នារសៀលថ្ងៃសីលមួយ មហាឧបាសិកាគឺនាងវិសាខាបានពោលពាក្យសរសើរនូវព្រះធម៌ទេសនារបស់ព្រះសម្មាសម្ពុទ្ធយ៉ាងនេះថាៈ បពិត្រព្រះអង្គដ៏ចម្រើន ព្រះធម៌ដែលព្រះអង្គទ្រង់សម្តែងហើយនេះ ខ្ញុំព្រះករុណាបានយល់ច្បាស់ហើយ ច្បាស់ពេកណាស់ បពិត្រព្រះអង្គដ៏ចម្រើន ដូចបុគ្គលផ្ងារនូវរបស់ដែលផ្កាប់ ឬបើកនូវរបស់ដែលកំបាំងឱ្យឃើញច្បាស់ក្រឡែត ។…
នារសៀលថ្ងៃសីលមួយ មហាឧបាសិកាគឺនាងវិសាខាបានពោលពាក្យសរសើរនូវព្រះធម៌ទេសនារបស់ព្រះសម្មាសម្ពុទ្ធយ៉ាងនេះថាៈ
បពិត្រព្រះអង្គដ៏ចម្រើន ព្រះធម៌ដែលព្រះអង្គទ្រង់សម្តែងហើយនេះ ខ្ញុំព្រះករុណាបានយល់ច្បាស់ហើយ ច្បាស់ពេកណាស់ បពិត្រព្រះអង្គដ៏ចម្រើន ដូចបុគ្គលផ្ងារនូវរបស់ដែលផ្កាប់ ឬបើកនូវរបស់ដែលកំបាំងឱ្យឃើញច្បាស់ក្រឡែត ។
ពុំនោះសោត ដូចបុគ្គលប្រាប់ផ្លូវដល់មនុស្សអ្នកវង្វេងទិស ឬទ្រោលនូវប្រទីប បំភ្លឺក្នុងទីងងឹត ដោយគិតថា មនុស្សអ្នកមានភ្នែករមែងមើលឃើញនូវអ្វីៗសព្វបែបយ៉ាង ។
យ៉ាងណាមិញ ធម៌ដែលព្រះមានព្រះភាគទ្រង់ត្រាស់សម្តែងហើយ ដោយអនេកបរិយាយរមែងធ្វើឱ្យសត្វលោកយល់ច្បាស់ពីបាប បុណ្យ គុណ ទោស ជាផ្លូវប្រតិបត្តិនាំជីវិតទៅរកទីរំលត់ទុក្ខ បានសុខក្នុងលោកនេះនិងបរលោក ។ សាន សារិន
ចែករំលែកព័តមាននេះ