនីពេលដកដង្ហើមចូល និងចេញ) និងច្រមុះរីកពេលប្រឹងដកដង្ហើម ជាដើម ។ ស្បែក និងក្រចកដៃរបស់កូនអ្នកមានពណ៌ប្រផេះ ឬខៀវ ។ កូនរបស់អ្នកក្អកចេញឈាមក្រហម ឬមានសភាពពណ៌ដូចកាហ្វេ ៕ ប្រភព ៖ myhealth
ចែករំលែកព័តមាននេះ