រាជធានីភ្នំពេញ ៖ បុរសម្នាក់សង្ស័យស្រវឹងខ្លាំងបានបើករថយន្តបុករះចូលផ្ទះប្រជាពលរដ្ឋបណ្តាលឱ្យរងការខូចខាតសំភារៈនិងម៉ូតូ២គ្រឿង បង្កអោយមានការភ្ញាក់ផ្អើលកាលពីវេលាម៉ោង១០នឹង១៥នាទីយប់ថ្ងៃទី២៩ ខែវិច្ឆិកា ឆ្នាំ២០២០ តាមបណ្ដោយផ្លូវ២០១១ ជិតផ្លូវរថភ្លើងភូមិតាងួនទី១ សង្កាត់កាកាបទី១ ខណ្ឌពោធិ៍សែនជ័យ…
រាជធានីភ្នំពេញ ៖ បុរសម្នាក់សង្ស័យស្រវឹងខ្លាំងបានបើករថយន្តបុករះចូលផ្ទះប្រជាពលរដ្ឋបណ្តាលឱ្យរងការខូចខាតសំភារៈនិងម៉ូតូ២គ្រឿង បង្កអោយមានការភ្ញាក់ផ្អើលកាលពីវេលាម៉ោង១០នឹង១៥នាទីយប់ថ្ងៃទី២៩ ខែវិច្ឆិកា ឆ្នាំ២០២០ តាមបណ្ដោយផ្លូវ២០១១ ជិតផ្លូវរថភ្លើងភូមិតាងួនទី១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ផ្ទះដែលរងគ្រោះខាងលើមានម្ចាស់ឈ្មោះ គឹម ហូ អ៊ុតសក់ រងការខូចខាតដាច់ទ្វារចំនួន៤ផ្ទាំង ព្រមទាំងរបស់របរមួយចំនួន និងម៉ូតូមួយគ្រឿង ក្នុងនោះម៉ូតូមួយគ្រឿងម៉ាក CPX ពណ៍សលាយក្រហម ពាក់ស្លាកលេខ ភ្នំពេញ 1IH-2319 កំពុងតែចតឈប់នៅមុខផ្ទះរងការខូចខាតយ៉ាងធ្ងន់ធ្ងរ និងម៉ូតូ១គ្រឿងទៀតម៉ាកគុប ចតនៅក្នុងផ្ទះរងការខូចខាតបន្តិចបន្តួច។ ។ ចំណែករថយន្តបង្កម៉ាកកាមរីបាឡែន ពណ៌ស ពាក់ស្លាកលេខ ភ្នំពេញ 2BH-4575 អ្នកបើកបរមិនស្គាល់អត្តសញ្ញាណ ។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុ គេឃើញរថយន្តបង្កបើកបរក្នុងទិសដៅពីលិចទៅកើតតាមផ្លូវលំអមផ្លូវរថភ្លើងក្នុងល្បឿនយ៉ាងលឿនក្នុងទិសដៅពីលិចទៅកើតក្នុងស្ថានភាពស្រវឹងហើយបានជ្រុលចង្កូតទៅបុករះចូលផ្ទះប្រជាពលរដ្ឋមួយកន្លែងខាងលើ ព្រមទាំងបុកម៉ូតូចំនួន២គ្រឿងទៀតដែលចតនៅលើចិញ្ចើមផ្លូវមុខផ្ទះ បណ្ដាលឲ្យរងការខូចខាតជាសំភារៈច្រើន ក្នុងនោះមានដូចជាទ្វារចំនួន៤ផ្ទាំង និងម៉ូតូម៉ាកគុបមួយគ្រឿង ម៉ាកCPX ពណ៌សលាយក្រហមមួយគ្រឿងទៀតរងការខូចខាតយ៉ាងធ្ងន់ដោយខ្ទេចមួយកំណាត់មុខ ។
តាមប្រភពខាងលើបានបន្តថា ភ្លាមៗនោះប្រជាពលរដ្ឋបានឃាត់ខ្លួនអ្នកបើកបររថយន្តបង្កមិនអោយទៅណា ហើយបានទាក់ទងប្ដឹងសមត្ថកិច្ចនគរបាលប៉ុស្តិ៍កាកាបទី១ ។ បន្ទាប់មកកំលាំងសមត្ថកិច្ចប៉ុស្តិ៍បានចុះទៅដល់ ហើយបានធ្វើចរាចរណ៍កុំអោយមានកាកកស្ទះចរាចរណ៍ ។
បន្ទាប់មកមានតំណាងភាគីខាងរថយន្តបង្កចេញមុខមកសំរបសំរួលគ្នា។ ចំណែកតំណាងរថយន្តបង្កដែលត្រូវជាប្រពន្ធបានបញ្ជាក់ប្រាប់ថា គាត់មិនមានលុយសងថ្លៃខូចខាតឡើយ ដោយខូចខាតសំភារៈច្រើនពេក ទាល់តែលក់រថយន្តសងទើបគ្រប់។
ក្រោយពេលកើតហេតុ ភាគីតំណាងខាងម្ចាស់រថយន្តបង្កសុំសំរបសំរួលគ្នាដោយជួយចេញថ្លៃជួសជុលសំភារៈ ព្រមទាំងម៉ូតូពីរគ្រឿងបញ្ចប់នៅកន្លែងកើតហេតុភ្លាមៗផងដែរដោយរង់ចាំលក់រថយន្តសងថ្លៃខូចខាត ៕ (កែសម្រួលដោយ ៖ ធីតា)
ចែករំលែកព័តមាននេះ