ខេត្តព្រះវិហារ ៖ គ្រោះថ្នាក់ចរាចរណ៍រវាងរថយន្តបុកជាមួយម៉ូតូមួយគ្រឿងក្នុងទិសដៅបញ្ច្រាសគ្នា បណ្តាលឱ្យបាត់បង់ជីវិតទាំង២នាក់ប្តីប្រពន្វភ្លាមៗនៅនឹងកន្លែងកើតហេតុ ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ៦និ៣០នាទីយប់ថ្ងៃទី២៧ ខែវិច្ឆិកា ឆ្នាំ២០២០ តាមបណ្តោយផ្លូវជាតិលេខ៦៤ (ពីស្រុកគូលេនឆ្ពោះទៅកាន់ខេត្តសៀមរាប) ត្រង់ចំនុចអូរស្រឡៅប្រហោង ស្ថិតក្នុងភូមិស្រយ៉ងជើង ឃុំស្រយ៉ង់ ស្រុកគូលែន ខេត្តព្រះវិហារ។
បើតាមសមត្ថកិច្ចនៅកន្លែងកើតហេតុបានអោយដឹងថា រថយន្តបង្កម៉ាកISUZU ពណ៌ក្រហម ពាក់ស្លាកលេខ ភ្នំពេញ ២AS-៨៧៦២ បើកបរក្នុងទិសដៅពីជើងទៅត្បូងក្នុងល្បឿនលឿន លុះមកដល់ចំនុចកើតហេតុក៏បានរេចង្កួតជ្រុលទៅបុកជាមួយនឹងម៉ូតូ១គ្រឿងម៉ាកហុងដា ធុនC125 ពណ៏ខ្មៅ ស៊េរីឆ្នាំ២០០៥ ពាក់ស្លាកលេខ បាត់ដំបង ១A-២៨៨៧ ដែលបើកបរដោយបុរសជាប្តីកំពុងឌុបប្រពន្វ ធ្វើដំណើរក្នុងទិសដៅបញ្ច្រាសគ្នាយ៉ាងពេញទំហឹង បណ្តាលអោយជនរងគ្រោះទាំង២នាក់ប្តីប្រពន្ធបាត់បង់ជីវិតភ្លាមៗនៅនឹងកន្លែងកើតហេតុតែម្តង ។
តាមការបញ្ជាក់ពីលោកវរសេនីយ៍ឯក ឡាញ លីស៊ីឡេង អធិកានគរបាលស្រុកគូលេនបានអោយដឹងថា ជនរងគ្រោះទាំង២នាក់ប្តីប្រពន្ធដែលបាត់បង់ជីវិតខាងលើ ក្នុងនោះបុរសជាប្តីឈ្មោះ ម៉ៅ ស្រស់ អាយុ៣៥ឆ្នាំ ជាអ្នកបើកបរម៉ូតូ និងស្ត្រីជាប្រពន្ធឈ្មោះ សុខ អាយុ៣៣ឆ្នាំ ។ ជនរងគ្រោះទាំង២នាក់រស់នៅភូមិបឹងមាលា ឃុំបឹងមាលា ស្រុកស្វាយលើ ខេត្តសៀមរាប ។
ក្រោយកើតហេតុ សមត្ថកិច្ចអធិការដ្ឋានស្រុកគូលែនបានសហការជាមួយនឹងសមត្ថកិច្ចនគរបាលបុស្តិ៍រដ្ឋបាលឃុំស្រយ៉ង់ បានចុះទៅដល់កន្លែងកើតហេតុ នឹងឃាត់ខ្លួនអ្នកបើកបររថយន្តបង្កបានភ្លាមៗផងដែរ។
គួរបញ្ជាក់ផងដែរថា ម្ចាស់រថយន្តបង្កខាងលើមានឈ្មោះមៀវ គន្ធា ភេទស្រី អាយុ៣៥ឆ្នាំមានមុខរបជាបុគ្គលិកក្រុមហ៊ុនបំពងទីបជ័រប ច្ចុប្បន្នស្នាក់នៅភូមិស្រយងជើង ឃុំស្រយង ស្រុកគូលេន ខេត្តព្រះវិហារ ។
បច្ចុប្បន្ន ជនបង្កនឹងវត្ថុតាងត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកជាំក្សាន្ត ដើម្បីកសាងសំណុំរឿងចាត់ការតាមច្បាប់ ៕ (កែសម្រួលដោយ ៖ ធីតា)
ចែករំលែកព័តមាននេះ