កម្ពុជានឹងមិនមានវត្តមានរបស់ស្ថានទូតស៊ុយអែតទៀតទេនៅចុងឆ្នាំ២០២១
- ភ្នំពេញ
រាជធានីភ្នំពេញ ៖ យោងតាមសេចក្តីប្រកាសរបស់ស្ថានទូត ស៊ុយអែត (Sweden) ប្រចាំនៅកម្ពុជា បានឱ្យដឹងនៅថ្ងៃទី២៧ ខែវិច្ឆកា ឆ្នាំ២០២០ នេះថា…
រាជធានីភ្នំពេញ ៖ យោងតាមសេចក្តីប្រកាសរបស់ស្ថានទូត ស៊ុយអែត (Sweden) ប្រចាំនៅកម្ពុជា បានឱ្យដឹងនៅថ្ងៃទី២៧ ខែវិច្ឆកា ឆ្នាំ២០២០ នេះថា ស្ថានទូតកំពុងធ្វើការផ្លាស់ប្តូរវត្តមានរបស់ខ្លួន នៅក្នុងប្រទេសកម្ពុជា ។ កាលពីថ្ងៃទី ២៦ ខែវិច្ឆិកា ឆ្នាំ២០២០ នេះ រដ្ឋាភិបាលរបស់ប្រទេសស៊ុយអែត បានសម្រេចចិត្តបិទស្ថានទូតរបស់ខ្លួនដែលមានវត្តមានក្នុងប្រទេសកម្ពុជា នៅចុងឆ្នាំ ២០២១ខាងមុខ ។
សូមជម្រាបជូនផងដែរថា ប្រទេសស៊ុយអែត ជាប្រទេសដែលមានទំនាក់ទំនងល្អជាមួយនឹងប្រទេសកម្ពុជា ហើយការទំនាក់ទំនងនេះនឹងត្រូវធ្វើបន្តតាមវិធីថ្មីផ្សេងទៀតរវាងប្រទេសទាំងពីរ។
ក្នុងគោលបំណងទទួលស្គាល់ឯកអគ្គរដ្ឋទូត និងក្រសួងការបរទេសរបស់ប្រទេសសុ៊យអែត ប្រចាំនៅកម្ពុជា លោកនឹងផ្ទេរទៅស្ថានទូតនៅទីក្រុងបាងកកវិញ ។ បន្ទាប់ពីស្ថានទូតស៊ុយអែតត្រូវបានបិទនៅក្នុងប្រទេសកម្ពុជា នោះក្រសួងការបរទេសនឹងមិនមានបុគ្គលិកធ្វើការនៅក្នុងស្ថានីយនោះទេ ។
រីឯការអភិវឌ្ឍនៃកិច្ចសហប្រតិបត្តិរវាងប្រទេសទាំងពីរនឹងបន្តអនុវត្តតាមរយៈ ទីភ្នាក់ងារ ស៊ីដា(Sida)។ ការផ្លាស់ប្តូរនេះ គឺជាផ្នែកមួយរបស់ក្រសួងការបរទេស ដែលអាចបន្តការសម្របខ្លួននៃអង្គភាពនៅក្រៅប្រទេស ហើយដើម្បីផ្លាស់ប្តូរនូវប្រព័ន្ធផ្នែកខាងក្នុងផង ការត្រួតពិនិត្យថ្មី និងតម្រូវការសេវាកម្មថ្មីផងដែរ ។
នេះ គឺជាដំណើរការផ្លាស់ប្តូរដែលស្ថិតថេរមួយ ដែលវាអាស្រ័យទៅលើប្រទេសស៊ុយអែត ដោយពេលខ្លះអាចនឹងបន្តបើក ឬបិទ ស្ថានទូត និងស្ថានកុងស៊ុលរបស់ខ្លួន ៕
ចែករំលែកព័តមាននេះ