ក្រសួងអប់រំសម្រេចបញ្ចប់ឆ្នាំសិក្សា២០១៩-២០២០
- ភ្នំពេញ
រាជធានីភ្នំពេញ ៖ ក្រសួងអប់រំ យុវជន និងកីឡាបានសម្រេចបញ្ចប់ការសិក្សា ឆ្នាំ២០១៩-២០២០ នៅថ្ងៃទី៣០ វិច្ឆិកា ឆ្នាំ២០២០ហើយ ។…
រាជធានីភ្នំពេញ ៖ ក្រសួងអប់រំ យុវជន និងកីឡាបានសម្រេចបញ្ចប់ការសិក្សា ឆ្នាំ២០១៩-២០២០ នៅថ្ងៃទី៣០ វិច្ឆិកា ឆ្នាំ២០២០ហើយ ។
យោងតាមសេចក្តីណែនាំរបស់ក្រសួងអប់រំ យុវជន និងកីឡា នៅយប់ថ្ងៃទី២៩ ខែវិច្ឆិកា ឆ្នាំ២០២០ ស្តីពីការបញ្ចប់ឆ្នាំសិក្សា២០១៩-២០២០ សម្រាប់គ្រឹះស្ថានសិក្សាសាធារណៈ (សាលារដ្ឋ) នៅថ្ងៃទី៣០ ខែវិច្ឆិកា ឆ្នាំ២០២០ ។
សេចក្តីណែនាំរបស់ក្រសួងអប់រំបានបញ្ជាក់ថា ដើម្បីចៀសវាងការឆ្លងជំងឺកូវីដ១៩ ចូលសាលារៀន និងរីករាលដាលក្នុងសហគមន៍ ក្រសួងអប់រំ សូមណែនាំដល់ប្រធានអប់រំរាជធានីខេត្ត និងគណៈគ្រប់គ្រងគ្រឹះស្ថានសាធារណៈទាំងអស់ដូចជាខាងក្រោម ៖
១- បញ្ចប់ឆ្នាំសិក្សា២០១៩-២០២០ នៅថ្ងៃទី៣០ ខែវិច្ឆិកា ឆ្នាំ២០២០ សម្រាប់គ្រឹះស្ថានសិក្សាសាធារណៈ បន្ទាប់ពីបានវាយតម្លៃជាបឋមរួចមក និងបើកបវេសនកាលឆ្នាំសិក្សា ២០២០-២០២១ នៅថ្ងៃទី១១ ខែមករា ឆ្នាំ២០២១។
២- បន្តការប្រឡងសញ្ញាបត្រមធ្យមសិក្សាបឋមភូមិ ឆ្នាំសិក្សា២០១៩-២០២០ នាថ្ងៃទី៣០ ខែវិច្ឆិកា ឆ្នាំ២០២០ ដែលនឹងប្រព្រឹត្តទៅនៅតាមគ្រឹះស្ថានមធ្យមសិក្សារៀងៗខ្លួន និងអនុវត្តតាមវិធានការសុវត្ថិភាព និងការណែនាំរបស់ក្រសួងសុខាភិបាល។
៣- សិស្សថ្នាក់ទី១២ នៅបន្តរៀនសូត្រ ដើម្បីត្រៀមប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២១ ខែធ្ន ឆ្នាំ២០២០៕
ចែករំលែកព័តមាននេះ