នីហ្សេរីយ៉ា ៖ បុរសសំបូរទ្រព្យជនជាតិនីហ្សេរីយ៉ាម្នាក់ បានធ្វើឱ្យមានភ្ញាក់ផ្អើលយ៉ាងខ្លាំង រហូតដល់សារព័ត៌មាន The Sun របស់ចក្រភពអង់គ្លេសធ្វើការចុះផ្សាយ បន្ទាប់ពីរូបគេបានបង្ហាញវត្តមានមិត្តស្រីទាំង៦នាក់របស់ខ្លួន ដែលសុទ្ធសឹងតែកំពុងពរពោះក្នុងពេលដំណាលគ្នា។…
នីហ្សេរីយ៉ា ៖ បុរសសំបូរទ្រព្យជនជាតិនីហ្សេរីយ៉ាម្នាក់ បានធ្វើឱ្យមានភ្ញាក់ផ្អើលយ៉ាងខ្លាំង រហូតដល់សារព័ត៌មាន The Sun របស់ចក្រភពអង់គ្លេសធ្វើការចុះផ្សាយ បន្ទាប់ពីរូបគេបានបង្ហាញវត្តមានមិត្តស្រីទាំង៦នាក់របស់ខ្លួន ដែលសុទ្ធសឹងតែកំពុងពរពោះក្នុងពេលដំណាលគ្នា។
លោក Mike Eze-Nwalie Nwogu ដែលមានឈ្មោះក្រៅថា «Pretty Mike» គឺជាម្ចាស់ក្លឹបរាត្រីមួយកន្លែង ហើយក៏ជាអ្នកមានប្រជាប្រិយភាពខ្លាំងម្នាក់ក្នុងបណ្តាញ Instagram ផងដែរនោះ បានអះអាងថា គាត់គឺជាឪពុករបស់ទារកទាំង៦នាក់ ដែលនៅក្នុងផ្ទៃរបស់មិត្តស្រីទាំង៦នាក់របស់គាត់។
Pretty Mike បានចែករំលែកវីដេអូលើបណ្តាញ Instagram ដែលមានអ្នកតាមដានជាង៣១ម៉ឹននាក់ ពីវត្តមានរបស់គាត់រួមទាំងមិត្តស្រីទាំងអស់ បានទៅចូលរួមក្នុងកម្មពិធីមង្គលការមិត្តសំលាញ់ ដែលជាតារាសម្តែងល្បីឈ្មោះម្នាក់របស់ប្រទេសនីហ្សេរីយ៉ា គឺ លោក Williams Uchemba។
ស្ថិតក្នុងឈុតអាវធំពណ៌ផ្កាឈូក Pretty Mike ទទួលការចាប់អារម្មណ៍យ៉ាងខ្លាំង ជាពិសេសរួមជាមួយវត្តមានមិត្តស្រីដែលកំពុងពរពោះទាំង៦នាក់របស់គាត់ ដែលធ្វើឱ្យអ្នកគាំទ្របញ្ចេញមតិផ្សេងៗពីគ្នា ចំពោះវីដេអូ និងរូបភាពទាំងនោះ ៕
ដើម្បីទស្សនាវីដេអូ សូមចុចត្រង់នេះ ៖ https://www.instagram.com/p/CIDi8n-pXFE/
ចែករំលែកព័តមាននេះ