រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់នៅព្រឹកថ្ងៃទី២៨ ខែវិច្ឆិកានេះថា «ព្រឹត្តិការណ៍៣ វិច្ឆិកា ដែលបង្កឡើងដោយកូវីដ១៩…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់នៅព្រឹកថ្ងៃទី២៨ ខែវិច្ឆិកានេះថា «ព្រឹត្តិការណ៍៣ វិច្ឆិកា ដែលបង្កឡើងដោយកូវីដ១៩ បានពន្យារពេលការបើកការដ្ឋានសាងសង់ផ្លូវ៣៨ ខ្សែ នៅក្រុងសៀមរាប ។ ពេលនេះខ្ញុំកំពុងធ្វើដំណើរទៅកាន់ខេត្តសៀមរាប ដើម្បីបើកការដ្ឋានសាងសង់ នៅថ្ងៃ៣០ វិច្ឆិកា ២០២០ ខានស្អែកនេះ ។»
ការប្រកាសលើបណ្តាញសង្គមហ្វេសប៊ុករបស់សម្តេចតេជោបានបញ្ជាក់បន្តថា ប្រមាណជាងមួយឆ្នាំទៀតក្រុងសៀមរាបនឹងមានផ្លូវល្អ ដែលខ្ញុំផ្តោតសំខាន់លើចំណុច៤ គឺ គុណភាព សុវត្ថិភាព ប្រសិទ្ធភាព និងសោភ័ណភាពសម្រាប់ទីក្រុងទេសចរណ៍មួយនេះ ។
ជាចុងក្រោយសម្តេចតេជោសូម ជូនពរបងប្អូនជនរួមជាតិជួបតែសេចក្តីសុខ សេចក្តីចំរើន ៕
ចែករំលែកព័តមាននេះ