ការបង្កើនចំណង់អាហាររបស់កូនៗ អាចនឹងទាមទារឱ្យមានគន្លឹះខ្លះៗ ជាពិសេសនៅពេលដែលឱ្យកូនអ្នកទទួលទានអាហារដែលគេមិនចូលចិត្ត ។ ទោះយ៉ាងណាក៏ដោយ អ្នកមិនចាំបាច់ពិបាកចិត្តនិងរឿងនេះទេ ដោយសារតែគេហទំព័រ Flintobox បានចុះផ្សាយពីវិធីដើម្បីធ្វើឱ្យកូនរបស់អ្នកងាយស្រួលក្នុងរឿងញ៉ាំអាហារ ។…
ការបង្កើនចំណង់អាហាររបស់កូនៗ អាចនឹងទាមទារឱ្យមានគន្លឹះខ្លះៗ ជាពិសេសនៅពេលដែលឱ្យកូនអ្នកទទួលទានអាហារដែលគេមិនចូលចិត្ត ។ ទោះយ៉ាងណាក៏ដោយ អ្នកមិនចាំបាច់ពិបាកចិត្តនិងរឿងនេះទេ ដោយសារតែគេហទំព័រ Flintobox បានចុះផ្សាយពីវិធីដើម្បីធ្វើឱ្យកូនរបស់អ្នកងាយស្រួលក្នុងរឿងញ៉ាំអាហារ ។
១- អាហារពេលព្រឹក ៖ ការទទួលទានអាហារពេលព្រឹក គឺជាការចាំបាច់ ដោយសារតែវាមានការពាក់ព័ន្ធជាមួយនឹងចំណង់អាហាររបស់កូនអ្នក ។ អាហារពេលព្រឹកដែលមានតុល្យភាព ជួយបង្កើនការធ្វើមេតាប៉ូលីស (រំលាយអាហារទៅជាថាមពល) បន្ទាប់ពីមិនមានអ្វីក្នុងពោះកាលពីពេលយប់ ហើយជំរុញឱ្យរាងកាយចាប់ផ្តើមធ្វើការនៅក្នុងថ្ងៃថ្មីពេញមួយថ្ងៃ ។
២- ឱ្យញ៉ាំរៀងរាល់ ២ ម៉ោងម្តង ៖ កុមារដែលមិនចេះឃ្លានអាហារ អាចនឹងមានការធុញថប់នៅពេលដែលឱ្យញ៉ាំច្រើនៗពេកក្នុងពេលតែមួយ ។ អ្នកអាចឱ្យគេញ៉ាំតិចៗ តែច្រើនដង ។ ពោលគឺរាល់ ២ ម៉ោងម្តង ដើម្បីឱ្យប្រព័ន្ធរំលាយអាហាររបស់គេចេះចង់អាហារឡើងវិញ ។
៣- ផ្តល់ជូននូវអាហារដែលកូនអ្នកចូលចិត្ត ៖ សម្រាប់កុមារខ្លះដែលមានចំណង់អាហារទាប អាហារតិចណាស់ដែលគេចូលចិត្ត ។ ប្រសិនបើករណីបែបនេះ អ្នកគួរតែរកអាហារដែលពួកគេចូលចិត្ត ដើម្បីធ្វើឱ្យចំណង់អាហាររបស់ពួកគេចាប់ផ្តើមមានជាងមុនសិន ក្រោយមកចាំអ្នកឱ្យកូនអ្នកញ៉ាំអ្វីដែលអ្នកចង់ឱ្យគេញ៉ាំ ។
៤- ការរត់លេង ឬការហាត់ប្រាណបន្ថែម ៖ អ្នកប្រហែលជាដឹងស្រាប់ទៅហើយថា ការហាត់ប្រាណអាចបង្កើនចំណង់អាហារ ។ សម្រាប់កូនរបស់អ្នកគឺដូចគ្នា ប្រសិនបើកូនអ្នកមិនសូវឃ្លាន អ្នកឱ្យគេរត់លេងហត់ទៅពេលនោះពួកគេពិតជាឃ្លានមិនខាន ។
៥- ឱ្យកូនផឹកទឹក ៣០នាទីមុនម៉ោងបាយ ៖ កុមារគួរតែផឹកទឹកមុនដំបូងគេបង្អស់នៅពេលព្រឹក ។ ពួកគេក៏គួរតែទទួលទានទឹកឱ្យបានមុនពេលបាយកន្លះម៉ោងផងដែរ ។ នេះគឺធ្វើឱ្យប្រព័ន្ធរំលាយអាហាររបស់ពួកគេចាប់ដំណើរការ ហើយការរំលាយអាហារក៏មានភាពងាយស្រួល ៕ ប្រភព ៖ flintobox
ចែករំលែកព័តមាននេះ