មានស្ថានភាពផ្នែកវេជ្ជសាស្ត្ររុំារ៉ៃជាច្រើន អាចនឹងមានវិវត្តមានឡើង បន្ទាប់ពីដំណាក់កាលនៃ វ័យអស់ឈាមរដូវរបស់ស្ត្រីបានចូលមកដល់៖ ជំងឺសសៃឈាមបេះដូង។ នៅពេលដែលកម្រិតអរម៉ូន អឺស្ត្រូសែនរបស់អ្នកបានធ្លាក់ចុះ នោះ ឱកាស នៃការ…
មានស្ថានភាពផ្នែកវេជ្ជសាស្ត្ររុំារ៉ៃជាច្រើន អាចនឹងមានវិវត្តមានឡើង បន្ទាប់ពីដំណាក់កាលនៃ វ័យអស់ឈាមរដូវរបស់ស្ត្រីបានចូលមកដល់៖
ជំងឺសសៃឈាមបេះដូង។ នៅពេលដែលកម្រិតអរម៉ូន អឺស្ត្រូសែនរបស់អ្នកបានធ្លាក់ចុះ នោះ ឱកាស នៃការ ប្រឈមទៅនឹងជំងឺបេះដូងសសៃឈាមរបស់អ្នក ក៏នឹងមានការកើនឡើង។ ជំងឺបេះដូង គឺជាមូលហេតុដែលធ្វើអោយស្ត្រីអាចស្លាប់បានដូចជា បុរសផងដែរ។
ជំងឺពុកឆ្អឹង។ ក្នុងស្ថានភាពនៃជំងឺនេះ គឺវាបានធ្វើអោយឆ្អឹង ក្លាយជាផុយស្រួយ និង ចុះខ្សោយ ហើយវា នឹងឈានទៅរកនូវការកើនឡើង ទៅនឹងគ្រោះថ្នាក់នៃការប្រឈមទៅនឹង ការបាក់ឆ្អឹង។ ក្នុងអំឡុងពេលពីរបីឆ្នាំដំបូង បន្ទាប់ពីដំណាក់កាលនៃការរាំងឈាមរដូវនេះ បានចូលមកដល់ អ្នកនឹង អាចបាត់បង់នូវ ភាពហាប់ណែនរបស់ឆ្អឹងក្នុងកម្រិតមួយយ៉ាងឆាប់រហ័ស ដែលវានឹង បង្កើននូវឱកាស ប្រឈមទៅនឹងជំងឺពុកឆ្អឹង ។ ស្ត្រីដែលស្ថិតក្នុងដំណាក់កាលនេះ គឺហាក់ងាយ នឹងរង គ្រោះជាពិសេស ពីការបាក់ឆ្អឹងត្រគាក, កដៃ និង ឆ្អឹងខ្នងរបស់ពួកគេ ។
អាការៈនៃការមិនអាចទប់ទឹកនោមបាន។ ដោយសារតែជាលិការបស់ទ្វារមាស និង បង្ហួរនោម របស់អ្នកបានបាត់បង់នូវភាពយឺតរបស់ពួកវា នោះអ្នកអាចនឹងជួបប្រទះជារឿយៗនូវ ចំណង់ នៃ ការ ចង់បត់ជើងតូចភ្លាមៗ ដោយអាចរួមមាននូវការនោមចេញដោយមិនដឹងខ្លួន ឬ ការលេចចេញ នូវទឹកនោម ក្នុងអំឡុងពេលនៃការក្អក, សើច ឬ លើករបស់អ្វីមួយ។ ការធ្វើលំហាត់ប្រាណបែប Kegel ដើម្បីពង្រឹងសាច់ដុំបាតឆ្អឹងអាងត្រគាក ឬ ការប្រើអរម៉ូនអឺស្ត្រូសែន នៅក្នុងតំបន់នៃទ្វារ មាស គឺប្រហែលជាអាចជួយសម្រាលនូវ រោគសញ្ញារបស់អាការៈដែលមិនអាចទប់ទឹកនោម នេះបាន។
មានការកើនទំងន់។ មានស្ត្រីជាច្រើន បានឡើងទំងន់ ក្នុងអំឡុងពេលនៃដំណាក់កាលឆ្លងចូលដល់វ័យអស់ឈាមរដូវនេះ។ អ្នកអាចនឹងត្រូវធ្វើការទទួលទានអាហារតិចជាងមុន និង ធ្វើលំហាត់ ប្រាណ អោយបានច្រើន គឺដោយគ្រាន់តែជួយរក្សានូវទំនង់ដើមរបស់អ្នក ៕ ប្រភព ៖ health.com
ចែករំលែកព័តមាននេះ