ខេត្តកំពង់ឆ្នាំង ៖ ក្នុងឱកាសចុះសាកសួរសុខទុក្ខនិងនាំអំណោយចែកជូនប្រជាពលរដ្ឋ ដែលរងការប៉ះពាល់ដោយសារជំងឺកូវីដ១៩ សរុបចំនួន៥០គ្រួសារនៅវត្តថ្មី ក្នុងឃុំតាចេស ស្រុកកំពង់ត្រឡាច កាលពីព្រឹកថ្ងៃទី២៩ ខែវិច្ឆិកា ឆ្នាំ២០២០…
ខេត្តកំពង់ឆ្នាំង ៖ ក្នុងឱកាសចុះសាកសួរសុខទុក្ខនិងនាំអំណោយចែកជូនប្រជាពលរដ្ឋ ដែលរងការប៉ះពាល់ដោយសារជំងឺកូវីដ១៩ សរុបចំនួន៥០គ្រួសារនៅវត្តថ្មី ក្នុងឃុំតាចេស ស្រុកកំពង់ត្រឡាច កាលពីព្រឹកថ្ងៃទី២៩ ខែវិច្ឆិកា ឆ្នាំ២០២០ លោកជំទាវ កែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង បានក្រើនរំឮក ដល់បងប្អូនប្រជាពលរដ្ឋ សូមយកចិត្តទុកដាក់ប្រុងប្រយ័ត្នឲ្យបានខ្ពស់ការពារជំងឺកូវីដ19 ព្រោះថ្មីៗនេះជំងឺកូវីដ19 បានផ្ទុះឡើងជាថ្មីទៀត ដែលមានវិជ្ជមានរហូតទៅដល់៦នាក់។
លោកជំទាវបានបញ្ជាក់ដែរថា នេះមិនមែនធម្មតាទេ ដែលជំងឺកូវីដបាទផ្ទុះឡើងជាថ្មី បន្ទាប់ពីព្រឹត្តិការណ៍ថ្ងៃទី៣ វិច្ឆិកា ឆ្នាំ២០២០កន្លងទៅនេះ ។ ហេតុនេះហើយសូមបងប្អូនត្រូវរក្សាអនាម័យ ត្រូវលាងដៃនិងសាប៊ូ អាកុលឬជែល និងត្រូវរក្សាគម្លាតឆ្ងាយពីគ្នា ហើយបើគ្មានការចាំបាច់ទេសូមទៅកុំទៅទីប្រជុំជន ដែលមានមនុស្សច្រើន។
ក្នុងឱកាសនោះដែរ លោកជំទាវ តុង ណារី សមាជិកក្រុមប្រឹក្សាខេត្ត និងជាប្រធានប្រតិបត្តិសម្ព័ន្ធយុវជនស្រលាញ់សន្តិភាព ខេត្តកំពង់ឆ្នាំង បានមានប្រសាសន៍សូមពាំនាំនូវបណ្ដាំផ្ដាំផ្ញើ សាកសួរសុខទុក្ខពីសម្ដេចអគ្គសេនាមហាបតីតេជោហ៊ុន សែន និងសម្ដេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ដែលសម្ដេចទាំងទ្វេតែងតែយកចិត្តទុកដាក់ពីសុខទុក្ខ បងប្អូនប្រជាពលរដ្ឋនៅជនបទ ក្នុងដំណាក់កាលកូវីត19 នេះ ។
លោកជំទាវបានបន្តថា ផ្ដើមចេញពីការយកចិត្តទុកដាក់សុខទុក្ខ របស់ សម្ដេចទាំងពីរ បែបនេះហើយ ទើបថ្ងៃនេះ តាមរយៈមន្ទីរសង្គមកិច្ចខេត្តកំពង់ឆ្នាំងបាននាំយកអំណោយមកចែកជូនជនចាស់ជរា កុមារកំព្រា ដែលរងការប៉ះពាល់ដោយជំងឺកូវីដ19 ចំនួន 50 គ្រួសារ ដែលរស់នៅក្នុងឃុំតាចេសស្រុកកំពង់ត្រឡាចនាពេលនេះ ។
ជាចុងក្រោយលោកជំទាវក៏បានផ្ដាំផ្ញើដល់បងប្អូនប្រជាពលរដ្ឋសូមទៅពិនិត្យបញ្ជីឈ្មោះ បោះឆ្នោតឲ្យបានគ្រប់គ្នា ។
យោងតាមរបាយការណ៍របស់លោក ថោង ចំរើន ប្រធានមន្ទីរសង្គមកិច្ច អតីតយុទ្ធជនយុវនីតិសម្បទា ខេត្តកំពង់ឆ្នាំង ឲ្យដឹងថា ប្រជាពលរដ្ឋដែលរងគ្រោះដោយសារ covid-19 ចំនួន50គ្រួសារ ក្នុងមួយគ្រួសារៗទទួលបានអង្ករ 20 គីឡូក្រាមទឹកស៊ីអ៊ីវ 1 យួរទឹកត្រី 1 យួរ ត្រីខ កំប៉ុង១យូរ មុង 1 ភួយ 1 សារុង 1 និងថវិកាមួយចំនួនផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ