រាជធានីភ្នំពេញ ៖ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញ កាលពីវេលាម៉ោង៨និង២០នាទីយប់ថ្ងៃទី២៥ ខែវិច្ឆិកា ឆ្នាំ ២០២០ បានធ្វើការស្រាវជ្រាវ នឹងឃាត់ខ្លួនជនជាតិបរទេសចំនួន៣នាក់នៅចំណុចសណ្ឋាគារ NII SAIAI ស្ថិតលើផ្លូវលេខ៥១៦ សង្កាត់បឹងកក់១ ខណ្ឌទួលគោក រាជធានីភ្នំពេញ ដែលពួកគេពាក់ព័ន្ធប្រព្រឹត្តបទល្មើសអំពើលួចទូរសព្ទ័ដៃ១គ្រឿង និងនាឡិកាដៃ១គ្រឿង ប្រព្រឹត្តនៅមុខសណ្ឋាគារហ៊ីម៉ាវ៉ារី តាមបណ្តោយមហាវិថីព្រះស៊ីសុវត្ថិ សង្កាត់ចតុមុខ ខណ្ឌ ដូនពេញ រាជធានីភ្នំពេញ ។ ជនសង្ស័យទាំង៣នាក់មាន ៖
១-ឈ្មោះ DANIEL ZACCANTI ភេទប្រុស អាយុ៤២ឆ្នាំ ជនជាតិអាហ្សង់ទីន មុខរបរមិនពិតប្រាកដ ស្នាក់នៅសណ្ឋាគារNII SAIAI ផ្លូវលេខ៥១៦ សង្កាត់បឹងកក់១ ខណ្ឌទួលគោក រាជធានីភ្នំពេញ ។
២-ឈ្មោះ STUART BREAKELL ភេទប្រុស អាយុ៤២ ឆ្នាំ ជន ជាតិ អង់គ្លេស មុខរបរ មិនពិតប្រាកដ ស្នាក់នៅសណ្ឋាគារNII SAIAI ផ្លូវលេខ៥១៦ សង្កាត់បឹងកក់១ ខណ្ឌទួលគោក រាជធានីភ្នំពេញ ។
៣-ឈ្មោះ JAMIE LOUISEz RHODES ភេទស្រី អាយុ ៣៣ ឆ្នាំ ជនជាតិ អង់គ្លេស មុខរបរ គ្រូបង្រៀន ស្នាក់នៅសណ្ឋាគារNII SAIAI ផ្លូវលេខ៥១៦ សង្កាត់បឹងកក់១ ខណ្ឌទួលគោក រាជធានីភ្នំពេញ ។ ក្នុងពេលឃាត់ខ្លួនសមត្តកិច្ចបានធ្វើការដកហូត ៖ រថយន្តមួយគ្រឿងម៉ាកតូយ៉ូតាឡិចស៊ីស អែអ៊ិច៣០០ ពណ៌ស្ករ ពាក់ស្លាកលេខ ភ្នំពេញ ២O-៦៥៣៧ មួយគ្រឿង, ប្រអប់ដាក់កញ្ឆា ក្រាមសថ្លា(Epsom Salt) កន្លះកញ្ចប់តូច, ទូរស័ព្ទដៃពណ៌ស្វាយ១គ្រឿង, ទូរសព្ទ័ដៃ ពណ៌ក្រហម១ គ្រឿង, កាបូបដៃពណ៌ផ្កាឈូក១, ប្រាក់ដុល្លារចំនួន១០ ដុល្លារអាមេរិក, ប្រាក់រៀលចំនួន១៣.០០០រៀល, កាបូបដៃពណ៌ខ្មៅ១ មានប្រាក់ចំនួន ១០.០០០រៀល, កាបូបស្ពាយពណ៌ខ្មៅ ១ មានកុំព្យូទ័រលេបថប់ចំនួន២ គ្រឿង ក្នុងនោះតូច ១គ្រឿង និង១គ្រឿងទៀតពណ៌ទឹកប្រាក់។
ដុំសាកថ្មទូរសព្ទ័១គ្រឿង, កាស់សម្រាប់ស្តាប់សម្លេង ពណ៌ស ១ និង Heat Dese កុំព្យូទ័រ ពណ៌ខ្មៅ ១, ខ្សែសាកថ្ម ៣, ម៉ូនីទ័រកុំព្យូទ័រ ពណ៌ខ្មៅ ១ គ្រឿង, ម៉ាស៊ីនព្រីនធឺ ពណ៌ខ្មៅ ១ គ្រឿង, ម្សៅក្រាម ពណ៌សថ្លា មួយកញ្ចប់តូច និងបំពង់កែវតូច ចំនួន ១៥០ បំពង់, ទុយោជ័រ៣ដើម, បំពង់កែវសម្រាប់ប្រើប្រាស់គ្រឿងញៀន៣, ដែកកេះអត់ក្បាល ១, .សម្ភាៈប្រើប្រាស់ផ្ទាល់ខ្លួន ច្រកក្នុងថង់ពណ៌ខ្មៅចងមាត់៣ថង់ធំ, .កាបូបស្ពាយពណ៌ដីលាយខ្មៅ ច្រកសម្ភារៈប្រើប្រាស់ផ្ទាល់ខ្លួន ១, កាបូបស្ពាយចំហៀង(ស្រី) ពណ៌ខ្មៅ ដាក់សម្ភារៈប្រើប្រាស់ផ្ទាល់ខ្លួន ១ ។
ចំណែកជនរងគ្រោះមានឈ្មោះ នួន ភីរម្យ ភេទ ប្រុស អាយុ៤១ ឆ្នាំ ជាជនជាតិខ្មែរ មានទីលំនៅផ្ទះលេខ១០អា ផ្លូវលេខ២១៥ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេ ញ មុខរបរ លក់ទូរសព្ទ័ដៃ ត្រូវបានបាត់បង់សម្ភារៈ ៖ ទូរសព្ទ័ដៃពណ៌ក្រហម ១គ្រឿង និង នាឡិកាដៃ មួយគ្រឿង ។
ទាក់ទិននឹងការឃាត់ខ្លួនជនបរទេសប្រុសស្រីទាំង៣នាក់ខាងលើនេះ ជាប់ចោទក្នុងអំពើចោរកម្មនេះ លោកវរៈសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញបានបញ្ជាក់ថា កាលពីថ្ងៃទី២៤ ខែ វិច្ឆិកា ឆ្នាំ២០២០ វេលាម៉ោង៧និង៤០នាទីយប់ មានករណីអំពើចោរកម្ម លួចទ្រព្យសម្បត្តិប្រជាពលរដ្ឋ ប្រព្រឹត្តនៅចំ ណុចមុខសណ្ឋាគារហ៊ីម៉ាវ៉ារី ផ្លូវព្រះស៊ីសុវត្ថិ ភូមិ១ សង្កាត់ចតុមុ ខ ខណ្ឌដូនពេញ រាជធានីភ្នំពេញ បង្កឡើងដោយជនសង្ស័យចំនួន២ នាក់ មធ្យោបាយជិះរថយន្ត១ គ្រឿង ។
ករណីនេះដំបូងឡើយ ជនសង្ស័យឈ្មោះ STUART BREAKELL បើករថយន្តម៉ាកឡិចស៊ីស អែអ៊ិច៣០០ ពណ៌ស្ករ ពាក់ស្លាកលេខ ភ្នំពេញ ២Q ៦៥៣៧ ដឹកឈ្មោះ DANIEL ZACCANTI ធ្វើដំណើរមកហាងលក់ទូរសព្ទ័ដៃរបស់ជនរងគ្រោះ ដើម្បីរកទិញទូរសព្ទ័ដៃ ។ បន្ទាប់មកជនសង្ស័យបានសុំពីមើលទូរសព្ទ័ដៃដែលដាក់តាំងលក់ក្នុងហាង រួចជនគេក៏បានសុំលេខទូរសព្ទ័អ្នកលក់ ហើយក៏ឡើងជិះរថយន្តត្រឡប់ទៅវិញបាត់ទៅ ។ បន្ទាប់មកទៀតជនសង្ស័យបានផ្ញើសារ តាមតេឡេក្រាមមកទូរស័ព្ទដៃរបស់ជនរងគ្រោះជាភាសាអង់គ្លេស ដោយប្រាប់ឲ្យជនរងគ្រោះយកទូរស័ ព្ទដៃម៉ាកអាយហ្វូន១១ ពណ៌ក្រហម ១គ្រឿង និងនាឡិកាដៃម៉ាកហូវៃGT2 ១គ្រឿងទៅឲ្យពួកគេនៅចំណុចកើតហេតុខាងលើ ។
ពេលនោះជនរងគ្រោះទុកចិត្តថាជាជនបរទេស ក៏បានយកទូរសព្ទ័ដៃ នឹងនាឡិកាទៅឲ្យជនសង្ស័យតាមការកម្មង់ នៅចំណុចកើតហេតុខាងលើ លុះពេលទៅដល់ជនរងគ្រោះក៏បានជួបជន សង្ស័យឈ្មោះ DANIEL ZACCANTI នៅមុខសណ្ឋាគារ ដែលពេលនោះជនសង្ស័យឈ្មោះ DANIEL ZACCANTI បានប្រាប់ជនរងគ្រោះថា សុំយកទូរសព្ទ័ នឹងនាឡិកាដៃទៅឲ្យមិត្តស្រីរបស់គេមើលនៅក្នុងសណ្ឋាគារសិន ហើយជនរងគ្រោះក៏បានប្រគល់ថង់ដាក់ទូរសព្ទ័ដៃ នឹងនាឡិកាឲ្យទៅជនសង្ស័យ ហើយជនសង្ស័ យបានកាន់ថង់នោះដើរចូលទៅក្នុងសណ្ឋាគារ ។
ប៉ុន្តែទំនងដោ យមានការមិនទុកចិត្ត ជនរងគ្រោះក៏ដើរទៅតាមក្រោយ តែជនសង្ស័យបានដើរយ៉ាងលឿន សំដៅឡើងជិះរថយន្តដែលមានឈ្មោះ STUART BREAKELL នៅបញ្ឆេះរង់ចាំជាស្រេចនៅក្នុងចត រួចគេចខ្លួនបាត់តែម្តងទៅ ។
បន្ទាប់ពីមានការចោទប្រកាន់នូវអំពើចោរកម្ម បង្កឡើងដោយជនបរទេសដូច្នោះ សមត្ថកិច្ចនគរបាលជំនាញព្រហ្មទណ្ឌ បានបើកការស៊ើបអង្កេត នឹងស្រាវជ្រាវរហូត ឈានដល់ការឃាត់ខ្លួនជនសង្ស័យ៣ ម្នាក់ជាជនជាតិអាហ្សង់ ទីន នឹង២នាក់ជាជនជាតិអង់គ្លេស ក្នុងនោះមានស្ត្រីម្នាក់ជាគ្រូបង្រៀនទៀតផង ។
ទោះជាយ៉ាងណាក្តី នេះបទល្មើសជាក់ស្តែងមួយ ដែលសមត្ថកិច្ចបានធ្វើឡើងតាមពាក្យបណ្តឹងរបស់ជនរង គ្រោះ នឹងយោងលើចម្លើយសារភាពរបស់ជនសង្ស័យ ដែលពួក គេពិតជាមានជាប់ពាក់ពន្ធ ទៅនិងអំពើចោរកម្មលួចទ្រព្យសម្បត្តិប្រជាពលរដ្ឋប្រាកដមែន ដូច្នោះទើបបានសមត្តកសាងសំណុំរឿងបញ្ជូនជនសង្ស័យ ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ