សហរដ្ឋអាមេរិក ៖ តាមទស្សនាវដ្ដីNEWSWEEKថា សមាគម វេជ្ជសាស្ត្រអាមេរិកបានព្រមានពីបណ្ដាឥទ្ធិពលបន្ទាប់បន្សំគួរឲ្យរំខាននានារបស់វ៉ាក់សាំងប្រឆាំងវីរុស COVID-19 ផលិតដោយក្រុមហ៊ុនអាមេរិក MODERNA និង PFIZER ។
ដកស្រង់ដោយទស្សនាវដ្ដី NEWSWEEK សមាគម វេជ្ជសាស្ត្រអាមេរិក AMA អះអាងនាថ្ងៃទី២៦ វិច្ឆិកាថា វ៉ាក់សាំងប្រឆាំងវីរុសបង្កើតឡើងដោយក្រុមហ៊ុនអាមេរិក MODERNA និង
PFIZER មានឥទ្ធិពលគួរឲ្យរំខាននានា ដែលគេត្រូវរៀបចំខ្លួនទុកមុន ។
តាម AMA ថា នោះជាឥទ្ធិពលគួរឲ្យរំខាន តែមិនបណ្ដាលឲ្យមានគ្រោះថ្នាក់ឡើយ ។ ឥទ្ធិពលទាំងនោះមានដូចជាការឈឹចាប់ត្រង់កន្លែងចាក់ដែលកត់សម្គាល់ឃើញ ដោយអ្នកស្ម័គ្រចិត្ត២,៧% ក្រោយការចាក់ដូសដំបូង នៃវ៉ាក់សាំង mRNA-1273 របស់ក្រុមហ៊ុនជីវបច្ចេកវិទ្យា MODERNA ។ ប៉ុន្តែក្រោយការចាក់ដូសទី២ អ្នកស្ម័គ្រចិត្ត៩,៧%និយាយថា ហាក់មានអាការៈហេវហត់អស់កម្លាំង ៨,៩%ថាមានការឈឺចាប់សាច់ដុំ ៥,២%ថាឈឺចាប់តាមសរសៃ ៤,៥%ថាឈឹក្បាល និង៤,១%ថាឈឺចាប់ត្រង់កន្លែងចាក់ ។
អ្នកស្ម័គ្រចិត្តម្នាក់លោក LUKE HUTCHINSON អាយុ៤៣ឆ្នាំ បានលើកឡើងថា លោកមាន
គ្រុនក្ដៅពិបាកទ្រាំក្រោយការចាក់តែក្រោយ១២ម៉ោងក៏៏បាត់ទៅវិញ ។
យោងតាមក្រុមហ៊ុន MODERNA ថា ប្រសិទ្ធភាពនៃវ៉ាក់សាំងរបស់ខ្លួនមានដល់៩៤,៥% ។ ការចាក់២ដងនឹងមានតម្លៃរវាងពី៥០ទៅ៧៤ដុល្លារ ។
ចំណែកវ៉ាក់សាំង BNT162 របស់ក្រុមហ៊ុន PFIZER-BIONTECH ក៏មានឥទ្ធិពលឈឺក្បាលចំពោះអ្នកស្ម័គ្រចិត្តសាកល្បង៤% ក្រោយការចាក់ដូសទី២ ។ សម្រាប់វ៉ាក់សាំងនោះ ពុំមាន
ការត្ងូញត្អែរដទៃៗទៀត ទាក់ទិននឹងឥទ្ធិពលបន្ទាប់បន្សំឡើយ ។ កាលពីថ្ងៃទី១៨ វិច្ឆិកា ក្រុម
ហ៊ុនឱសថយក្សអាមេរិក PFIZER និងដៃគូអាល្លឺម៉ង់ BIONTECH បានប្រកាសថា វ៉ាក់សាំង
របស់ពួកគេមានប្រសិទ្ធភាពដល់៩៥% ។
ក្រុមហ៊ុនទាំង២នោះគ្រោងដាក់សំណើសុំការអនុញ្ញាតឲ្យប្រើបន្ទាន់នៃវ៉ាក់សាំងពួួកគេនៅសហរដ្ឋអាមេរិកនាពេលខាងមុខនេះ ។ វ៉ាក់សាំងរបស់រ PFIZER នឹងមានតម្លៃក្នុង១ដូស១៩,៥០ដុល្លារ ដូច្នេះសម្រាប់មនុស្សម្នាក់ត្រូវចំណាយប្រមាណជា៤០ដុល្លារសម្រាប់ការចាក់២លើកគឹ២ដូស ៕ ដកស្រង់ចេញពីវេបសាយ ៖ sputniknews
ចែករំលែកព័តមាននេះ